ÁR SVIPMYND VIÐBURÐUR ÁHRIF Á UMHEIMINN
8
7
4

Ingólfur Arnarson hafði ekki numið land áður, svo vitað sé
Landnám Íslands
 Margir af mestu frekjuhundum, glæpamönnum og leiðindaskörfum Evrópu setjast að á Íslandi. Í hönd fer mikill uppgangs- og gleðitími í öðrum Evrópulöndum.
9
3
0

Frá vinstri: Ingólfur, Eiríkur rauði og óþekktur breskur ferðamaður
 Stofnun Alþingis Þingið verður innblástur að stofnun svipaðra klúbba og félagasamtaka víða um heim, þ.á.m. Kiwanis, Ku Klux Klan, AA og skátanna.
1
0
0
0

Leifur siglir með alvæpni niður Mississippifljót
 Leifur Eiríksson finnur Ameríku Frumbyggjar Ameríku fá þá vafasömu mynd af Evrópubúum að þeir séu sjóveikir, ósjálfbjarga drykkjusvolar - sem aftur veldur því að þeir hafa ekki vara á sér þegar Kólumbus mætir í góðu stuði nokkrum öldum síðar.
1
0
0
0

Þorgeir Ljósvetningagoði og feldurinn góði
 Kristnitakan Heiðni líður undir lok og með henni hinar fornu dyggðir forfeðra Evrópumanna; drenglyndi, gestrisni og kvenfrelsi.
1
2
4
1

Snorri varðist drengilega í laug sinni að Reykholti
 Snorri Sturluson veginn Rithöfundar víðs vegar í heiminum hætta að baða sig. Þessara áhrifa gætir enn þann dag í dag.
1
2
6
2

Noregskonungur bregður á leik
 Gamli sáttmáli

Íslendingar ganga Noregskonungi á hönd		 Noregur verður að athlægi í alþjóðasamfélaginu og er ekki tekinn í sátt fyrr en með sigri í Eurovision 1985.
1
3
9
0

Hér sést einn skrifaranna lita myndir við Sörla þátt.
Flateyjarbók skrifuð Þeir 112 kálfar sem notaðir voru í bókina voru fengnir frá Færeyjum og var skortur á ýmsum mjólkurvörum viðvarandi í eyjunum næstu aldir.
1
4
0
2

Margar ungar konur smituðust illa af farsóttinni
 Svartidauði Fyrir misskilning eru blökkumenn litnir hornauga á Íslandi næstu 600 árin.
1
5
5
0

Meðan allt lék í lyndi. Frá hægri, Gissur Einarsson, Jón Arason og Bússi böðull
 Siðaskiptin Pílagrímsferðir voru bannaðar og því lögðust ferðir Íslendinga til Suður-Evrópu af með öllu. Fjölmargir leiðsögumenn, gleðikonur og vínkaupmenn á Ítalíu missa vinnuna.
1
6
1
5

Það var glatt á hjalla í Vigur kvöldið eftir vígin
 Spánverjavígin

Hópur baskneskra hvalveiðimanna veginn í Æðey		 Sjálfsvarnarsamtök Baska (ETA) stofnuð.
1
6
2
1

Jón hitti fyrir ýmis sérkennileg kvikindi á ferðum sínum
 Jón Indíafari kemur til Kanaríeyja
 Jón ber með sér óþekktan sjúkdóm sem leggur fjölda fólks í valinn og eru eyjaskeggjar enn að ná sér eftir heimsóknina
1
6
2
7

Tyrkja-Gudda þótti á tíðum erfið viðureignar í Barbaríinu, en skemmtileg
 Tyrkjaránið Slæmt orð kemst á múslima sem haldist hefur á Vesturlöndum fram til dagsins í dag. Nýsmit á gláku og sárasótt eykst til muna í Alsír.
1
7
0
7

Bólurnar voru af ýmsu tagi, en allar stórar
 Stóra-Bóla

Fjórðungur þjóðarinnar deyr		 Útflutningur Dana á maðkétnu mjöli og skemmdum kartöflum dregst verulega saman.
1
7
5
1

Skúli Magnússon, fógeti, lítur yfir teikningar af baðinnréttingunum
 Innréttingarnar stofnaðar Hugmyndaþjófnaður sænsks vikapilts sem aðstoðaði við verkið lagði grunninn að IKEA veldinu.
1
7
8
3

Móðan smaug inn um allar glufur
 Móðuharðindi Valda miklum hörmungum og matarskorti víðsvegar í Evrópu, sem leggur m.a. grunn að frönsku stjórnarbyltingunni. Ímynd Íslands sem uppspretta leiðinda og óhamingju festist endanlega í sessi.
1
8
3
5

Frá vinstri: Konráð, Jónas, Brynjólfur og Tómas
 Fjölnir kemur út í fyrsta sinn Orðspor Íslendinga sem grínista berst víða um heim. Hugtakið sorprit verður til.
1
8
4
4

