Nornin er sú eina sem mér finnst ég þekkja eitthvað að viti hérna inná Gestapó. Hún er stórglæsileg í útliti og bara virkilega skemmtileg og gáfuð. Ekki skemmir fyrir að hún kunni að galdra.
Skari er óttalegt skar. Hann reykir 50 sígarettur á dag og fer í sund þegar honum hentar. Ekki var ég kominn lengra en 30 metra frá peningatanknum, en Skari reyndi að svæla mig í hel. Hann kann ekkert á túbu og þykist geta sýnt börnum undir 23 ára aldri brúðuleikhús, en það er stolið frá ríkisbrúðuleikhúsinu í Túrkmenistan. Skari hefur þann sið að stanga úr tönnum sínum með krítarkortum og kallar alla bílstjóra ,,Björn". Hann er auk þess með vegabréfsáritun til Norður-Kóreu.
Jóakim er alltaf síkvartandi og vælandi, þegar maður er að bíða kannski í strætóskíli þarf maður ekki að bíða lengi eftir því að Jóakim komi og væli yfir því hvernig við tímum að eyða pening í strætó, svo byrjar hann allt í einu að hósta og kallar mann stromp og annað því líkt. Jóakim er ríkasta önd í heimi en er alltaf með þessa eyðslufóbíu og betlunarveiki, annars er hann bara fínn gaur.
Skari skrípó dóphaus sem trúlega á eftir að lenda í grjótinu með Andarkvikindinu. þetta skæruliðabrölt þitt er til bágborinar skammar, svona ræsisrottur ætti að flengja og teipa ragettu við böllinn og sprengja.
Dularfulli maðurinn virðist stefna í sömu átt og DV, skíta uppá bak. Því miður þá nær hann ekki að vera krútt eins og Smábaggi og meinlegar athugasemdir í fjölda þráða sem eru án rökstuðnings virtust fyrst endurspegla hans skopskyn en brandarinn er bara búinn. Kaldhæðinn og meinlegar húmor er hægt að hafa án þess að rakka aðra niður. Vona ég að Dularfulli maðurinn finni aftur eiturbroddinn í sínum húmor og haldi áfram að deila honum með öðrum.
Ég fíla B. Ewing.
Hann er einn af þessum lúmskt skemmtilegu gaurum, sem maður tekur ekki endilega eftir alveg strax, en svo fattar maður þá og sér af hverju maður var að missa.
Hann er fyndinn og hress og ég sé nánast aldrei neitt neikvætt frá honum.
Kannski er það bara vegna þess að hann er brúða... gerð til þess að skemmta börnum, en það er jákvætt fyrir því.
B. Ewing fær stórt knús frá mér.
Tigra er prýðis heimilisköttur. Sér um að halda Gestapó músarlausu, að mestu. Hún lætur ekki segja sér fyrir verkum frekar en aðrir hefðarkettir og kemur og fer eins og henni sýnist. Hún sefur aldrei á verðinum nema stöku sinnum eftir vel heppnuð skemmtikvöld, þá setur hún tappa í eyrun og vefur álpappír utan um veiðihárin til að þau nemi ekki titring. Þið sem ekki eruð hrædd við hana ættuð að byrja á því strax. Þó hún mali og sé mjúk og hljóðlát á hún sér aðra hlið. Sú hlið er hættuleg. Ég veit að vísu ekki nákvæmlega hvað gerist þegar hún reiðist, því, eins og fyrir algjöra tilviljun, ég hef alltaf þurft að skrá mig út um leið og hún byrjar að urra.
Feministi er stórfróður um írska þjóðlagasöngva. Hann þjónustar fólk á Hrafnistu í frístundum og spilar á lútu fyrir þrælana í Aþenu. Feministi gengur um með handfallbyssu, fulla af nammi handa börnum sem á vegi hennar verða. Litabækur feminista eru fullar af litskrúðugum lamadýrum og ljóðum, rituðum á löggildan skjalapappír. Seðlabankinn hefur ákveðið að gefa út afmælismynt þegar feministi verður 100 ára.
