Mikið óskaplega er þessi júróvisjónkeppni leiðinleg. Ég hefi þó látið mig hafa það að hlusta á þetta gaul, enda mikill talsmaður innlendrar dagskrárgerðar. Einn er þó sá lagahöfundur sem ber höfuð, herðar, hné og tær yfir aðra keppendur - en það er hinn brosmildi og fádæma geðþekki píanisti og tónskáld, Karl O. Olgeirsson. Ég ætla að greiða honum mitt atkvæði, það er ljóst!