Boð hafa borist frá Ameríku um að Flugbjörgunarsveit Baggalútíu (109. herfylki stormsveita KALÍS) nálgist óðfluga New Orleans.
Gert var ráð fyrir að björgunarsveitin næði áfangastað annað kvöld en nýjustu fregnir herma að breyting gæti orðið á framkvæmdaáætlun hennar. Þar sem nær ómögulegt virðist að fá viðunandi hótelherbergi í New Orleans fyrir björgunarsveitina er að öllum líkindum farsælast að björgunarsveitin taki sér bólfestu í Atlanta. "Já, við heyrðum að það væri eiginlega búið að rústa öllu þarna í New Orleans og því frekar lítið eftir fyrir okkur að gera þar. Okkur fannst þess vegna skynsamlegra að vera bara áfram hérna í Atlanta og sjá hvort kraftar okkar nýtist ekki betur hér." sagði Glúmur#3881 flugbjörgunarsveitungi.
Ekki er víst hver viðbrögð þarlendra stjórnvalda verða við breyttu ferðaplani en í viðtali við Glúm#1088 sveitarstjóra kom fram að það væri ekki okkar að hafa áhyggjurnar. "Við erum auðvitað þjálfaðir sem Stormsveit og okkur virtist sem þessi Katrín hafi verið búin að framkvæma svotil allt sem er innifalið í okkar þjálfun þarna í New Orleans. Við munum því eyða næstu dögum uppi á hóteli í að fara yfir myndir þaðan, læra vel af þeim og láta svo til okkar taka hér í Atlanta"
Loksins er komið allmennilegt lið til USAskála fyrir stormsveitinni
Þarna sjest jafnframt bæði á myndunum og textanum að Glúmur er eins og alkunna er nær allir gestirnir hjer. Er þetta í fyrsta sinn sem svona skýr sönnun sjest fyrir þessu. Oss er fullkunnugt um einungis tvær undantekningar frá þessu en líklega eru þær 3-4.
Þetta er alger lágmarksaðstaða Takur við lyklunum og dreifir á alla
Hér eru svo myndir sem fréttaritari tók.