1. Á móti með Atla og Lilju. Hress innhringiþáttur á Útvarpi Sögu. Við mótmælum öllu!
2. Dansstúdíó Atla og Lilju. Hvernig á að bjóða fólki upp í dans án þess að hafa raunverulega áhuga á því og hvernig hætta dansi í miðjum klíðum.
3. Mótmælaskóli Atla og Lilju. Heilsdagsvistun fyrir móttækileg börn með ómótaðar skoðanir.
4. Gráa silfrið. Matreiðsluþættir á ÍNN. Hvernig skal matreiða kapítalistasvín og auðvaldsseggi.
5. Ferðaskrifstofa Atla og Lilju. Spennandi ævintýraferðir til Kúbu og N-Kóreu, aðra leiðina.
6. Detoxmiðstöð Atla og Lilju. Vondir kapítalistar teknir og afsjallaðir með hressilegri bakraufarskolun.
7. Sparisjóður Atla og Lilju. Við geymum peningana þín og eyðum þeim fyrir þig í hluti sem þú þarft raunverulega á að halda.
8. Rauða stundin. Fræðandi skemmtiþáttur fyrir börn um kosti kommúnískra lífsgilda.
9. Nei! Einhliða spurningaþáttur þar sem svarið er alltaf nei, sýndur á samtengdum rásum öll kvöld.
10. Þetta er ykkar líf, Atli og Lilja! Rómantískur framhaldsþáttur um fábrotið en hamingjuríkt líf á samyrkjubúi í Breiðholti.
Risaflóðbylgja drepur hundruð þúsunda manna og leggur í rúst allt sem hún snertir. Loðnukvóti aukinn verulega. Spilasjúkur öryrki nauðgar handrukkara.
Þetta eru alvöru fréttir, þetta er eitthvað sem skiptir okkur máli - eitthvað sem við viljum vita, þurfum að vita.
En hvað um þessar fréttir?
Kiefer Sutherland berrassaður á hommabar! Tilkynnt um reyk í húsi í Ártúnsholti. Enginn reykur reyndist hins vegar á staðnum þegar slökkvilið kom að! Svikabréf og svikarafpóstur berst Suðurnesjamönnum! Lögreglan í Hafnarfirði handtók í nótt einn mann sem var með tóbaksblandað kannabisefni á sér!
Afhverju í grængolandi ósköpunum er verið að bera slíkt og annað eins á borð fyrir heiðarlegt og skynsamt fólk?
Hálka um allt land! Á Íslandi í janúar - Í HÁLKU!
Brotist inn á heimasíðu Hrunamannahrepps - OG HVAÐ MEÐ ÞAÐ? Það er brotist inn á mörg hundruð þúsund heimasíður á dag! Á DAG segi ég! Hvað er merkilegt við www.fludir.is? Eru e.t.v. gífurlegir almannahagsmunir þarna í húfi? Í guðs bænum þefið nú uppi eitthvað sem skiptir okkur máli en hættið að frussa yfir okkur gersamlega tilgangs- og innihaldslausum fréttum af nákvæmlega engu. Andskotinn hafi það - heimurinn er á vonarvöl, það er stríð, jöklar bráðna, auðlindir þorna, pólitíkusar stela frá kjósendum sínum og svo framvegis og svo framvegis og svo framvegis.
» Sálmar | » Gagnrýni | » Sögur | » Leikrit | » Siðir | » Heimsljós
