Arsenik? Rökstuðningur kemur ef svarið reynist rétt ... ég vil ekki gefa of mikið upp um hvaða hugsanaferli eru komin af stað í hausnum á mér strax.

Sæmilegar tillögur, en því miður ekki réttar.

Ég læt þetta standa í svona klukkutíma í viðbót og svo legg ég inn lausnina í leyniletri (þar sem ég hef ekki tíma til að sinna þrautinni svo vel þykir).

-

Er þetta Neptúnín? Rökstuðningur fæst aðeins ef svarið er rétt!

Nei, ekki var það svo gott.

-

Kúrín?

Hvers vegna í ósköpunum heldur þú það?

-

Novem Centum = 900 = CM í rómverskum tölum...

Súlfúr?

Hárrétt! Þér eruð snillingur!

Ég hafði svo skrifað 'keisari' þarna á undan til að reyna að vísa mönnum í átt að rómversku tölunum.

-

Þakka þér fyrir Limbri, ég hef alltaf vitað að ég er snillingur. ‹Ljómar upp og lætur rigna eldi og brennisteini upp í nefið á sér›

Aftur á móti er ég ekki nógu mikill snillingur (lesist: ég er of löt núna) til að koma með gátu handa ykkur.

Uss hvað þetta var góð gáta. Og vel af sér vikið hjá Hexiu að hafa leyst hana.

Svo er spurning hvort hún nenni nú að vingsa fram eins og einni þraut.

‹Bankar á kofadyrnar við rætur Vesúvíus› Er einhver þarna?

‹Hættir að berja járn og stígur út›

Hér er þraut fyrir ykkur dauðlegu mennina:

[[{()}]] {(())} [[()]] [{()}] [{(((())))}] [[((()))]] [{()}] [[[()]]] [{}] [[(((())))]] [{()}] () [{}] [{}] [()] [[()]]

Hvað stendur þarna?

Jæja, langar ykkur í vísbendingu?

Þetta er strikamerki fyrir varahlutakassa undir xf-04 flugvélabolta. Boeing kerfið held ég örugglega.

Eða eitthvað allt annað. Ég skil ekkert í svona dulmáli.

Þarfi minn, ekki tekur það fjóra sólarhringa að smíða vísbendingu? ‹Klórar sér í höfðinu›

Nei ... ég gleymdi bara. ‹Roðnar óstjórnlega og borar annarri stórutánni ofan í gólfið›

Hér er vísbendingin: Þessi kóði á sitthvað skylt með rómverskum tölum.