Frétt — Enter — 24. 4. 2009
Kolbrún leiðréttir misskilning
Kolbrún var stödd á norrænni ráðstefnu um skynsamlega nýtingu færeyska elgjastofnsins.

Kolbrún Halldórsdóttir, umhverfisráðherra, sem á dögunum lýsti sig algerlega mótfallna olíuleit á drekasvæðinu svonefnda, segir orð sín hafa verið slitin úr samhengi.

Hún segir ástæðuna ekki tengda olíunni, heldur miklu frekar drekunum sjálfum – og viðkvæmu vistkerfi þeirra.

„Þetta er yndislegar skepnur, gáfaðar og tilfinningaríkar – en um leið afskaplega viðkvæmar fyrir öllu áreiti og skapstyggar. Það væri fásinna að raska ró þeirra með einhverjum risaborum og mæligræjum. Það endar bara með skelfingu.“

Kolbrún minnir á að drekarnir eru alfriðaðir og olían þeirra helsta æti.
„Og svo er líka meir en nóg af olíu á íslenskum bensínstöðvum.“

Óska eftir

stúlku/stúlkum til að skemmta sæmilega þekktum Yemenskum kvikmyndaleikstjóra yfir helgina. Gott kaup. A.v.á.

Lesbók22. 10. 2020 — Enter

Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.

Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:


  • Ekkert starfsfólk
  • Engin viðvera
  • Ekkert húsnæði
  • Engin þjónusta
  • Engin gildi
  • Engin frí
  • Engin áhætta
  • Ekkert internetsamband
  • Enginn samningsvilji
  • Engin kaffivél

Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.

Góðar stundir.

 
Nýjustu fréttir: