Hér á gamla kveðist á, var þráður sem byrjaði svona, svo ég vitni í upphafsmann þráðarins...
Hækur
Hækur eru sérstakt ljóðaform, meira en 700 ára gamalt, ættað frá Japan.
Hækur þurfa ekki að hafa rím
Hækur hafa þrjár ljóðlínur með ákveðnum fjölda atkvæða
Fyrsta ljóðlínan hefur fimm atkvæði (sérhljóða)
Önnur ljóðlínan hefur sjö atkvæði (sérhljóða)
Þriðja ljóðlínan hefur fimm atkvæði (sérhljóða)
Haust
Blómin fölna nú
og missa litinn fagra.
Það dimmir óðum.
Hækur fjalla um náttúruna og eiga að vekja hjá okkur ákveðnar tilfinningar um hana. Við sjáum hluti fyrir okkur, heyrum hljóð og finnum til. Þess vegna þurfum við að vanda okkur þegar við veljum réttu orðin í ljóðin okkar.
Við lesum hækur mjög, mjög hægt, þá sjáum við hlutina fyrir okkur og tilfinningar vakna.
Komið þið nú með vel gerðar „hækur“.
(Þessi fræðsla er af vefnum: http://www.ruv.is/hvalir/ljod/haekur.htm)
Ég prófa...
stráin hverfa hratt,
æðir niður fönnin hvít
yfirbreiðslan köld
Geri reyndar ekki ráðfyrir að hér eigi vera keðjuort - datt bara ekkert sérstakt í hug til að byrja kvæðið...
Köld sem hjarnbreiðu
hjúpandi skafrenningur
reynast kvennaráð
Gengur þetta Skabbi:
Eins og síróp á sunnudegi,
laumast dalalæðan,
hljóðlaust heim túnið.
En þetta:
Hægrirétturinn er í gildi,
þar sem fjárgatan skiptist í tvær,
efst í skarðinu.
-
[ Njah-nei, þetta er ekki alveg að gera sig... gæta þarf að atkvæðafjölda (5-7-5). Síðasta línan er reyndar í góðu lagi, inniheldur fimm atkvæði. ]
Rétt hæka væri fremur e-ð í líkinguvið þetta :
Hægrirétturinn; ( = 5 )
fjárgatan skiptist í tvær ( = 7 )
efst í skarðinu. ( = 5 )
- m/vinsemd - z n ó j -
Rok er og rigning
að kvöldi veðrið lægir
dimmir um haust.
Þakka ábendingar Z. Natan, gengur þetta þá: [Flott Golíat... Skabbi]
Norðaustan bræla,
fjöðurinn hvítfreyðandi,
bátarnir inni.
Þetta gengur...
aldan sleikir skut
báran lemur stefnið fast
hrönnin kitlar borð
Blesgæsin flýgur
yfir háu heiðarnar
mænir á túnin
Svífur hún yfir
Sem byssukúla brunar
Valkyrjan illa
Er þetta alveg kengrangt? [Meira yfir í kengrétt... Skabbi]
Vinsemd og friður
umlykur Baggalútinn
þegar er kakó.
grænt landið hverfur
flýgur gæs í hinsta sinn
gras ei bítur meir
Iðnbylting íslands
sekkur land sökkva bændur
en heimskan aldrei
grænt land hverfur
flýgur gæs í hinsta sinn
gras ei bítur meir
Vildirðu ekki sagt hafa:
Grænt landið hverfur
flýgur gæs í hinsta sinn
gras ei bítur meir.
[heyrðu... jú... takk fyrir það... laga það... Skabbi]
Hérna er ein sem á kannske betur við í kvöld... en ég læt hana flakka...
Rökkrið kemur svart,
dimmir skuggar sleikja ljós,
sængin bíður mjúk.
Þetta er ekki kveðskapur frekar en sússi er matur.Strunsar út af sviðinu og skellir á eftir sér