Súr er fögur sítróna og sólargul er
Það ei vil ég drag' á dul hér

Þetta er afhendingarkeðjan, ég hoppa bara yfir.

Tunnur voru títtnefndar á tyrfnum þræði.
Þess vegna ei þær um ræði.

Dula þarf við drotningun að dufla meira.
Ekkert má þó yfirkeira.

ÁNÆGÐ!

‹Urrar á köttinn› Þetta er stúfhenda hjá þér Mjási minn, á afhendingarþræðinum. Þú getur lagað hana með því að smella á skástrikið.

Ræðum hvernig ríman á æ rétt að enda
Staðfast ort nú af- er henda

Hendast upp um heiðarsali hvítar kindur,
freistar þeirra fjallatindur.

Tindar fjalla trjóna hátt og tignarlegir
svo köðlum með þú klífa megir

Megir þú nú mélin nota munninn þinn í
stóðinu ég strax þig finn í.

Inní mér er agnarlítil ofurkona.
Að hún stækki oft ég vona.

Vonum hrunda hafa brugðist halir margir
þeir svo verða allir argir

Argur verð ef ekki fæ að yrkja bragi
sem enn ef það er í lagi

Er í lagi einu sem ég eitt sinn kunni:
Þröstur, stelpa, strákur, runni.

Runnu krakkar rassinn á á rokna svelli
slíkt ei þolir þjökuð elli

Ellimerki engin hrjá mig alvarlega.
Ofan beltis, allavega.

Alla Vegan-eiturfæði er að brasa,
yfir því ég er að þrasa.

Þrasar buguð þjóðin hækkar þreytuskali
kvelur sig á krepputali

Krepputalið karlavalið kennir malið,
eyðslusemisyndum falið.

Það má mín vegna setja kvenna í stað karla, það kemur niður á eitt.

Falið hafa fjármuni í fínum skjólum
fantar sem brátt fara úr bólum.