Svona sé ég Z.Natan fyrir mér

Maður á fimmtugsaldri, klæddur í dökk jakkaföt með silfruðum röndum, svarta skyrtu og svarta spariskó. Með þónokkuð hár, greitt aftur. Hreinrakaður en þó með smá skegg á efrivörinni. Um 185 á hæð, grannvaxinn og myndarlegur.

Gretzky er líklega sköllóttur maður á sextuxaldri, með ístru vegna mikillar bjórdrykkju. Hann getur ekki rassgat í íshokkíi, en fattar ekki að hann er einfaldlega of gamall fyrir sportið og því heldur hann áfram að spila með utandeildarliði í Tulugaq á Grænlandi. Þeir nota kókkassa í markið þegar hann er ekki með.

Gretzky er líka með rosalega komplexa útaf hárinu og reynir að spreyja á sig gervihári á morgnana (notazt við svk. „Crapspray“), en það heppnast ekki betur en svo að hann lítur út eins og illa gerð dúkka, sem einhver sadistastelpa er búin að gera tilraunir með. Hann á það til að gefa öndunum frauð, því hann heyrir voðalega stopult á tíðnisviði kringum 1000 hertz...

Jóakim er frjálshyggjuönd með meiru og hefur sem slíkur skapað sér ákveðna sérstöðu á gestapóinu að því er virðist. ann verður þó að njóta sannmælis með það að honum tekst stundum að vera skemmtilegur með því að vera í fýlu og standa í skítkasti. jóakim hefur líklega áhuga á að læra Lomber sem er náttúrulega merki um æðra vitsmunastig en gengur og gerist.

Upprifinn er algjört hörkutól. Hann sýpur lýsi af stút og þegar frostið fer niður fyrir-8° þá finnst honum í lagi að bretta niður skyrtuermarnar og hugsanlega að hneppa upp í háls. Uppáhaldskjörorð hans er "vinnan göfgar manninn", enda er hann sívinnandi. Hann fer alltaf síðastur í rúmið á sínu heimili og er fyrstur allra á fætur. Hann byrjar daginn á því að fara í kalda sturtu og þegar aðrir skríða á lappir er vinnudagurinn hans löngu byrjaður.

Upprifinn á það til að "skvetta í sig", eins og sagt er... reyndar er hann mesti brennivínsberserkur og ef einhver býður honum að blanda í svartan dauðann segir hann ævinlega: "Það er nú þegar búið að þynna þetta í 38%. Nóg er það dauft að ég fari að blanda með meiru en eigin munnvatni".

Uppáhaldsmatur Upprifins er hafragrautur með nýmjólk út á, vel smurt rúgbrauð og súr blóðmör. Hann slær þó ekki hendinni á móti pylsu með öllu nema hráum og kókómjólk.