Einhvernveginn finnst mér útskýringin „óhagstæð veðurskilyrði“ vera bæði leiðinleg og ófrumleg. Gæti mögulega verið að þeir vilji fá meiri tíma til: að tala við geimverurnar sem þeir hittu; að gera við risa-geislabyssuna sem einn íbúa geimstöðvarinnar hafði miðað á Belgíu; eða gera við súlfatlekann úr kóbalttankinum?

Uhh... já, óhagstæð veðurskilyrði... rétt... Vladimir er þetta ekki ríkisleyndarmál annars?

Þetta er eflaust bara leti. Amlóðarnir orðnir svo vanir þyngdarleysinu og því óviljugir til að mæta hinu óvæga þyngdarafli jarðar.

Jahh konan sem stjórnar hefur aldrei verið svona létt áður...

Var hún þunguð áður?

Hún þjáðist af þungunarsjúkdómi sem talið sé að stafi af hamborgaraáti og annars konar úrkynjuðum mat. Einnig telja aðrir að óhóflega neysla á vatnsbættum sykri geti leitt af sér þungun á maga og rassi.

Merkilegast finnst mér notkun orðsins "Disco" í nafni flaugarinnar. Fær mann til að hugsa um hvort það voru ekki Þorpsfíflin sem hönnuðu hana? Annars vil ég að næsta flaug heiti annaðhvort "Polkavery" ellegar "Tangovery".

Samkvæmt þessu mætti halda að næsta flaug í flotanum, Enter-prise, hefði eitthvað að gera með Baggalút og þeirra sem þar stjórna? Eru einhver tengsl milli þessa og margumrædda kóbalttanka?

Eflaust. En því þá ekki Bobby Fisher-Price?

Iss þeir eru bara eins og hrætt smábarn á stökkbretti. Þora ekki að dýfa sér í jörðina.

Ég vil að sama skapi nota tækifærið til þess að lýsa frati á framfarir mannkyns. Tuttugasta og fyrsta öldin er runnin upp og við erum ennþá að drattast út í geim á risastórri rakettu. Engar grundvallarbreytingar hafa átt sér stað í bílum síðustu 100 árin eða svo (bara betrumbætur), flugvélar hafa ekkert breyst síðan þotuhreyfillinn kom upp úr fyrri heimsstyrjöld.

Hvar eru svifbílarnir!? Hvar er andefnadrifið!? Hvar eru nýlendurnar á Mars!? Hvar eru ferðalögin til annarra sólkerfa á ljóshraða!? Hvar eru samskiptin við verur úr öðrum heimi!? Hvar eru róbótarnir!?

Þessi 21. öld sýgur súrt slor.

‹Strunsar út af sviðinu og skellir á eftir sér›

Hvar eru Jetsons?

Nú, í sjónvarpinu.

Já, þú meinar.

Annars er ég sammála þér. Þessi öld sýgur ryðgaðan rörbút í botni á rotþró. Ég sem hafði alltaf vonað að Reykjavík væri fyrir löngu orðin eins og í Blade Runner.

Ú já, það væri framtíð í lagi. Þá værum við laus við mislægu gatnamótadeilurnar endalausu.

Einkavæða þetta bara. Hver væri ekki til í Skoda Explorer eða Ferrari Outbund flaug?

Sjálfur myndi ég náttúrulega versla við Skoda eða kannski Volvo. Volvo flaugarnar ættu t.d. að þola allan fjandann.

Skelfing er ég sammála herra Hú. Það er óþolandi að þurfa ennþá, í ágústmánuði árið tvöþúsund og fjandans fimm að geta ekki átt vitsmunalegt samtal við ryksuguna sína, hvað þá ísskápinn. Þetta eru svik og ekkert annað.

Tja, við höfum kannski ekki gert allt þetta en róbótana má hitta á robocup.org, og svo geri ég náttúrulega fastlega ráð fyrir því að sumir hér á lútnum séu verur úr öðrum heimi.

Við Vincent keyptum auglýsingapláss hjá NASA af rælni fyrir margt löngu, þegar við vorum í leiknámi í Texas, ef mig minnir rétt - til að vekja athygli á uppsetningu okkar á Hrafninum eftir Poe. Hélt ekki að það væri svona löng bið eftir þessu. Vincent hefði þó orðið glaður að sjá þetta, þrátt fyrir að þeir gætu ekki drullast til að stafa nafnið hans rétt.