Fari það í sjöhundruð, sjötíu og sjö sæbarðar sjóskötur frá Súgandafirði. Það er enginn dagur svo hátíðlegur að óprúttnir kaupahéðnar reyni ekki að troða inn á mann einhverju drasli sem maður þarf ekki, vill ekki og hefur ekkert efni á. Nú er það nýjasta nýtt "Fullveldiskakan", sem bakarar landsins hafa markaðssett. Ja, ég vona að hún eigi eftir að standa í fólki.

Þeir sem hafa kynnt sér Íslandssöguna vita að fullveldisbaráttan var ekkert síðdegiskaffiboð með kökum og rjóma. Jón Sigurðsson var enginn auðkýfingur, bjó raunar við þröngan kost á danskan mælikvarða, en barðist samt hatrammlega fyrir fullveldinu. Og það ekki bara í smá tíma heldur árum og áratugum saman. Og þáði engin laun fyrir og gerði heldur ekki kröfu um nein laun. Gaf út Ný félagsrit á eigin kostnað með ómældri vinnu. Þau voru keypt í áskrift af fólki uppi á Íslandi, fátæku fólki, sem hefði getað notað þá litlu peninga sem því áskotnuðust í margt þarfara en tímarit um fullveldisbaráttu og þjóðfélagsmál. En samt lét fólk sig hafa þetta, enda brennandi í baráttuandanum. Og fleiri má nefna. Benedikt Sveinsson (faðir Einars skálds) sem keypti sér prentverk, en mátti svo ekki starfrækja það af því yfirvöldin héldu að hann myndi prenta áróður gegn dönsku yfirvaldi. Jón Ólafsson ritstjóri sem strögglaði við að gefa út landsmálablað/ - blöð við kröpp kjör. Einokunarverslun og maðkað mjöl. Fólk sem dæmt var til refsingar fyrir að versla ekki við "sinn" kaupmann (þ.e. þann sem hafði fengið úthlutað kaupstað sem viðkomandi staður tilheyrði). Fólk sem dæmt var til að berja sig á kjaftinn fyrir að tala illa um yfirvöld (sbr. 1. hluta Íslandsklukkunnar, hvar Jón Hreggviðssson fær refsingu fyrir að gera grín að kvennafari konungs (að vísu skáldsaga en styðst við sannsögulega atburði)). Þjóðfundurinn og yfirgangur Trampe greifa. Fánamálið. Fjárhagslegt uppgjör vegna arðráns dana sem Jón Sigurðsson hafði reiknað út, en fór aldrei fram (=> danir skulda okkur það ennþá með vöxtum og dráttarvöxtum). Dönskukennsla í grunnskólum.

Yfir þetta allt saman míga bakarar landsins. Hvaða fjandans máli skiptir það þótt Fjölnismenn hafi verið bláfátækir og hlotið erfið örlög, ef hægt er að fá fólk til að eyða peningum. Hvaða máli skiptir lífsstarf Jóns Sigurðssonar og fórnir ef hægt er að troða einhverjum kökum upp á fólk.

Svei og skamm. Skamm og svei. Hvað er næst spyr ég. Fullveldissokkar?Fullveldissmokkar? Fullveldisrauðvín? Fullveldisbrennivín?Fullveldiseiturlyf? "Allir sannir íslendingar fagna fullveldinu með grammi af fullveldisspítti®. Fáðu þér fullveldisspítt® hjá næsta díler. [Fullveldisspítt® er skrásett vörumerki Samtaka íslenska eiturlyfjasala].".

Nei þetta er hætt að vera fyndið. Maður getur ekki snúið sér við án þess að reynt sé að troða einhverju inn á mann. Einu sinni var Þorláksmessan bara dagur þegar illa lyktandi ómeti var sett á borð fyrir fullorðna og pylsur fyrir börnin. Nú missir maður af Þorláksmessunni ef maður fer ekki "niður í bæ" og drekkur jólaglögg (sem er uppfinning djöfulsins ) og röltir upp og niður Laugaveginn milli þess að hlusta á misfalska kóra og hljóðfæraspilara nauðga jólalögunum í hlustir manns. Einu sinni var Öskudagur dagur til að hengja litla poka á fólk án þess að það vissi. Nú er maður að níðast á veslings börnunum ef maður hefur ekki reiðubúinar birgðir af sælgæti til að borga þeim fyrir að hætta að syngja. Og krakkarnir dressa sig upp eins og Pokemon eða Batman eða Spiderman eða She-male með rándýrum búningum og fæst borga þá úr eigin vasa.

