Hinn kunni austurríski rappari og kvikmyndaleikari DJ-Flensburg er staddur hér á landi í stuttri heimsókn. Flensburg þarf vart að kynna fyrir unnendum austrurrískrar hip-hop menningar, en hann hefur gefið út fjölda hljómplatna, m.a. hina geysivinsælu Flensburg Im Nachbarschaft mit seine geile Hündinen, sem seldist í hundruðum eintaka víðsvegar um Evrópu.
Meðal þeirra kvikmynda sem DJ-Flensburg hefur leikið í má nefna pólsk-austurrísku spennumyndina Guten Tag Bitch og spennutryllinn Mord mit meine Homies.
Herbergi óskast
Reyklaus varhumar á þrítugsaldri óskar eftir að leigja herbergi með aðgangi að baði. Skilvísum greiðslum heitið.
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.