Við Spesi litum við á alþjóðahúsinu um helgina til að fylgjast með spilafrenzýi ofvirknitríósins HOD, það var óskaplega gaman og dilluðum við okkur dágóða stund við glaðhlakkalegan tónagraut þeirra félaga.

Þarna var margt um manninn og m.a. mátti þar sjá Sigtrygg Sykurmola Font, sem skemmti sér augljóslega konunglega, iðaði allur, flissaði og neri saman lófum.

En skemmtilegust var þó sú staðreynd að við hlið Spesa stóð enginn annar en ljósmyndarinn knái, Spessi, og skríkti af kátínu.

Svona er nú heimurinn lítill.