Ég er búinn að fá nóg. Ég hef ákveðið að kaupa hvorki brauð né kökur þennan mánuðinn. Og ef ég hitti einhvern bakara einhverssstaðar þá skal ég sko lumbra svoleiðis á honum að hann komi ekki niður neinum kökum, fullveldis eða venjulegum, næstu vikurnar nema í fljótandi formi.

Firnaskemmtileg og fróðleg ádrepa hjá þér, Voffi, en ekki má gleyma því að eftir mikla baráttu er oft tími til þess að gera sér glaðan dag, en samt finnst mér einhver úldinn markaðsfnykur af þessari kökuhugmynd bakaranna, þó svo að fullveldið hafi gert að verkum að maðkað mjöl hætti að berast til landsins.

Alveg merkilegur andskoti.
Fyrst þegar þessi lagterta með súkkulaði var auglýst, áttaði ég mig ekki á því hvað, „Fullveldiskakan“ stóð fyrir. Vitandi fullu viti hvað Fullveldisdagurinn er. Engu að síður neistaði ekki á milli heilasellana hjá mér.

Jæja.

Svo eru þessi gosmenni hjá Stöð 2, Ísland í dag, eða einhver svona drulla, að dásama þessa köku. Þetta sé sérdeilis kærkomið og skemmtilegt.
Þá rann það upp fyrir mér.
Er búið að finna upp heila drulluköku í tengslum við Fullveldisdaginn?!
Hvers vegna í margmygluðum andskotanum?

Jújú tertan er eflaust feyki góð og ef þessir bakarastubbar og hérar taka sig til þá geta þeir sullað saman einni smáköku ef þeir vanda sig.

Nú berst hugur minn að öðru, nokkru sem ég hef meiri áhyggjur af.

ÞAKKARGJÖRÐARDAGURINN!!!!!
‹Blótar herfilega og rífur hár sitt›

Hvaða fæðingarhálfviti fann upp á því guðsvolaða helvíti að koma því drasli hingað upp á sker?!?!‹Hrökklast aftur á bak og hrasar við›
Jú það var hún Valgerður á Bylgjuni... heitir hún það ekki?

„Haltu góða þakkargjörð og bla bla bla... “ heyrði ég hana stynja úr útvarpinu mínu um árið.
Og ekki nóg með það!
Heldur tók hún líka upp á því að klístra inn í íslenska lágmenningu, VALENTÍNUSARDEGINUM!
Við erum ekki kaþólsk, hvað þá að þessi dagur eigi sér nokkrun sess í okkar sögu! Hvurslags dómsdags fávitaskapur er það að troða þessu drasli inn í okkar dagatal?
Þetta er nú ekki enn komið á Eimskipaalmanakið og tel ég það til marks um að þessi falshátíð er ekki enn orðin raunverkuleiki fyrir þau pör er standa í óvígðu sambandi.
Svei 'attan!

Er höfuð fólks virkilega orðið svo fullt af kokteilsósu og frönskum kartöflum að það verður að lepja upp hverja drulluna á fætur annari?

‹Blótar herfilega og rífur hár sitt og skegg›
‹Strunsar út af sviðinu og skellir á eftir sér›

Svo ég vitna í mikilmennið Jón Sigurðsson: „Vér mótmælum!“

‹Veltir fyrir sér hvort mönnum sé alveg lífsins ómögulegt að halda uppi vitrænni umræðu hér›

Afsakaðu Tinni ég er bara vangefinn og örugglega eitthvað þroskahefur með slettu útí af fífli. Undirliggjandi er svo hin hamlandi snilligáfa...

