Hvert er eiginlega verið að flytja Hringbrautina? Upp á Akranes?

Hvenær á þessum demónísku framkvæmdum eiginlega að ljúka? Þessir menn eru búnir að þjösnast þarna í Vatnsmýrinni á þessum daunspúandi traktorum sínum frá því í sumar án nokkurs sýnilegs árangurs. Jú, þeim hefur að vísu auðnast að tæta sundur nokkur andahreiður og moka nokkrar mjög flottar holur – og svo auðvitað að þrengja Hringbrautina. Bra-djöfuls-vó!

Hvernig væri nú að upphysja og aðhneppa brókum hvers annars og þurrka smurolíuna af púst­rörunum. Mér er nokk sama milli hvaða flöskustúta þið troðið þessum mislæga æðahnút ykkar. Drífið þetta bara af!

Í það minnsta áður en flugbílar komast hér í almenna notkun og rífa þarf allt klabbið til að stækka flugvöllinn.

---

Og annað! Var alveg bráðnauðsynlegt að ráðast í aðdyttingar og krúsídúllukantskurð í Suðurgötunni svona rétt á meðan? Bara rétt til að tryggja að aðeins Vesturbæingar með aðgang að svifdreka eða neðanjarðarlest komist leiðar sinnar.

Fimbulapar.