Áin byrjar brött en grunn,
brýst hún niður ansi þunn,
verður neðar væn og kunn,
veltir útí fjarðarmunn.
Heimskur maður hreykir sér
hátt hann alltaf syngur hér
Alltaf er að ofan ber
Og seinast alltaf héðan fer
Afsakið en ég hélt að þetta væri ekki að kveðast á þráðurinn, en þegar ég fer að skoða það betur þá er það þannig. Þar sem ég get ekki eytt þessu innleggi ásamt þessari gölluðu vísu , þá leyfi ég henni bara að standa og ég sé nú ekki í fljótu bragðu að stuðlarnir séu ekki réttir hjá mér.
Enda eruð þið sumir afskaplega smámunasamir með höfuðstafi og stuðla sem er nú kannski ekki nauðsynlegt miðað við alla þá bragarhætti sem ertu til. Blótar herfilega og rífur hár sitt
Hér er þráður, og átti því að hefja næstu vísu á eftir Skabba á munn eða fjarðarmunn.
Hér er þráður, og átti því að hefja næstu vísu á eftir Skabba á munn eða fjarðarmunn.
Að auki er stuðlasetning röng hjá Dularfulla manninum. (Ég skil það eftir sem æfingu fyrir hann að finna villurnar.)
Áin byrjar brött en grunn,
brýst hún niður ansi þunn,
verður neðar væn og kunn,
veltir útí fjarðarmunn.
Munnar svanna munu tveir
mjög svo fagrir eru þeir
af þeim vil ég ætíð meir
orti þannig Baudelaire
Baudelaire með blýantinn
beittan þekur pappírinn
Heila daginn út og inn
yrkir franska leirburðinn.
Leirburður mín ljóðagerð
laga þetta nú ég verð
Kom ég hér með kvæða mergð
kvæðin ljótu hér þú sérð.
Sé ég hérna sólarglit
Sjaldan ver ég alveg bit
Í kolli mínum kosmískt vit
Kostulegt er þetta rit.
Hvað eru margar bragfræðilegar villur í þessu?
Ritið engar reglur braut
reyndar bara vel það flaut
Létt þú fórst með þessa þraut
þetta rit var mjög flott skraut.
Heimskur maður hreykir sér
hátt hann alltaf syngur hér
Alltaf er að ofan ber
Og seinast alltaf héðan fer
Afsakið en ég hélt að þetta væri ekki að kveðast á þráðurinn, en þegar ég fer að skoða það betur þá er það þannig. Þar sem ég get ekki eytt þessu innleggi ásamt þessari gölluðu vísu , þá leyfi ég henni bara að standa og ég sé nú ekki í fljótu bragðu að stuðlarnir séu ekki réttir hjá mér.
Enda eruð þið sumir afskaplega smámunasamir með höfuðstafi og stuðla sem er nú kannski ekki nauðsynlegt miðað við alla þá bragarhætti sem ertu til. Blótar herfilega og rífur hár sitt
Geispar herfilega
Það má vel vera að við séum smámunasamir en hér hefur myndast hefð fyrir að nota stuðla og höfuðstafi rétt. Sú hefð er góð og við hana mun ég standa vörð. Það gera einnig flestir þeir sem hafa í gegnum tíðina verið duglegastir við að yrkja á Gestapó. Eflaust er fullt af vefsvæðum þar sem þessum reglum er ekki fylgt en þetta er ekki eitt þeirra.
Ég átta mig ekki alveg á þessari ... alla þá bragarhætti sem eru til vörn. Í öllum helstu rímnaháttum íslenskum eru stuðlar og höfuðstafir. Það á einnig við um samhenduna.
Stuðlavillur þínar eru eftirfarandi: Í þriðju línu er ofstuðlað, alltaf stuðlar bæði við er að og ofan. Þá þarf maður að vera virkilega umburðarlyndur til að þola og í fjórðu línu sem höfuðstaf í þessu tilfelli.
Nánari upplýsingar er að finna á www.rimur.is og www.heimskringla.net .
Ritið engar reglur braut
reyndar bara vel það flaut
Létt þú fórst með þessa þraut
þetta rit var mjög flott skraut.
skreyta mætti skitin orð
og skapa þannig gullið torð
drengir bæði og derrin skorð
drýgið ekki vísnamorð!
Vísnamorð hér víst má sjá,
vondan þráð sem lestir hrjá.
Enga stuðla í skal spá.
Einnig rímið villast má:
Sjá þráðinn Ort án stuðla en leyfilegt verður að ríma. á Skáldskaparmálum.
Máttu góða ljóðin létt,
lista hérna alveg rétt.
Skáldin kvæðin kveða þétt,
kapparnir í skáldastétt.
Skáldastéttin skrifar ljóð
skreytir með þeim þennan sjóð
Heillar með þeim fögur fljóð
fegrar lútinn þetta stóð.
Stend ég borgarstræti á,
stúlka fögur gengur hjá.
Yndisfríð með augu blá
ástar- vankar hjá mér -þrá.
Þrá er hugtak þrautvitað
sem þekkist hvítt og marglitað.
Skráð í bækur skrautritað
skorinort og bjarghnitað.
Hnitar stóra hringi már
horfir yfir fjöll og gjár.
Ríki hans er himinn hár
heiður, tær og safírblár.
Safírblár er Bjartur minn,
besti listahundurinn
Klappar hann á kollinn sinn
kinnableiki vinur þinn.
Þinn er svipur þrúgandi
þú ert illur kúgandi
Löngum ertu ljúgandi
litlu fyrir trúandi.
Ekki beint til þín Regína mín
Vel ort Sundlaugur.
Trúir þú á tröll og álfa?
Titra bein og fara að skjálfa?
Skilning þinn þá skaltu þjálfa
og skoða betur hluti sjálfa.