Offari þarf að bregða sér í borgina um helgina og langar að skvetta örlitlu öli í sig er til einhver staður sem hentar svona furðufuglum. ekki svona krakkastaður er Baggalútur að spila einhverstaðar um helgina?
Þarna get ég ekki hjálpað þér Offi minn, ég er alveg hætt að vita hvaða staðir lifa enn og hverjir ekki, hvað þá hverjir hafa skipt um nafn og svo framvegis. En góða skemmtun.
Ég held að eini staðurinn sem sleppi inn svona tröllum sé húsdýragarðurinn
Hvað með Þórscafé og Röðul, nú eða Lídó? Er kannski búið að loka þessu öllu?
Svo voru það náttúrulega Klúbburinn og Glaumbær. Nei, alveg rétt, Glaumbær brann og Klúbbnum var breytt í hótel. Æ, ég hef ekkert vit á þessu.
Einhverntíma kom ég líka í Breiðfirðingabúð. Klórar sér í höfðinu
Í barnæsku fanst eithvað sem kallaðist notað og nítt Glæsibær held ég að staðurinn hét hvort það sé fjör þar veit ég ekki
Glæsibær er ekki til lengur, þar er verið að búa til bílastæði held ég.
Veit bara enginn hvar fjörið er?
Verður þú þar?
Í alvöru talað, þá er auðvitað fjöldi skemmtistaða í miðbænum. Ég hef komið á nokkra þeirra eins og t.d. Dubliners, Café Victor, Hressó og einhverja fleiri. Þarna er svo sem ekki annað við að vera en að sitja og lepja sinn bjór, þ.e. ef maður er svo heppinn að fá sæti.
Á Players í Kópavogi eru hljómsveitir flestar helgar og samkvæmt upplýsingum á heimasíðu staðarins, verða Papar þar nú um helgina, föstudags- og laugardagskvöld. Ég hef nokkrum sinnum komið á Players
og þar er yfirleitt nóg pláss og oft fjörugt.
Síðan er það Kringlukráin, ég held að þar sé boðið upp á lifandi tónlist allar helgar.
Man skyndilega eftir Players
Ég hef komið á Players þegar Paparnir hafa leikið fyrir dansi. Það er ágætt. Þeir eiga þó flestir staðirnir sammerkt að það er ekki hægt að tala við annað fólk vegna hávaða. Svo ef maður ætlar að spjalla við samferðamenn þá er Players ekki staðurinn. Ef markmiðið er dans og drykkja, þá smellpassar hann.