Síðasti geirfuglinn mun hafa heitið Erlingur
 Síðasta geirfuglsparið drepið í Eldey Heimurinn er að eilífu laus við þessi ófleygu leiðindakvikindi.
1
8
4
5

Hér sést skáldið yrkja Fararsnið
 Jónas Hallgrímsson deyr í Kaupmannahöfn Mjög dregur úr nýsmiti á sýfilis meðal Dana.
1
8
5
1

"..og ég mótmæli í nafni konungs og þjóðarinnar þessari aðferð og ég áskil þinginu rétt til að klaga til konungs vors yfir lögleysu þeirri sem hér er höfð í frammi"
 Þjóðfundurinn Danir taka að gæla við þá hugmynd að þeir muni í fyllingu tímans losna við Ísland af fjárlögum sínum.
1
8
5
5

Fáar, en skrautlegar sögur fara af landnámi Íslendinga í Texas
 Íslendingar taka að flytjast búferlum þúsundum saman til Vesturheims Hinir brottfluttu verða fljótt til vandræða í nýjum heimkynnum sínum og eru meðal annars taldir vera einn helsti orsakavaldur kreppunnar miklu í Bandaríkjunum og þ.a.l. seinni heimstyrjaldarinnar.
1
8
7
4

Frá hægri: Kristján IX, óþekktur Íslendingur
 Íslendingar fá stjórnarskrá Danakonungur, sem afhenti stjórnarskránna, kvefast illa.
1
9
1
6

Jónas frá Hriflu og félagar í góðu stuði
 Framsóknarflokkurinn stofnaður Stríðandi fylkingar fyrri heimstyrjaldarinnar láta landið algerlega afskipt af ótta við smit.
1
9
1
8

Keflvíkingar fagna fullveldinu
 Ísland verður fullveldi Mikil fagnaðarlæti brjótast út í Danmörku. Íslendingar í Kaupmannahöfn einangrast æ meir þar til fríríkið Kristjanía er stofnað.
1
9
1
8

Dr. Helgi ræðir við einn skjólstæðinga sinna
 Dr. Helgi Pjeturss kemur fram með kenningar sínar um Nýal Geimverur hætta snarlega við að hafa samband við jörðina.
1
9
2
4

Íslenski minkurinn þykir með greindarlegri skepnum
 Fyrsti minkurinn sleppur út í lífríkið Heimurinn mun aldrei framar sjá frosthaukinn, dvergísbjörninn, gjóskukrabbann né sandapann.
1
9
2
6

Annar eins ilmur hafði ekki fundist áður í henni Reykjavík
 Kexverksmiðjan Frón stofnsett Alþjóðaheilbrigðisstofnunin tekur að gera kröfur um innihaldslýsingar á matvörum.
1
9
3
2

Það rigndi talsvert á átakasvæðinu
 Gúttóslagurinn Alþjóða Ólympíunefndin leggur endanlega á hilluna allar hugmyndir um að gera íslensku glímuna að Ólympíugrein.
1
9
4
0

Bresku dátarnir þóttu yfir meðallagi kynþokkafullir
 Hernámið Lagður er grunnurinn að hnignun breska heimsveldisins þegar íslenskar stúlkur taka að spilla æru og vessum þúsunda breskra dáta.
1
9
4
4

Hér sést Sveinn Björnsson fagna ásamt Jóni Helgasyni (t.v.)
 Ísland verður lýðveldi Engin áhrif.
1
9
5
5

Frú Auði þóttu verðlaunin afar mikilfengleg, allt að því erótísk
 Halldór Laxness hlýtur Nóbelsverðlaun í bókmenntum Sannar í eitt skipti fyrir öll að jafnvel fábrotnir bændasynir geta orðið montnir uppskafningar ef viljinn er fyrir hendi.
1
9
5
6

Vilhjálmur er einn mesti íþróttamaður sem landið hefur átt
 Vilhjálmur Einarsson hlýtur silfurverðlaun í þrístökki á Ólympíuleikunum í Melbourne Aðrar þjóðir taka að æfa þrístökk af einhverri alvöru.
1
9
6
2

Hér sjást Vestfirðingar úða í sig súkkulaðikexi og álpappír
 Innflutningur hefst á Prins Póló Pólskur iðnaður nær sér á strik og fæðir af sér öfluga verkalýðsbaráttu Lech Walesa og vina hans.
1
9
6
6

Sósan var fundin upp fyrir hreina tilviljun
 Kokkteilsósan fundin upp
 MacDonald's keðjan íhugar að setja kokkteilsósuna á matseðilinn sinn, en hættir við þar sem uppskriftin þykir full flókin.
1
9
6
8

Mikið var lagt upp úr því að allir íbúar landsins virtu nýju lögin
 Hægri umferð leidd í lög Upphaf að hruni blómlegs bílaiðnaðar Breta, olli stórfelldu atvinnuleysi og versnandi lífskjörum í mörgum af blómlegustu héruðum landsins.
1
9
7
1

