Hvað er þetta, ætlar elítan hér að þegja beiðni hans um pólitískt hæli á Íslandi í hel?
Ég sé ekkert að því að kallinn fái gistipláss á klakanum. Ef hann er blankur þá hlýtur hann að geta fengið sófapláss hjá Hrafni Jökuls.
Það væri eflaust fín landkynning ef við myndum taka hann að okkur, jafnvel betri landkynning en þetta tafleinvígi forðum.
Ég vil taka skýrt fram til að forðast misskilning að þessi þráður varð til áður en Enter reit sína forystugrein um málið, en honum er að sjálfsögðu frjálst að taka upp þau mál sem á honum brenna.
Getur maðurinn ekki bara verið áfram í Japan hjá sinni japönsku eiginkonu? Hvað er hann að vilja hingað? Er þetta ekki gyðingahatari og óttalegur óþverri? Og landkynning?! Hverjir aðrir en skáknördar vilja vita hvar Bobby Fisher er? Og hver, annar en Hrafn Jökulsson, vill fylla landið af skáknördum??
Það væri nær að bjóða Harrison Ford ríkisborgararétt, já eða henni Juliu Stiles. Þau kunna gott að meta. Forrest myndi þá vísast fylgja í kjölfarið.
Þið eruð að gleyma að við erum í hópi „hinna staðföstu“ og skjótum þess vegna ekki skjólshúsi yfir eftirlýsta glæpamenn.
Fischer er nú trúlega frægari en Cabablanca þegar hann var og hét, og þá er nú mikið sagt. klórar sér í höfðinu
Hverjir aðrir en skáknördar vilja vita hvar Bobby Fisher er?Það væri nær að bjóða Harrison Ford ríkisborgararétt, já eða henni Juliu Stiles. Þau kunna gott að meta. Forrest myndi þá vísast fylgja í kjölfarið.
Þá svörum vér: Hverjir aðrir en forfallnir kvikmyndaáhugamenn og Júlíur vita hver Julia Stiles er?
Þið eruð að gleyma að við erum í hópi „hinna staðföstu“ og skjótum þess vegna ekki skjólshúsi yfir eftirlýsta glæpamenn.
Gæti hugsazt, en menn ættu þó að byrja á því að athuga hvað Fisher karlinn gerði af sér. Myndi það eigi vera rétt hjá oss ef vér segðum sakir hans vera þær að tefla skák í Júgóslavíu fyrir tylft ára síðan? Ætti sökin þá eigi að hafa fyrnzt? Vér bara spyrjum.
Fischer er nú trúlega frægari en Cabablanca þegar hann var og hét, og þá er nú mikið sagt. klórar sér í höfðinu
Hafandi aldrei heyrt á Cabablanca minnst, þá verð ég að segja að það er ekki mikið afrek að vera þekktari en hann.
Nei, verum ekki að púkka uppá afdankaða, bitra og útlifaða skáknörda (eða aðra nörda), heldur hrifsum einhvern í blóma lífsins til okkar, einhvern sem á eftir að vinna sín mestu afrek.
'Ættleiðum' t.d. hinn nýja Bond (hver sem hann verður).
Þið eruð að gleyma að við erum í hópi „hinna staðföstu“ og skjótum þess vegna ekki skjólshúsi yfir eftirlýsta glæpamenn.
Stóra vandamálið er eigi þetta heldur að hann þarf að nær örugglega á læknishjálp að halda sökum geðrænna vandamála en vill ekki þiggja neitt slíkt. Hann er í þannig ástandi núna að hann er nánast óalandi og óferjandi. Það réttlætir þó ekki framkomu Bandaríkjastjórnar í hans garð (og á það líka við um Clinton-stjórnina, þó líklega eigi í sama mæli og Bush-stjórnina) en gerir þetta mál miklu erfiðara en ella.
já, ættleiðum Bond. En frábær hugmynd. Þú ert virkilega hugmyndarík Júlía, ég vildi að ég hefði gáfurnar þínar. Ætli ég verði ekki bara að sætta mig við að hafa útlitið framyfir Dæsir mæðulega og lítur út um gluggann
Nei má ég þá frekar biðja um Fisher en afdankaðan njósnara hennar hátignar eða þessa Júlíu Stæls sem ég veit hvorki haus né sporð á.
Það eru engar ýkjur að einvígi Fishers og Spasskís var einvígi aldarinnar og sá atburður sem fyrst kom Ísalandi verulega á forsíður fjölmiðla um allan heim. Enda var spennan og andrúmsloftið í kringum einvígið ótrúlegt.
Áhm... Bobby Fisher er auðvitað frægasti skákmaður okkar tíma - mér væri persónulega mikill fengur í að fá að tefla við hann ! Hann er áhugaverður geðsjúklingur með ákaflega skemmtilegar og annarlegar skoðanir (las ævisögu hans) - held hann yrði skemmtileg viðbót í þjóðfélagsflóruna - maður má vera ósammála skoðunum hans en meira að segja gyðingahatarar eiga sitt tjáningarfrelsi.
Finnst fröken Júlía fulldómhörð í garð þessa snillings ...
,,Ég fyrirlít skoðanir yðar en ég er reiðubúinn að láta lífið fyrir rétt yðar til að hafa þær."
Voltaire.
BOBBY HEIM !
Stóra vandamálið er eigi þetta heldur að hann þarf að nær örugglega á læknishjálp að halda sökum geðrænna vandamála en vill ekki þiggja neitt slíkt. Hann er í þannig ástandi núna að hann er nánast óalandi og óferjandi. Það réttlætir þó ekki framkomu Badaríkjastjórnar í hans garð (og á það líka við um Clinton-stjórnina, þó líklega eigi í sama mæli og Bush-stjórnina) en gerir þetta mál miklu erfiðara en ella.
Ef hann er geðfatlaður, getur hann náttúrulega ekki verið á Íslandi því þeir eiga ekki upp á pallborðið í heilbrigðiskerfi Framsóknar.
Enn einn sjúklingurinn sem sendur yrði á vergang. Nei, Bobby er best borgið í Japan hjá spúsu sinni og tengdafólki.
Kannski, en það færi betur um hann á Íslandi en í Bandaríkjunum. Það er nokkuð ljóst. Ætli hann yrði ekki sendur beinustu leið í fangabúðirnar á Kúbu sem stórhættulegur hryðjuverkamaður? Brestur í óstöðvandi grát
Þið eruð að gleyma að við erum í hópi „hinna staðföstu“ og skjótum þess vegna ekki skjólshúsi yfir eftirlýsta glæpamenn.
Sammála. Það væri ljóti andskotinn ef við færum að bregðast stríðsvinum okkar. Við þurfum frekar að efla herinn okkar í Afganistan áður en við tökum þátt í næsta verkefni sem verður innrásin í Íran.
Látiði ekki svona. Haraldur, vertu ekki að geðvonskast gegn betri samvisku út í Jón Kristjánsson. Auðvitað tökum við Bobby Fisher að okkur sem tákn um sjálfstæði okkar og andóf gegn MacCarty-isma Bush og félaga.
Bobby Fisher hefur ekki brotið nein lög á Íslandi. Og ef hin tælenska Ho-Ming-Lo fær að vera á landinu vegna þess að einhver feitur sjóari keypti hana, þá má Fisher greyið svo sannarlega vera hér. Eða það finnst mér.
-