Velkomin í Utanríkismálaráðuneytið, þar sem öll starfsemi og samskipti er varða utanríkismál fara fram. Viðtalstímar eru af og til en annars er stundum hægt að finna mig ráfandi um ganga hallarinnar.

Sendiherrar
- Sendiherra Evrópu = Útvarpsstjóri
- Sendiherra N-Ameríku = Rattati
- Sendiherra S-Ameríku og Páskaeyju = B. Ewing
- Sendiherra Asíu = *laust til umsóknar*
- Sendiherra Eyjaálfu = *laust til umsóknar*
- Sendiherra Afríku = Tigra
- Sendiherra Suðurskauts, norðurskauts og annarra heimsálfulausra ríkja = Andþór
- Sendiherra á Satúrnusi: *laust til umsóknar*
- Sendiherra á Júpíter og nágrenni: *laust til umsóknar*
- Sendiherra Vesúvíusar og annarra eldfjalla = Hexia de Trix

‹Sækir um sendiherrastöðuna í Evrópu›

‹Sendir Bjargmundir ársbyrgðir af súrmat, hákarli og brennivíni›

‹bendir á að Rattati gæti þjónað sem sendiherra Nyrðri Ameríku meðfram störfum sínum sem Hreppstjóri Bandaríkjahrepps›

Ég held að sendiherra í Evrópu sé nokkuð tilgangslaus þar sem Evrópa tilheyrir meira og minna öll Baggalútíska heimsveldinu. Ég held því að nýlenduherra væri nær lagi.

Ég sá nú bara fram á rólega daga í sendiráðinu, í ró og næði. Það er alltof mikið vesen að vera nýlenduherra.

Þessi lagagrein var eitt sinn 14.000 orð en á endanum var ákveðið að hafa þetta bara stutt og loðið til þess að við gætum gert hlutina eins og við viljum. Sem sagt; Sendiherrar gera það sem við viljum/þeir vilja og láta okkur vita eftir hentugleika.

Hverjir fleiri eru til í að herrast smá?

‹Ljómar upp›

Flott er, ég held líka að sendiherra hljómi þægilegar í eyrum íbúa nýlendanna heldur en nýlenduherra. Orðið nýlenduherra fær almúgann til að halda að við séum að undiroka hann, sem við erum reyndar að sjálfsögðu að gera en almúginn þarf samt ekki endilega að vita það...

Fæ ég þá embættið?

‹Laumar splunkunýjum Zetor í bílskúrinn Bjargmundar›

Ég hlýt að vekja athygli á því að Hilmar Harðjaxl hefur ekki sést árum saman og er í raun dottinn út af lista yfir Heimavarðliða.
Mikill Hákon hefur verið óvirkur um langt skeið þótt hann hafi aðeins rekið inn nefið á þessu ári. Mér þykir því einsýnt að hvorugur þeirra geri mikið gagn sem sendiherrar.

Ég mæli hins vegar með Útvarpsstjóra í sendiherraembætti.

Ég sæki hér með um embætti sendiherra Vesúvíusar og annarra eldfjalla. Baggalútíu er nauðsyn að halda góðu sambandi við eldpúkana í eldfjöllum heimsins. Ég gæti til dæmis látið fjöllin gjósa á hernaðarlega mikilvægum tímapunkti. ‹Ljómar upp og sendir Bjargmundi fjórtán mjólkurtankbíla fulla af ilmandi kakói, sérstyrkt með ákavíti og aukaskammti af leyniefni›

Þetta er góð ábending Herbjörn. Ég hef ekki fengið fréttir af heilu heimshlutunum í langan tíma. Og þarsem starfssamningarnir við sendiherrana eru örugglega útrunnir ‹nennir ekki að athuga› lýsi ég því hérmeð yfir að allar sendiherrastöðurnar eru lausar til umsóknar. Þeir sem gegndu stöðunum áður og hafa reynslu hafa þó engu að síður forgang.

‹bíður eftir umsóknum›

Þar sem ég ræð nú nokkurnveginn öllu því sem ég vil á annað borð ráða sem hreppstjóri - eins og Kargur benti réttilega á - þá sæki ég hér með um embætti sendiherra Baggalútíu í Ameríku nyrðri.

Ég sæki hér formlega um stöðuna Sendiherra Suðurskauts, norðurskauts og annarra heimsálfulausra ríkja.

Nafn: Andþór Maximus Opnus-Munnus
Heimilisfang: Okkar málstaður 17
Netfang: Lalalaviu-viu@afsakiðasnalegtpostfang.bag
Sími/GSM: Já bæði. ‹Ljómar upp›

Sótt er um: Framtíðarstarf
Sótt er um: Fullt starf

Ertu með bílpróf: Já og meira að segja í gildi
Hefurðu áður unnið sem sendiherra: Nei
Launahugmyndir: Allavega nóg til að geta verið töluvert ölvaður svona dags daglega
Hvenar getur þú hafið störf: Strax

Hvers vegna hættir þú í síðasta starfi? Hef aldrei unnið handtak, þess vegna yrði ég svona góður sendiherra
Menntun: Leikskólinn Bæjarból, var virkur í félagslífinu þar

Hefurðu unnið einhver trúnaðarstörf fyrir sjálfstæðisflokkinn? Jú jú en ég blaðraði þeim öllum í DV

Eitthvað að lokum? Ég hef séð mörgæs! ‹Ljómar upp›

‹Sækir um starf sendiherra Páskaeyju og Suður Ameríku›

‹Sækir um stöðu sendiherra í Afríku›

Ég hef dvalið þar í dágóðan tíma og á þar að auki ljón þar úti sem mér var gefið og það skilar til mín skýrslu reglulega og lætur mig vita af öllu því helsta sem gerist.
‹Ljómar upp›

Fleiri umsóknir?

‹Ljómar upp›

Ég hef áhuga á lénsherrastöðu í Álaborg... sæki ég um hana hér?