Danska sendiráðið bauð upp á pítsur og Jolly Cola í tilefni dagsins
 Heimkoma handritanna Heilmikið pláss losnar fyrir dönsk öndvegisrit á Konungsbókhlöðu í Kaupmannahöfn, aðsókn ferða- og fræðimanna á safnið eykst í framhaldinu til muna.
1
9
7
2

Kalda stríðið var í algleymingi meðan á einvíginu stóð
 Einvígi Fishers og Spassky Skák festist endanlega í sessi sem dægradvöl sérvitringa og einstæðinga.
1
9
7
4

Hér má sjá Vestmanneyinga leita að þjóðveginum
 Skeiðarárbrú fullgerð og hringvegurinn opnaður Heimsmetabók Guinness skráir stærsta hringtorg í heimi.
1
9
7
5

Svipmynd frá æfingu Austur-Þjóðverja fyrir leikinn
 Íslendingar sigra Austur-Þjóðverja í sögulegum landsleik í Laugardalnum Leikurinn er af mörgum sagnfræðingum talinn hafa verið upphafið að endalokum kommúnisma í Austur-Evrópu, sem lauk með falli Berlínarmúrsins.
1
9
7
5

Íslensku varðskipin máttu sín lítils gegn tundurskeytum Breta
 Þorskastríðið

Landhelgin færð út í 200 mílur		 Bretar hefja til málamynda stríðsrekstur gegn íslenskum varðskipum meðan þeir fullvissa sig um að ekkert nýtilegt sé að finna innan íslensku lögsögunnar.
1
9
8
0

Vigdís er af mörgum talin einn af okkar bestu forsetum
 Vigdís Finnbogadóttir er kjörinn forseti íslenska Lýðveldisins Margrét Þórhildur, danadrottning, byrjar að reykja að nýju.
1
9
8
4

Bjarni þótti harðhentur, en sanngjarn
 Bjarni Friðriksson, júdókappi, fær bronsverðlaun á Ólympíuleikunum í Los Angeles Efasemdir um að Bjarni sé í raun Íslendingur hleypir nýju lífi í erfðafræðirannsóknir.
1
9
8
4

Jón var mikill maður á velli, fríður sýnum og orðheppinn
 Jón Páll Sigmarsson sterkasti maður heims Jóhannesi Páli páfa ítrekað boðið að keppa á skosku Hálandaleikunum, auk þess sem Vatikaninu berast háar fjárhæðir frá Sól hf.
1
9
8
5

Allar stúlkur dreymdi um að verða eins og Hófí
 Hólmfríður Karlsdóttir er valin ungfrú Heimur Fegurðarskyn í ríkjum 3. heimsins brenglast til frambúðar.
1
9
8
6

Þær Nancy og Raisa skemmtu sér konunglega á Naustinu meðan strákarnir funduðu
 Reagan og Gorbatsjov funda í Höfða Reykjavík festir sig í sessi sem 'The Gay Capital of the World'.
1
9
8
8

Linda var um hríð ein glæsilegasta kona heims
 Linda Pétursdóttir er kjörin ungfrú Heimur Hugtakið kynlífsparadís er í fyrsta sinn notað um land norðan miðbaugs.
1
9
8
9

Þjóðin býr sig undir að detta ærlega í það þann 1. mars
Bjórinn leyfður Carlsberg-verksmiðjunum bjargað frá gjaldþroti á síðustu stundu.
1
9
9
1

Davíð bergir á
 Landsliðið í bridge hlýtur hina eftirsóttu Bermúdaskál Orðheppni og skemmtilegheit Davíðs Oddssonar vekja heimsathygli.
1
9
9
1

Frá vinstri: Landsbergis, Jón Baldvin
 Íslensk stjórnvöld viðurkenna sjálfstæði Lettlands Slakari andstæðingum Íslendinga í knattspyrnu fjölgar og þar með aukast til muna möguleikar íslenska landsliðsins á sigri.
1
9
9
7

Bjarni staldraði stutt við í geimnum, en sá þó tunglið nokkuð greinilega
 Bjarni Tryggvason fer fyrstur Íslendinga út fyrir gufuhvolf jarðar Framlög til geimferðaáætlunar Bandaríkjanna eru stórlega skorin niður.
2
0
0
0

Vala þykir minna um margt á Einar Vilhjálmsson, spjótkastara
 Vala Flosadóttir hlýtur bronsverðlaun í stangarstökki á Ólympíuleikunum í Sydney árið 2000 Stangarstökk kvenna nær alþjóðlegri hylli og Íslendingar hrapa niður heimslistann í kjölfarið.
2
0
0
1

Björk og Sjón mæta til hátíðarinnar
 Björk Guðmundsdóttir og Sjón eru tilnefnd til óskarsverðlauna fyrir besta frumsamda lagið Flestar þjóðir heims setja svani á lista yfir meindýr.
2
0
0
3

Verðlaunin munu koma ritstjórninni algerlega í opna skjöldu
 Bókaútgáfan Baggalútur birtir heimsbyggðinni sannleikann um sögu Íslands Ritstjórnarmeðlimir hljóta vefverðlaun Nóbels.