— GESTAPÓ —
Jarðskjálfti
» Gestapó   » Almennt spjall
     1, 2  
 • LOKAР•  Senda skilaboð Senda póst
Herbjörn Hafralóns 23/8/03 09:32

Í kjölfar jarðskjálftahrinunnar, sem reið yfir í nótt, hef ég verið að velta fyrir mér hvort hér séu mannleg öfl að verki. Getur verið að tilteknir ónefndir menn, sem sjást hér á síðum Baggalúts séu að gera einhverjar tilraunir í kjallara Krýsuvíkurskólans. Þá á ég við menn, sem hyggja á geimferðir, smíði á andefnisfallbyssum og fleira í þessum dúr. Kannski er ég að varpa hér fram viðkvæmum bollaleggingum, sem ekki ert vert að ræða en mér bara datt þetta svona í hug. ‹Starir þegjandi út í loftið›

 • LOKAР•  Senda skilaboð Senda póst
Skabbi skrumari 23/8/03 11:34

Ha...nei nei, ekki láta svona, þú hefur alltof mikið ímyndunarafl ‹lítur upp til himins og glotti›

 • LOKAР•  Senda skilaboð Senda póst
Vladimir Fuckov 23/8/03 11:53

Vjer förum hjer með vinsamlegast fram á að haft verði hljótt um þetta mál þar eð rannsókn á aðdraganda skjálftans er á viðkvæmu stigi og það er eigi í þágu hagsmuna þeirra er að geimskipssmíðinni standa að yfirvöld (t.d. skatturinn og stofnanir er hafa með innra öryggi ríkisins að gera) fari að hnýsast í málið á þessu stigi. Óneitanlega vekur þó grunsemdir að stuttu eftir að vjer smelltum á "START" á tölvu vorri (sem beintengd er geimskipinu) heyrðum vjer hækkandi drunur og hvin og fáeinum sekúndum síðar ljek allt á reiðiskjálfi.

PS Ef einhver rekst á stóran gíg nærri Krísuvík sem ekki var þar í gær þá EKKI fara nálægt honum. Áríðandi er hinsvegar að tilkynna oss um slíkt strax.

Forseti Baggalútíu & kóbalt- & hergagnaframleiðsluráðherra o.fl. Baggalútíu • Staðfestur erkilaumupúki • Óvinur óvina ríkisins #1 • Virðulegasti Gestapóinn, krúttleysingi og EIGI krútt • Óafvitandi aðili ósamhverfra vensla
 • LOKAР•  Senda skilaboð Senda póst
Herbjörn Hafralóns 23/8/03 11:54

Ég verð að játa að þessar bollaleggingar mínar í morgun voru skrifaðar undir áhrifum timburmanna, og það kann að hafa örvað ímyndunaraflið. Einhvern veginn finnst mér samt að þeir Hakuchi, Glúmur og jafnvel Blástakkur séu til alls líklegir.

 • LOKAР•  Senda skilaboð Senda póst
Blástakkur 23/8/03 15:13

Þó svo að kóbalt sé að finna á þeim slóðum þar sem jarðskjálftinn varð þá sé ég nú ekki samhengið. Það eru aðrir staðir þar sem hægt er að grafa eftir kóbalti. Ég kom að minnsta kosti hvergi nálægt slíkum námugreftri. Ég var upptekinn annarsstaðar þegar .. jarðskjálftinn varð. Þið verðið að spyrja Hakuchi um það. Ég er alveg saklaus.

 • LOKAР•  Senda skilaboð
Dabz 23/8/03 18:31

Aðrar ástæður gætu einnig legið að baki jarðskjálftans. T.d. er mjög sennilegt að djúpt undir Krýsuvíkurhrauni séu bölvaðir Færeyingarnir að sprengja sig upp á yfirborðið, upp úr hugsanlegum leynigöngum sínum frá Færeyjum til Íslands til notkunar við innrás í landið. Reyndar má efast um að Færeyingar hafi nægt hugvit til slíkra verka, en þó er betra að hafa varann á.

Hinn spaki hefur mælt.
 • LOKAР•  Senda skilaboð Senda póst
Hakuchi 24/8/03 13:50

Hahahaha hvað ertu nú að rugla Herbjörn minn. Þú ert svo mikill brandarakall. Svona fyndinn mann verður maður nú að hitta. Endilega hittu mig á gamla skotæfingarsvæðinu í Hafnarfjarðarhrauni kl. 3 í nótt svo við getum spjallað saman. Svo ég þekki þig skalt þú einkenna þig með því að halda á nokkrum svörtum plastpokum. Ég mun auðkenna mig með því að halda á hárbeittu samúræjasverði.

Ég hlakka til að hitta þig og spjalla um samsæriskenningar og fleira skemmtilegt.