Með þessu áframhaldi og t.d. þessum móðgandi smiley-kattarþræði á öðrum stað, þá býst ég við að hugi.is og baggalutur.is verði sem spegilmynd af hvor öðrum. Þetta er leiðinleg þróun, ég bara verð að segja það, með fullri virðingu.

Nú er hún Snorrabúð stekkur...

Ekki örvænta, Tinni. Það er bara einhver grallaskapur í sumu fólki í dag. Slíkt er ágætt - í hófi.

Hárrétt Rasspabbi, skítt með fullveldiskökuna. Skyldi bakaradrengjunum vera of gott að reyna að búa til svona hefð, en þakkargjörðardagur á Íslandi og Valentínusardagur er tú möds. Berjumst gegn slíkri eftiröpun.

Hvah, það er nú ekki svo galið að vera með þakkargjörðadag. Enda er landnámssaga landanna nánast eins nema hvað amerískir landnemar stálu landinu af indjánum á meðan við stálum landinu okkar af geirfuglum á sambærilegan hátt - við mættum nú alveg sýna þakklæti svona við og við.

Gerum það þá á okkar hátt á okkar degi, ekki á bandarískan á þeirra þakkargjörðardegi.

Og ef á að halda upp á þakkargjörðarhátíð verður líka að gera það á viðeigandi hátt. Hversvegna í guðhræddum górilluöpum var t.d. verið að auglýsa þessa hátíð hérlendis en svo voru umræddir dagar ekki einu sinni frídagar eins og vera ber ef upp á þá er haldið ? Nei, burt með alla svona erlenda daga nema þeim fylgir fleiri frídagar !

En voff, slakaðu á. Þetta er meiri æsingurinn. Fólk svalt líka um jól, áramót og páska hér fyrrum, en samt gerum við okkur glaðan dag, borðum jóla þetta og páska hitt. Auðvitað eigum við fyrst og fremst að standa vörð um okkar þjóðlegu hátíðisdaga, konudaginn, bóndadaginn og sumardaginn fyrsta, einnig bolludaginn, öskudaginn og sprengidaginn þó þeir séu etv meira skyldir erlendum kjötkveðjuhátíðum fyrri tíma. Ég sé heldur ekkert að því að eta fullveldisköku og jafnvel búa til einhverja hefð í kring um það með tímanum. Í það minnsta væri gott að koma ná fullveldinu úr höndum Júlíusar Hafstein og félaga, nóg hafa þeir saurgað það á árinu.
Ég segi; Fullveldið aftur til þjóðarinn, með eða án köku.

Ég neita að taka þátt í þessum jólum. Ég neita að láta draga mig út í þetta gengdarlausa kaupæði. Og hvað er svosem verið að halda uppá, ha? Samkvæmt Biblíunni þá fæddist Jésú í mars en ekki í des. Jólin eru ekkert nema aldargamalt kaþólskt sölutrix. Mér finnst það orðið einum of sjúkt þegar fólk fer að fara í fílu út í mann af því maður gaf þeim ekki gjöf eða sendi kort. Eða það sem verra er, að gjöfin var ekki nógu góð. Svo er verið að þvinga yfir mann Amerískum hátíðisdögum bara til að geta selt manni enn meira drasl. Ætli við förum ekki að halda upp á 4.júlí bráðum? Galandi eins og hænur með hönd yfir brjósti syngjandi Star Spangled Banner á annarardeildarleik í handbolta?

Hve langt er í að við hættum að vera íslendingar? Eða vorum við kannski einhverntímann Íslendingar? Síðasti auminginn álpaðist út úr síðasta moldarkofanum um miðja síðustu öld. Þá voru ekki einusinni klósett eða rafmagn á meirihluta heimila landsmanna. Á tæpum sextíu árum höfum við þurft að tileinka okkur það sem nágrannaþjóðir okkar hafa þróað með sér í gegnum aldirnar. Menningu og listir. Arkitektúr og enn meiri andskotans menningu. Svo komum við með nýfengið sjálfstæði og lepjum upp allt sem hingað kemur með tilheyrandi kaupgræðgi og nýjungagirni.

