Wilhelm greip reiknistokk af skrifborðinu og kastaði í Derrick/Buffet, sem fékk hann í höfuðið.
Buffet vankaðist við það lítið eitt, en er hann áttaði sig aftur var Dollí
búin að binda bæði hann og Mox, sem var í raun Bill Gates III í dulargerfi (alltaf sniðugir með dulargervin þessir auðkýfingar), og að teygja hendina í innri vasa á jakka hans. Hann fölnaði upp þar sem það var þar sem hann geymdi
geymt margvíslegar upplýsingar, allt frá bankareikningi á Cayman eyjum yfir í aðgangsorð hans í tölvukerfi Microsoft (fullur aðgangur að öllum kerfum og upplýsingum). En það sem var þó mikilvægast af öllu, í tölvunni var
nýjasta útgáfan á tölvuleiknum tetris, en í þessari útgáfu áttu kubbarnir að
hringsnúast fyrir augum spilarans, en ekki falla niður. Þetta var óvenju vel hugsað gróðabrall, því enginn stenst þetta til lengdar og hefði Bill mokgrætt á því að selja grunlausum viðskiptamönnum sínum uppfærslur á leiknum, betaútgáfur o.fl. og svo loks þjónustu til að láta kubbana snúast minna.
Wilhelm reif vasatölvuna af Dollí og ýtti á Power takkann. Við það heyrðist lágt væl í tölvunni og
hún "boot-aði" sér upp hraðar en nokkur tölva sem Wilhelm hafði séð til þessa. Aha sagði Wilhelm "Upp komast svik um síðir" og leit ásakandi á Fulder/B.Gates III sem skömmustulega játaði að samtök tölvuframleiðanda og samtök hugbúnaðarframleiðaenda hefðu sameinast um að láta tölvur "boot-a" hægar upp en þyrfti. "Ástæðan fyrir þessu illskuverki er einföld" sagði B.Gates.
"Þegar tölvan er að boota sig upp, birtast á skjánum leynd skilaboð sem einungis undirmeðvitundin nemur, fyrir vikið er hér um að ræða
möguleika á að koma auglýsingum og markaðssetningarbrellum inn í undirmeðvitundina þegar fólk bíður þess að tölvan klári að boot-a sig upp. Hah. Snjallt og einfalt. Og virkar í hvert skipti. Nema reyndar með Nýja-kókið. Ekki einu sinni kraftaverk hefði dugað til að fá fólk til að kaupa það." sagði Gates og reyndi að bera sig mannalega. En Wilhelm
sá sér nú leik á borði, hann gæti, með aðstoð Gates og vasatölvunnar opnað nýjar leiðir í sínum heimsyfirráðaplönum.
"Billy minn, ég ætla að gera þér tilboð sem þú getur ekki hafnað" sagði hann og brosti út í annað. "Ef þú veitir mér aðgang að hugum tölvunotenda í gegnum þessa stórkostlegu tækni sem þú lýstir nú áðan skal ég
mun ég leggja á þig þá svakaleguraun að þurfa til skiptis að horfa á Laugardagsþátt Gísla Marteins og hlusta á ræður þingmanna Samfylkingarinnar." Þegar hann stóð frammi fyrir þessum pyntingum var hörkutólinu Bill Gates III öllum lokið, hann lagðist niður og grét.
Þetta var of mikið fyrir Dollí og sagði hún með grátstafinn í kverkunum:
"Þetta máttu ekki Wilhelm. Hættu að hrekkja Bill eða ég fer frá þér. Langt í burt"
Nú var greinilegt að ákavítið sem Wilhelm hafði drukkið fyrr um kvöldið var að stíga honum til höfuðs og sagði hann þvoglumæltur: