Mikið var ég glaður að sjá að nú er hægt að gera magninnkaup af kjötfarsi á 200 nýkr./kg. Því dettur mér í hug að spyrja, svona á jólaföstunni:
Hvað er gott og gómsætt hægt að búa til úr svona miklu og góðu kjötfarsi?
Hvað með afturhaldskommatittsstöppu?
Eitt af því sem hún amma mín sáluga eldaði handa mér í barnæsku var einhverskonar kjötfarsbrauð, en eins og nafnið gefur til kynna þá er kjötfarsinu einfaldlega smurt á brauðsneiðarnar og þær smjörsteiktar líkt og hakkabollur.
Þetta bragðast betur en KEA Saxbauti úr dós og tilvalið að bera þetta fram með laukfeiti, rauðkáli og baunum ásamt brúnni sósu og nýuupteknum katöflum.
Jahá. Sjálfum dettur mér í hug einhverskonar seytt farsbrauð, t.d. mætti blanda það rúgi og grafa við hver.
Einnig hefur mig lengi langað til að fullkomna svokallaðan farsgraut, (fi: Lihapuuru) eða farssúpu. Meginvandamálið er að standa þannig að eldamennsku að farsið hlaupi ekki eins venja er, heldur myndi hæfilega þykkan jafning, e.t.v. með haframjöli og rúsínum.
Að lokum bendi ég á að fars rímar við mars, enda er þetta afar karlmannlegur matur.
Yfir þetta Farsbrauð hef ég heyrt nafnið Rónabrauð, sérlega ljúft í kvöldmat á Sunnudögum...
Éttu það bara hrátt.
Ertu annars ekki að gleyma kjötbollum?
Kjötbollurnar klikka seint, ef þú reddar þér þeim og brúnni sósu og etv kartöflum, þá ertu í góðum málum.
Kjötfarsútsala? Það er skiljanlegt eftir rollubrunann fyrir nokkrum vikum. Verði ykkur að góðu.
Eitt kg. kjötfars, eitt hvítkáls höfuð, fullt jarðeplum, smjörvi, vatn
sjóða jarðeplin
setja 3/4 af hvítkáli í stóran pott, fullum af vatni, leyfa suðunni að koma upp og malla í nokkrar mínútur, stinga út úr kjötfarsinu bollur, stærð eftir smekk láta malla smá.
Svo er það stóra leyndarmálið, slatti af smjörva í skrattakollu (lítinn pott), skera hvítkálið sem er eftir í strima henda í skrattakolluna og láta brúnast við mikin hita,
Borið fram: Diskur, hvítkál í botninn, kjötbollur og jarðepli ofaná, og síðan brúnaða hvítkálið ofaná allt saman UMMMMMMMMMM nammi nammm þetta getur ekki klikkað.
Hér er uppskrift sem ég nota oft í þynnkunni.
Kjötfarsið er steikt uppúr mjög miklu smjörlíki. (Alls ekki olíu, það kemur algjörlega rangt bragð með þeirri aðferð.) Farsið skal steikt þannig að úr verði nokkurskonar hakk/kögglar. Bara smella öllu í einu á pönnuna og þjösnast á því með spaðanum þar til æskilegum klessum er náð.
Spagettí er soðið vel og lengi í pott, í þann pott er ráð að setja slatta af olíu.
Þessu tvennu er svo blandað saman í pott/skál og bombað heljarinnar helling af tómatssósu yfir og hrært. Ótrúlega einfallt, ótrúlega gott.
-
Hljómar vel. Ekta þynnkubras. Hafðu þökk fyrir að deila þessu.