Lesbók31.03.08 — Enter

Ja bittinú, skotil og jahérnahér! Haldið þið ekki að hans sjaldsjáanleiki, borgarstjóri Reykjavíkur, hafi í dag brugðið sér á fund hæstvirts ráðherra samgangna og sérhagsmuna. Og það um hábjartan dag.

Því ber að fagna.

Og hvað ætli þessir heiðursmenn séu nú aðkallandi að ræða? Hvaða tímamótandi samgöngubætur skyldu nú loks hafa leitt saman þessa hugumprúðu heillasnúða lands og lýða? Getur mögulega hugsast að mislæg gatnamót hafi vitjað þeirra í draumi eða að minnisblað um Sundabraut hafi loks ratað á þeirra víðfeðmu borð?

Nei. Ekki í þetta sinn.

Og auðvitað ekki. Vitanlega hafa þessir andans jöfrar annað um að véla en þessháttar tittlingaskít. Nú þarf nefnilega bráðnauðsynlega að ræða „aðstöðumál innanlandsflugs á Reykjavíkurflugvelli,“ eins og það er orðað.

Skiljanlega. Enda fátt ef nokkuð brýnna á þessum síðustu og verstu aðkreppandi tímum en að koma almennilegri samgöngumiðstöð á kopp; sómasam- og töffaralegri miðstöð með almennilegu kaffi, dúnmjúku bakkelsi, glitrandi glerveggjum – og tilhlýðilegu athvarfi fyrir fyrirmenni.

Almennilegu víæpíi.

Enda báðir efalítið orðnir langþreyttir á áralöngu og niðurlægjandi hangsi innan um slor- og fjósalyktandi dreifingjana sem deila með þeim núverandi skemmu.

 
Númi Fannsker — Sálmur
 
Enter — Sálmur
 
Enter — Sálmur
 
Númi Fannsker — Sálmur
 
Númi Fannsker — Sálmur
 
Enter — Sálmur
 
Enter — Sálmur
 
        1, 2, 3 ... 180, 181, 182