Í dag er laugardagur.

Á ensku hefur laugardagsnafnið "saturday" þá sérstöðu að vera eini dagurinn sem er skírður beint í höfuðið á rómverskum guði, Satúrnus. Íslenska orðið "laugardagur" hefur líka nokkra sérstöðu. Orðið vísar til þvottadags og í fornum heimildum er hann einnig nefndur "þváttdagur". Einnig eru til vísbendingar um að þvottur hafi á sínum tíma verið hluti af helgihaldi. Þetta kemur nokkuð á óvart í ljósi þess að Íslendingar voru drulluskítugir allt fram á 20. öldina.

Í Bandaríkjunum telst laugardagur síðasti dagur vikunnar, meðan flestar Evrópuþjóðir telja sunnudag síðasta dag vikunnar (ISO 8601). Ég fæ ekki betur séð en Íslendingar séu sammála Bandaríkjamönnum, ef tekið er mið af þriðjudegi og fimmtudegi. Kanasleikjur.

Söngvakeppni evrópskra sjónvarpsstöðva fer jafnan fram á laugardegi. Algengasti leiktími í ensku úrvalsdeildinni í knattspyrnu er kl 15:00 á laugardegi.