Ég hef aldrei skilið duttlunga svokallaðrar mannanafnanefndar enda meira en nóg að klóra sig fram úr því ónefni.
Komið nú með falleg nöfn sem ekki eru þekkt.
Löngun þykir mér fallegra nafn en Ingunn.
Ef mér tekst að fjölga mér einn daginn og útkoman er drengur, þá verður kvikindið nefndur Hannes Valur. En ef ég klúðra því og bæti enn einni stelpunni í heiminn þá verður það Mist Eik.
Fallegt nafn þykir mér Raupi. Spurning hvort þetta sé nothæft samt.
-
Af hverju eru Diljá og Karítas kvenmannsnöfn og Auðunn og Sturla karlmannsnöfn. Fallegasta kvenmannsnafn sem ég veit er Dröfn og mitt nafn...en ég er sú eina sem heiti því nafni á íslandi.
Vinur minn lét dóttur sína heita Vigdís Dögg en dóttir mín fékk ekki að bera hið gullfallega nafn: Viskí Lögg.
Þetta er náttúrlega skandall. En Víndís Glögg
Er nokkuð verra að heita Dverghóra en Bergþóra?
Bergljót eða Forljót? Og hversvegna er nafnið Gerður aðeins ætlað kvenfólki
Það fer mun betur sem karlmannsnafn. T.d. Velgerður, Hálfgerður, Marggerður, Ógerður, Fljótgerður, Seingerður, Illagerður, og svona mætti lengi telja.
Þá þætti mér gaman að vita, Vímus, hvað þér þykir um kvennafnið Skaði.
Ég hefði kannski átt að heita Sopi, og Vímus Vínus. Nú eða Rauðbjörn Rauðbjór...eða Rauðvín.
Börnin mín heita Þvergerður og Slagbrandur og það fer þeim sérstaklega vel.
Þess má til ófögnuðs geta að fyrr á árinu var drengur skýrður hinu hrottalega nafni Júlí Mosi.
Þá þætti mér gaman að vita, Vímus, hvað þér þykir um kvennafnið Skaði.
ÞETTA ER VONLAUST NAFN Á KONU EN FÍNT Á ÞAR TIL GERÐA MENN. BUSH FÆRI BETUR NAFNIÐ STÓRSKAÐI.
Þess má til ófögnuðs geta að fyrr á árinu var drengur skýrður hinu hrottalega nafni Júlí Mosi.
Heitir systir hans Ágúst sól? eða Ágústsól. Fyrri útgáfan er bæði kk og kvk en sú síðari er kvk.
Ég veit um eina stúlku sem ber hið fagra nafn Dimmblá sem millinafn.
Annars er ég sammála hugmynd Davíðs Þórs um kvóta á mannanöfn.
"Hvað á barnið að heita?"
"Guðmundur"
"Sorrí, upptekið. Hann getur heitið Hrútur í staðinn"
Eins og staðan er í dag þá þykir mér hæpið að kvótinn fyrir Guðmundarnafnið sé fylltur. Líklegra er að Arons-kvótinn sé sprunginn, og það fyrir þó nokkru síðan.
Guðbrundur. Nei vonlaust.
Samkvæmt http://is.wikipedia.org/wiki/%C3%8Dslensk_mannan%C3%B6fn_eftir_notkun
voru 4586 Guðmundar en 831 Aron.
Kunningi minn heitir Vilbrandur og er sá eini á landinu sem ber það nafn. Þarna má líka finna afar vannýtt nöfn eins og Árbjartur, Blómey, Dögun, Freygarður, Heiðberg, Ísis, Klængur, Myrkvi, Röskva, Sólver, Vilji, Þyrnir, Draupnir, Fáfnir, Baugur, Týr, Garpur, Hlini, Móses, Skæringur, Hugljúf, Viðja, Höður, Loki, Stormur, Vöggur, Funi, og Röðull.
Nú grunar mig að notkun nokkurra nafna á þessum lista hafi dottið úr notkun undanfarið vegna pólitíkur. Gæti það verið?