Við höfum aldrei verið neitt sérstaklega Íslensk. Jafnvel þó við séum ekki lengur undir stjórn annara þá erum við samt kúguð. Við erum kúguð af eigin minnimáttarkennd og smáborgarakomplexum. Þurfum sífellt að vera sanna okkur og lofa sjjálf okkur. Ef Íslendingur svo mikið sem rekur við í útlöndum er það um leið komið í alla fjölmiðla. Við stælum okkur af því að vera mest og best í öllu miðað við höfðatölu en gerum okkur ekki grein fyrir hvað þetta kappsmál okkar er að kosta okkur.

Við sem þjóð þurfum að fara í löngu tímabæra nafnlaskoðun. Ef við ætlum ekki að enda sem eitthvað bölvað bananalíðveldi eða sem enn ein stjarnan í Bandaríks fánanum.

Svo segi ég nú bara eins og Vottarnir: Góða skemmtun í fríinu.

Bitur ertu, Vamban. En þetta er góður og þarfur biturleiki. Skál!

Búinn að stroka slatta af ómálefnalegum innleggjum út og þá aftur að umræðunni....

Mér finnst í lagi að halda upp á jólin með smá gleði, en hjartanlega sammála með allar þessar amerísku uppfinningar, Þakkagjörðarhátíð, þið hljótið að vera að grínast, Valentínusardagur, bull og vitleysa... og getur einhver frætt mér á því hvaða dagar það eru sem eru íslenskir í þessu mæðra-feðra-konu-bóndadaga? Maður veit ekki lengur hvað snýr upp né niður í þessu.
En það er í lagi að baka köku að mínu mati í tilefni af fullveldinu, eitthvað verður maður að gera til að halda upp á daginn, það er ekki eins og það sé frí i vinnunni....

Vá hér sé ritgleði, já og maður ekki ósammála nokkrum manni. En ef að við ætlum að ræna hátíðar og frídögum frá öðru landi, þá mæli ég með Brasilíu, þar er bara varla hægt að komast til vinnu fyrir frídögum, og er að hitinn fer yfir 30 eða 35 gráður eru allir sendir heim, þetta mætti vel heimfæra hér á landi að vísu yrði að sjálfsögðu um mínus gráður að ræða hér, t.d. allir heim eða þurfa ekki að mæta við -3. gráður, væri það ekki fín kjarabót. Svei mér þá ef að ég er bara ekki óvart búin að leysa kennaradeiluna. jibbí

Skál fyrir því!

Það vill nú þannig til að orið „jól“ kom kristini lítið við hérna í fornöld.
Þetta var hátíð til heiðurs sólinni, að hún skriði nú aftur á ný upp á himininn.
Hér áður voru feyki margar hátíðir tengdar sólinni og náturunni á einn eða annan hátt. Kirkjuni fannst nú vegið að sér með þessari heiðni og bannaði þetta allt.
En það vildi nú þannig til að þeir kristnu höfðu nú margir alist upp sem heðiðingjar og ákváðu því að leyfa jólin. Enda ekkert svo sem að því að hafa smá fjör í svartasta skammdeginu. Þeir urðu bara að klístra þessu á eitthvað. Hvurs vegna ekki þá fæðingu Frelsarans?

Þannig er nú það. Hið aldna engilsaxneska heiti yfir „jól“ eða eins og þeir segja „christmas“, sem er bein skýrstkotun til Krists.
Nú.. hið forna nafn er í raun Yule. Afar líkt okkar orði og okkar nágrannaþjóða, ekki satt?

Því gleðst ég jafnt með ættingjum mínum og held mín jól, brosi til sólrinnar þar sem hún rétt skríður yfir Skólavörðuholtið (þar sem ég bý) og lít svo upp á turn Hallgrímskirkju og..... ja það er nú eiginlega bara fyrir sjálfan mig.

Ferlega er ég búinn að þvaðra mikið. ‹Hrökklast aftur á bak og hrasar við›