Komiði sæl kæru Lútar.
Ég og aðrir samsloppar mínir í öryggisfangelsinu á Höfn, höfðum löngum átt þann draum einan að ná að gerast Lútarar fyrir andlát. Ég stend því miður einn eftir af 30 baðsloppasamfélagi, sem í voru reyndar 4 náttsloppar líka. Ég kom því að er ég vafði mig utan um yfirfangavörðinn að mér hefði tekist að skrá mig á Baggalútíu og óskaði því eftir reynslulausn vegna góðrar hegðunar. Varð yfirfangavörðurinn svo hrifinn að hann skrifaði strax undir náðun vegna rangrar notkunar slopps síns og skráði sig þvínæst í sérsveit lögreglunnar, eftir að undirritaður náði að lauma að honum þeirri staðreynd að sérsveitarmenn fá örugglega silkisloppa.
Bý ég nú einn í einbýlishúsi sem einhver skildi eftir opið við brottflutning af svæðinu og er hinn hrifnasti, en er þó enn að venjast öllu rýminu sem ég hef. Það hlýtur þó að lagast fljótlega, sérstaklega ef Baggalútar taka mér eins opnum örmum og þeir eru þekktir fyrir!
Lifið heil.
Sloppurinn - stendur upp og veifar öllum sem vilja sjá!
‹Klæðir sig í Sloppinn›
Hmm... assgoti þægilegt! Þú ert velkominn.
‹hefur yfirnáttúrulega slæma reynslu af Hornfirðingum en ákveður að vera stærri maður og gleyma því sem grafið skal›
Vertu velkominn Sloppur, megir þú hylja sem flesta líkamshluta hér!
Ég þakka fyrir gestrisni þá er mér hefir verið sýnd, ég er greinilega kominn heim og mun hylja og yla sem mest ég má.
Þó skal tekið fram til að fyrirbyggja allan misskilning að sloppur þessi er ekki frá Hornafirði, heldur var hann fluttur í nauðungarvinnu og afplánun í vor.
Eins er það merkilegt að nú um helgina og undanfarna viku, hafa mestu hlýindi landsins verið hér á suðausturhorninu, en samt tókst undirrituðum sloppi að ná sér í fuglaflensu og stórubólu, sem svo skemmtilega vill til að einkennast af háum hita, slæmsku í hálsi og þrálátu kvefi. Slapp hann þá við nauðungarvinnuna frá föstudegi fram á mánudag, en var bara látinn vinna þrefalt í dag í stað hinna daganna. Svona er að vera í öryggisfangelsinu á Höfn!
Sloppur - innsiglir sendingu þessa með blóði og slími úr lungum!
Velkominn sloppurinn þinn. Ertu úr hreinni baðmull?
Þakka Sundlaugur Vatne.
Jú, það vill svo til að ég er hreinræktaður úr baðmull, en nú virðist sem hreinleikinn þynnist aðeins í næstu kynslóð, þar sem ástin mín er úr blönduðu flís og silki samræði. Ætti útkoman að verða sérstök og erum við hjú að spá í að fá einkaleyfi á þessari blöndu til undaneldis, þegar við ákveðum að vefja okkur utan um hvort annað og hefja bindingar og hnýtingar!
Sloppur - ‹fór ranghverfur á sjálfan sig í kvöld!›
Velkominn!
‹Prufar sloppinn, sér að hann er allt of stór og ákveður bara að nota hann sem teppi›
Heyrðu Litli Múi þú ruglaðist. Þetta er þvottapokinn minn, þarna er Sloppurinn. ‹Bendir á Sloppinn›
Ahh takk.
‹stekkur úr þvottapokanum, heldur partý í sloppnum og býður öllum litlu vinum sínum á fyllerí.›
‹Mætir galvösk til leiks með vefjahött og kyndil. Hefur upp raust sína og syngur Gamla Nóa með angurvært bros á vör›
Hvaða endemis gaul er þetta? Vinsamlegast farðu söngtíma eða steinþegiðu. Og já, Sloppur, vertu velkominn, eða því sem næst kemst.
Hvaða endemis gaul er þetta? Vinsamlegast farðu söngtíma eða steinþegiðu. Og já, Sloppur, vertu velkominn, eða því sem næst kemst.
Hvað hljóp í þig? Lof mér að giska, var Halla eitthvað að dissa þig?