Já. Það má auðvitað aldrei. Svo þegar fíknin er komin á hæstu stig og allt húsið orðið fullt af stellum þá fer fíkillinn brjóta 'óvart' ódýrustu stellinn, svo hægt sé að kaupa dýrari og flottari stell í staðinn. Sjúklegt alveg.

Ég fékk (eins og kemur fram í félagsriti mínu) Bókina um Hannes Hafstein, myndavél - Canon350D með 18-55mm linsu og 55-200mm linsu og battery grip, peysu, pott, eldhúsvog, diskinn með MegaSukk, eldgamla vínilplötu, playstation2 tölvu og Singstar 80's, ævisögu Sigríðar Þorvaldsdóttur, kökudiska í stellið okkar Hexiu, myndaramma og eitthvað fleira sem ég man ekki í svipinn...

Ívar! Þetta er myndavél drauma minna sem þú fékkst í jólagjöf! ‹Öfundast›

já ég keypti mer nú bara ódýrt stell fyrir jólin prúttaði það niðrí 500 íslenska ríkisdali
annars henta pappa og plast stell ágætlega þau brotna síður.
en annars held ég að þetta sé alveg kórrétt hjá ykkur að þetta valdi fíkn,
hef orðið var við brjálæðisglampa þegar fjölskyldumeðlimur rekur augun í gamla piparsveinastellið mitt.
En ég segi nú bara fjölbreytni er af hinu góða.

Humm, held ég hafi aldrei fengið svo fáa pakka, bókstaflega, en ég fékk þónokkrar jólagjafir, margar óinnpakkaðar ef svo má að orði komast, og sjaldan jafn veglega og eina þeirra.
Ég fékk tvær bækur; Næturvaktin og John Lennon - ævisaga, hitakönnu, einn geisladisk sem ég átti fyrir, útvarpssendi fyrir iPod, listaverk eftir ömmu mín fékk ég frá henni, og svo var það sú veglega, smóking með öllu tilheyrandi, skyrtu, slaufu, linda, belti o.s.frv. Þar að auki var mér látið í té peningar til að versla sjálfur fyrir hérna í útlandinu, og hef ég nýtt þá m.a. til að kaupa bækur, Eragon og Narníu bækurnar sjö saman í einni bók, tvær þáttaraðir á mynddiskaformi og svo eitt stykki ferðatösku. Þannig að í heildina var rík uppskera þessi jól, efnislega séð.

Ég er svo heppin að eiga dásamlega vini og frábæra fjölskyldu, svo ég fór ekki í jólaköttinn þetta árið.
Ég fékk úlpu, forláta 7 mílna skó, star trek úr (sem er að ég held mest töff jólagjöf sem ég hef fengið), Eragon, Foucault's Pendulum e. Umberto Eco og A pocket guide to Flanimals og málverk eftir vinkonu mína. Þetta er þó aðeins brot af því sem ég fékk. En hitt voru meira svona persónulegargjafir.

Já þið segið það. Svo virðist sem fjölskylda mín sé ólm að losna við mig, því þau gáfu mér svona jólagjafabréf upp í flugferð til Danmerkur. Foreldrarnir vilja þó fá að fylgjast með mér og gáfu mér því ákaflega flotta stafræna myndavél, svo ég geti sent þeim myndir úr hversdagslífinu hjá okkur. Nú svo fékk ég Rosendahl vatnskönnu og glös í búið. Myndaalbúm fékk ég einnig, sem kemur sér einkar vel í ljósi þess að nú á ég myndavél. Nú af bókum má það nefna að ég fékk þrjú stykki. Sannleikann um Ísland, Kanadíska sakamálasögu og myndasögu Syrpu frá honum föður mínum. (Verð að játa að ég var fyrir nokkrum vonbrigðum og er að spá í að skipta henni út fyrir danskt Andrésblað. En sú er venjan á þessu heimili að ég fæ alltaf danskan Andrés í jólagjöf...nema núna) Svo fékk ég ákaflega flotta skartgripi sem litla frænka mín bjó til handa mér.

Þetta þykja mér ótrúlega flottar og miklar gjafir, og bjóst ég nú ekki við svona miklu...enda er þetta eiginlega allt of mikið. En fallegustu gjafirnar á ég eftir að nefna, það eru gjafirnar frá mínum heitt elskaða Limbra. Þær eru án efa þær allra yndislegustu gjafir sem ég hefði geta óskað mér. Ritzenhoff kampavínsglas og fallegasti hringur sem ég hef nokkru sinni séð. En besta gjöfin er auðvitað sú að hafa hann á Íslandi yfir jólatímann. Það er virkilega ómetanleg gjöf.

Ég er svo himinlifandi með jólagjafirnar mínar, ég fékk: Pink Floyd DVD (The Wall og tónleikaupptökur frá 1966 og 1967), leðurhanska, sokka, armband, hring, hvíta dúnúlpu, ilmi frá Victoria's secret, kertastjaka, ljósaseríu, bókina Verónika ákveður að deyja, tvö innrömmuð glerlistaverk, Swarowski kristallað jólaskraut, sushi framreiðslusett og gleði í hjarta (frá mér til mín!).

Ég fékk bókin Þriðja táknið frá pabba, 2 peysur frá mömmu, armani ilmavatn og staut frá systur minni, leðurhannska frá frænku og...‹Dæsir mæðulega og lítur út um gluggann› ekkert meir.

Ég fékk að sjálfsögðu diskinn Pabbi þarf að vinna!
‹Stekkur hæð sína› Snilldar verk þar á ferð!! Einnig fékk ég teppi og gjafabréf upp á 25.000 krónur í tónabúðinni frá pabba, afa og bræðrum mínum
‹Ljómar upp› og svo líka eftirfarandi: tvær Peysur, skyrtu, bol, nærbuxur, system of a down (hypnotise(ætla að skipta honum)) pening, pening, rakvél, rakspíra og svoleiðis gutl, tvær bækur og tölvuleik.
Ég vil nota tækifærið og þakka öllum fyrir þessar gjafir‹Gefur frá sér vellíðunarstunu›

Ég er nú bara nokkuð ánægð með mínar jólagjafir í ár. Sumarhús á Ítalíu, rauðan sportbíl, haglabyssu, bókaforlag og ilmvatn.

Ég fékk bókina, Góð ráð fyrir karlrembur.

‹Glottir og horfir á feministann.›

‹Horfir hugsi á nýja haglarann›

‹Flettir upp kaflanum um hvernig best sé að festa konur við eldavélina, þannig að þær komist að vaskinum líka›‹Glottir eins og fífl›

‹Slær á puttana sína›‹Roðnar óstjórnlega og borar annarri stórutánni ofan í gólfið›

‹Pantar eintak af bókinni ›

‹Man allt í einu hver á bókaforlagið og lætur innkalla bókina›

‹Skellir bókinni hans hvæsa í ljósritunarvélina og hleypur heim að lesa.›