Til að hefja ekki umræður um allt annað efni en pizzastaði undir nýjasta fjelagsriti Hvæsa ákváðum vjer að stofna sjerstakan þráð um þetta mikilvæga mál.

Í athugasemd við þetta fjelagsrit Hvæsa kom þetta fram:

Það ætti að banna tvær eða fleiri götur með sama nafni á mismunandi stöðum því hættan á óheppilegum ruglingi er of mikil, sjerstaklega ef langt er á milli þeirra. Leggjum vjer því til að þessar tvær götur verði sameinaðar í eina götu sem gera má samfellda með því að gera jarðgöng frá Lækjargötu í Reykjavík til Lækjargötu í Hafnarfirði.

Mikið væri það nú sniðugt! Getum við ekki gert þetta líka við Hverfisgöturnar, Hringbrautirnar, Suðurgöturnar og Strandgöturnar? Svo má líka gera þetta með heilu hverfin, til dæmis Hlíðahverfin... ‹Ljómar upp og sér fyrir sér mikla hagræðingu í bæjarferðum framvegis›

Hvernig væri bara að sameina þær á einn stað?
‹Sér fyrir sér hálftóma Reykjavík›

Hvað með götur sem heita sama nafni í Rvk og Akureyri?
Jarðgöng líka? ‹Klórar sér í höfðinu›

Ein lausn væri að nota svonefnda farcasters (eða eitthvað sambærilegt) til að tengja götur sem heita sama nafni saman. Þannig gæti fólk gengið eða ekið eftir þeim götum eins og um samfellda götu væri að ræða. Einfalt og rökrétt. Einungis minni háttar tæknilegir örðugleikar standa í vegi fyrir þessari lausn eins og er, en auðvelt ætti að reynast að ráða bót á þeim, með því að leggja höfuð í bleyti.

Nei, það er engin þörf á að tæma Reykjavík með því hafa göturnar allar á einum stað (í Hafnarfirði væntanlega því þar eru núna minni þrengsli). Því fylgja mikil þrengsli og/eða rask því annaðhvort yrði að koma Lækjargötu í Reykjavík fyrir á nánast sama stað og Lækjargötu í Hafnarfirði eða þá að til að losna við þrengsli yrði að færa nálægar götur. Miklu betra er að tengja þær saman með jarðgöngum. Sá fjöldi gatna sem Hexia nefnir sýnir líka ágæti hugmyndarinnar því eftir nauðsynlegar framkvæmdar verða margar leiðir milli margra sveitarfjelaga á höfuðborgarsvæðinu í staðinn fyrir að allir þurfi að troðast inn á Hafnarfjarðarveg eða Reykjanesbraut ‹Ljómar upp›.

Í neyðartilvikum er svo hægt að breyta nafni gatna í stað svona framkvæmda en það er neyðarúrræði sem á ekki við í ofannefndum tilvikum. Hafnarfjarðarlækjargata og Reykjavíkurlækjargata eru alltof löng og ljót nöfn.

Vitað er um Reykjavíkurveg bæði í Reykjavík og Hafnarfirði. Það yrði hjákátlegt ef neyðarúrræðið yrði notað og Reykjavíkurreykjavíkurvegur yrði til. Hafnarfjarðarreykjavíkurvegur myndi hins vegar alveg meika sens.

Augljósara væri í því sambandi að sameina Lækjargötu (í Hafnarfirði) við Tjarnarbraut, enda er það viðurkennd staðreynd að í Hafnarfirði er engin Tjörn og þarafleiðandi engin þörf fyrir Tjarnarbraut. Sameinuð gata myndi bara heita Lækjargata, eftir Læknum. Á sama hátt þyrfti þá að sameina Tjarnargötu og Lækjargötu í Reykjavík og búa til úr þeim eina Tjarnargötu. Það er nefnilega Tjörn í Reykjavík en enginn Lækur.

Já, þegar þú segir það... þá dettur mér í hug: Af hverju er enginn Hafnarfjarðarvegur í Hafnarfirði?

Nú er Hringbraut bæði í Hafnarfirði og Reykjavík.

Væri ekki ráð að leggja götu á milli þessa gatna og hafa hana þá í hring? Þá væri þetta ein stór alvöru hringbraut.

Víst er þar lækur. Gatan heitir hinsvegar röngu nafni og ætti frekar að heita Neðanjarðarlækjargata. Að breyta nöfnum gatna á þennan er hinsvegar óæskilegt neyðarúrræði. Það er hægt að ímynda sjer umferðaröngþveitið í Hafnarfirði ef allir sem ætla í Lækjargötu í Reykjavík villast inn á Lækjargötu í Hafnarfirði vegna þess að þeir finna enga Lækjargötu í Reykjavík.

Það er prýðileg hugmynd. Það vantar einmitt stóran hring utan um höfuðborgarsvæðið líkt og tíðkast víða erlendis. Vegna örlítið óheppilegrar legu legu Hringbrautar gæti þessi nýja gata kallast Hálfhringbraut.

Hvernig getur það svo staðist að ef maður er á Suðurgötu í Hafnarfirði, þá er Suðurgata í Reykjavík vel fyrir norðan mann? Þetta myndi kannski leysast ef Hringbrautirnar yrðu tengdar í hring, þá að minnsta kosti væri hægt að verða ringlaður á hringlandahættinum og maður missir áttaskynið...

Nei, nafnið Suðurgata (í Reykjavík) er fullkomlega eðilegt og endurspeglar langtímamarkmið borgarinnar í skipulagsmálum. Stefnan er að færa miðpunkt/þyngdarmiðju höfuðborgarsvæðisins til norðurs og norðvesturs með því að byggja úti á sjó, t.d. nálægt Örfirisey. Þegar þetta hefur tekist verður Suðurgata eðlilegt nafn því þá mun þurfa að fara í suður frá miðpunkti höfðuborgarsvæðisins til að komast að Suðurgötu. Reyndar mun þá líka þurfa að fara í suður til að komast að Suðurgötu í Hafnarfirði en vegalengdin verður meiri.

Er ekki bara málið að vera með á hreinu hvaða bæjarfélag gatan tilheyrir sem maður hefur íhuga hverju sinni?

Hins vegar Kópavogurinn...og hans Grænu og gulu götur... það er samvinnuverkefni satans, óvina ríkisins og Geirs Ólafs.

‹Sér fyrir sér samtengingu Hringbrautanna og Suðurgatnanna›

Þetta er mjög góð tenging hjá þér Hermundur. ‹Grípur um kvið sér, leggst í fósturstellingu á jörðina og veltist um, emjandi af hlátri›

Ekki tala illa um Geira Ólafs !