Hvar er Loftur?
Hvernig miðar þarfagreiningu verksins?
Hafa smíðar hafist?
Hvenær eru áætluð fyrstu drög að viðbót?
Bara svona smá forvitni...
Þarfagreiningu er að mestu lokið og smíðar standa yfir. Ég vonast til að hafa tíma til að taka góða törn yfir helgina, þannig að fyrsta útgáfa gæti þá hugsanlega komið út í þessum mánuði.
Úlfamanninum er spurn hvað þarfagreining er, og telur að um nýja tegund greiningarferlis sé að ræða sem kunni að gagnast íslensku þjóðinni betur heldur en t.d. sálgreining eða jafnvel sjúkdómsgreining. Ekki er vitað um neina þörf í augnablikinu sem gæti reynst banvænn sjúkdómur síðar meir ef hún færi í greiningu, en gæti verið að hugtakið merki að greina þarfir manna?
Rétt er giskað. Ég vísa í fyrsta félagsrit mitt til nánari glöggvunar á fyrirbærinu, en það má finna hér.
Grillaður refur á diskinn minn. Og er snöggur að því. Svo bragðgóður og frískandi, refur, refur.
Það er mér ánægja að tilkynna að ég er kominn með viðbót sem ég tel frambærilega sem fyrstu útgáfu. Ég ákvað hins vegar að senda Enter póst til að athuga hvaða skoðun hann hefur á þessu máli, ef einhverja. Nánari fréttir síðar.
bíður spenntur
Enter samþykkti þessa viðbót með mjög jákvæðri umsögn, og féllst á að hýsa hana á baggalútsvefnum.
Hana má finna hér. Svo gæti verið að vista þurfi viðbótina á eigin tölvu og opna hana síðan þaðan í eldrefnum til að setja hana upp - ég vona að það vefjist ekki um of fyrir fólki.
Það sem hægt er að gera með þessu er eftirfarandi:
Búa til eigin sviðslýsingar sem bætast þá í listann sem fyrir er. Þetta má gera með því að velja Baggalútur->Stillingar í tólabarnum, og síðan Sviðslýsingar.
Vista félagsrit og þræði á eigin tölvu. Fyrst þarf að gefa upp slóð þar sem þessu er holað niður með því að opna Baggalútur->Stillingar og velja slóð með því að ýta á, tja, takkann sem á stendur Velja. Eftir að það hefur verið gert má vista þann þráð eða félagsrit sem er opið í eldrefnum með því að hægrismella einhvers staðar á auðu svæði, og velja Baggalútur->Vista þráð, eða Baggalútur->Vista félagsrit. Þetta má einnig velja í tólabarnum.
Ekki fæ ég þetta til að virka. Brestur í óstöðvandi grát
Prófaðu að velja Save as ... og vista þessa á einhverjum góðum stað á tölvunni þinni, og opna hana síðan í Eldrefnum.
Úhúhú ég er komin með þetta inn og ætla núna að fara að fikta Ljómar upp
Gott að heyra að þetta virkar alla veganna. Stekkur hæð sína
Já þetta er svaka flott hjá þér Þarfi!
Ein spurning samt....ég er búin að búa til mína eigin sviðslýsingu. Hvað gerir maður svo? Á hún að bætast við listann eða hvað?
Já - hún ætti að koma neðst í listann sem sést þegar maður er að skrifa innlegg ef allt virkar rétt.
Hmmmm hún kemur nú ekki svoleiðis hjá mér.
Á maður að gera eitthvað annað en að vista og ýta á ok? Þarf ég kannski að skrá mig út og aftur inn?
Nei, þess á ekki að þurfa.
Ég á reyndar eftir að prófa þessa viðbót í Windows. Roðnar óstjórnlega og borar annarri stórutánni ofan í gólfið
Sjáum til hvernig þetta virkar hjá öðrum.
Hafði þegar vistað þetta í tölvuna en ekkert virkaði svo ég prófaði töfralausnina, að endurræsa tölvuna. Þá virkaði þetta svona líka vel.