Jóakim er ein aðal-öndin hér á baggalút og er gjafmildur á hjartahlýju og skopskyn sem hann spreðar um alla þræði eins og hann fái borgað fyrir það (stundum hef ég það á tilfinningunni að hann sé á launum hér á baggalút). Hann er augljóslega af skoskum og dönskum ættum, enda stundum kallaður Kim Larsen eða einfaldlega Skotinn danski. Dönsk skot eru því í uppáhaldi hjá honum. Ljúfari endur finnast vart, nema þá helst hún Hexia.
Sæmi fróði er sko karl í krapinu.
Hann hefur oft komist í kast við Andskotann og ævinlega haft sigur. Sæmi er einstaklega fróður og hámenntaður og svo er hann svo þjóðlegur. Hann kann allar reglur í glímu utanað og þrátt fyrir háan aldur getur hann veitt ýmsum yngri og vanstilltari glímumönnum eftirminnilegan skell. Já, Sæmi er sprækur eins og lækur, kátur og hraustur enda borðar hann ævinlega hollan íslenskan mat eins og súrt slátur og sviðakjamma og drekkur súra mysu með. Sæmi fróði er maður mér að skapi.
... og svo er hann svo þjólegur.
Orgar af hlátri
... og svo er hann svo þjólegur.
Orgar af hlátri
Roðnar óstjórnlega og borar annarri stórutánni ofan í gólfið
Hananú, ég er búinn að leiðrétta þetta núna. Strunsar út af sviðinu og skellir á eftir sér
Vatnar Blauti Vatne er einbeittur og klár karl. Hann fer oft í sund og þá gjarnan í Árbæjarlaugina. Aðeins einu sinni hefur hann komið í Bláa Lónið. Um hverja helgi fær hann sér neðan í því og finnst kóbaltblandað ákavíti best. Í gagnfræðaskóla var unglingameistari í dýfingum en í dag lætur hann sér duga að dýfa vörum í glös til að halda sér í formi. Þegar hann fer í sund syndir hann einungis 10 ferðir en fer svo að karpa um pólitík í heita pottinum. Hann starfar sem einkaspæjari Vatnsveitunnar.
Hvað varð um þennan þráð hm?
Lopi
Lopi er lítill, krúttlegur og skemmtilega orðheppinn api.
Hann er sniðugur og aldrei er langt í húmorinn hjá honum.
Hann hefur gaman af því að leika sér á lútnum í hinum ýmsustu leikjum og þykir gaman að fíflast, en hefur þó sterkar skoðanir á sumum málefnum og hikar ekki við að láta þær í ljós, sé til þess staður og stund.
Tigra er klár kvennsa með stórt hjarta, húmoristi með hvassar tennur og gengur um í röndóttum pels. Hún á góða vini og bragðgóða óvini. Tigra er tvíeyringur (ruglist ekki saman við tvíæringa) en heyrir lítið vegna heyrnarskemmda (skerandi skrækir bragðgóðra óvina) auk þes eyrun eru full af hári. Aðal atriðið er auðvitað að koma rétt fram við hana og þá er hún algjör kisulóra.
Texi er margbrotinn persónuleiki sem á ýmislegt meira með okkur sameiginlegt en marga grunar. Hann er þekktur fyrir að vera óvenju samheldinn í skoðunum sínum, og þó óákveðinn - sem einkennir góða persónu með skammt af gagnrýnni hugsun sem er óhrædd við að skipta um skoðanir. Svo á Texi líka flottan hatt - verst að hann er örveyrður....Dæsir mæðulega og lítur út um gluggann
Hvurslags er ungur, myndarlegur, hagmæltur, góður drengur og víðförull, hann er klár og kann vel listina að svara fyrir sig. Svo er hann orðheppinn og snjall.Ljómar upp
Dula er nú með mínum uppáhalds póum.
Hún er alveg yndislega krúttlega og alveg einstaklega sjarmerandi.
Það er eins og það geisli um hana og hún lýsir allt upp þar sem hún kemur inn (Kannski vegna þess að hún er alltaf að ljóma upp).
Hún er líka með einstakleg smitandi hlátur og er helst alltaf flissandi eða glottandi. Hún tekur líka stríðni vel og finnst gaman að grínast með allan andskotann.
Dula fær sko knús!
Knús