1. Á móti með Atla og Lilju. Hress innhringiþáttur á Útvarpi Sögu. Við mótmælum öllu!
2. Dansstúdíó Atla og Lilju. Hvernig á að bjóða fólki upp í dans án þess að hafa raunverulega áhuga á því og hvernig hætta dansi í miðjum klíðum.
3. Mótmælaskóli Atla og Lilju. Heilsdagsvistun fyrir móttækileg börn með ómótaðar skoðanir.
4. Gráa silfrið. Matreiðsluþættir á ÍNN. Hvernig skal matreiða kapítalistasvín og auðvaldsseggi.
5. Ferðaskrifstofa Atla og Lilju. Spennandi ævintýraferðir til Kúbu og N-Kóreu, aðra leiðina.
6. Detoxmiðstöð Atla og Lilju. Vondir kapítalistar teknir og afsjallaðir með hressilegri bakraufarskolun.
7. Sparisjóður Atla og Lilju. Við geymum peningana þín og eyðum þeim fyrir þig í hluti sem þú þarft raunverulega á að halda.
8. Rauða stundin. Fræðandi skemmtiþáttur fyrir börn um kosti kommúnískra lífsgilda.
9. Nei! Einhliða spurningaþáttur þar sem svarið er alltaf nei, sýndur á samtengdum rásum öll kvöld.
10. Þetta er ykkar líf, Atli og Lilja! Rómantískur framhaldsþáttur um fábrotið en hamingjuríkt líf á samyrkjubúi í Breiðholti.
Þá er Kaupþing búið að skipta um nafn. Enn eina ferðina.
Ágætis nafn svo sem. Þjóðlegt og gott að muna: Ari Jón.
Ég geri ráð fyrir að skírt sé í höfuð þeirra Ara fróða Þorgilssonar og Jóns Sigurðssonar.
En hinsvegar.
Ef þetta spreðhyski dirfist að framleiða svo mikið sem eina músarmottu með nýja nafninu og lógóinu – og fleygja á móti fullnýtilegum skrifstofubúnaði, neonskiltum eða brjóstsykurspappír – þá skal ég persónulega sjá til þess að skilanefnd Nýja Kaupþings éti hvert einasta nýlógóað pappírssnifsi upp til agna.
» Sálmar | » Gagnrýni | » Sögur | » Leikrit | » Siðir | » Heimsljós