 • LOKAР•  Senda skilaboð Senda póst
Herbjörn Hafralóns 24/8/03 14:36

Halló Hakuchi, hægan, hægan. Svarta plastpoka segirðu. Væntanlega viltu hafa þá tóma svo þú getir sett eitthvað í þá eftir fund okkar. Hvað svo? Fela þá í gjótum hér og þar í hrauninu?
Þar sem ég er nú friðsemdarmaður og vil enga óvini eiga, legg ég til að við sættumst á að jarðskjálftarnir hafi stafað af náttúrulegum orsökum eða í versta falli, að það hafi verið sá í neðra með hornin og halann, sem hafi verið að hrista upp í okkur.
Friður sé með yður.

 • LOKAР•  Senda skilaboð Senda póst
Vladimir Fuckov 24/8/03 15:42

Umrætt svæði hefur því miður verið lýst bannsvæði um óákveðinn tíma af ástæðum sem vegna tiltekinna hagsmuna er eigi heppilegt að á þessum tímapunkti verði opinberlega upplýst um hverjar sjeu.

Forseti Baggalútíu & kóbalt- & hergagnaframleiðsluráðherra o.fl. Baggalútíu • Staðfestur erkilaumupúki • Óvinur óvina ríkisins #1 • Virðulegasti Gestapóinn, krúttleysingi og EIGI krútt • Óafvitandi aðili ósamhverfra vensla
 • LOKAР•  Senda skilaboð
Steingrímur Steinn 25/8/03 00:54

Dabz mælti:

Aðrar ástæður gætu einnig legið að baki jarðskjálftans. T.d. er mjög sennilegt að djúpt undir Krýsuvíkurhrauni séu bölvaðir Færeyingarnir að sprengja sig upp á yfirborðið, upp úr huxanlegum leynigöngum sínum frá Færeyjum til Íslands til notkunar við innrás í landið. Reyndar má efast um að Færeyingar hafi nægt hugvit til slíkra verka, en þó er betra að hafa varann á.

Það er meira en líklegt, reyndar hef ég komist að því að Færeyingur nokkur, feðraður af Íslenskum sjómanni, sé nýr leiðtogi Færeyinganna. Þannig að þar er kannski komin útskýring á ný tilkomnu hugviti þeirra (laxa "slysið" fyrir austan er bara broddurinn á ísjakanum). Ég hvet alla vopnfæra menn til þess að ganga með byssur/barefli/hnífa o.s.f. á sér, og ef að minnsti grunur leikur á að þú hafir séð Færeying, þá skjóta/berja/stinga fyrst, og spyrja svo. Ef slys verður og þú drepur einhvern sem að ekki var Færeyingur, berðu þá fyrir þig að þú hefir gert þetta með öryggi Íslands í huga, þá verður þér sennilega slept með áminningu.
Til vara er svo hægt að halda því fram að þú hafir talið múslima þarna á ferð, þá færðu 5000 krónu verðlaun.

 • LOKAР•  Senda skilaboð Senda póst
Glúmur 25/8/03 08:51

Herbjörn Hafralóns mælti:

Ég verð að játa að þessar bollaleggingar mínar í morgun voru skrifaðar undir áhrifum timburmanna, og það kann að hafa örvað ímyndunaraflið. Einhvern veginn finnst mér samt að þeir Hakuchi, Glúmur og jafnvel Blástakkur séu til alls líklegir.

Þó það virðist sem að einhver hafi stolið bílnum mínum, ekið í átt að Krísuvík og skilað honum í morgunsárið þá var ég heima að lesa allan tímann. Ég neita að tjá mig frekar um þetta mál.

Gagnvarpið er komið til að vera
 • LOKAР•  Senda skilaboð Senda póst
Hakuchi 25/8/03 09:17

Herbjörn Hafralóns mælti:

Halló Hakuchi, hægan, hægan. Svarta plastpoka segirðu. Væntanlega viltu hafa þá tóma svo þú getir sett eitthvað í þá eftir fund okkar. Hvað svo? Fela þá í gjótum hér og þar í hrauninu?
Þar sem ég er nú friðsemdarmaður og vil enga óvini eiga, legg ég til að við sættumst á að jarðskjálftarnir hafi stafað af náttúrulegum orsökum eða í versta falli, að það hafi verið sá í neðra með hornin og halann, sem hafi verið að hrista upp í okkur.
Friður sé með yður.

Segjum það þá. Megir þú hvíla í friði.

 • LOKAР•  Senda skilaboð Senda póst
Vladimir Fuckov 7/11/03 15:44

Skeyti þetta er sent alfarið í tilraunaskyni en hjer er um að ræða tilraun með laumupúkaþráð #2 en hinn er að því leyti á áberandi stað að hann er allra neðst á lista yfir alla þræði. Eigi er það þó ætlun vor að þráður þessi komi alfarið í stað hins eina sanna laumupúkaþráðs.

Forseti Baggalútíu & kóbalt- & hergagnaframleiðsluráðherra o.fl. Baggalútíu • Staðfestur erkilaumupúki • Óvinur óvina ríkisins #1 • Virðulegasti Gestapóinn, krúttleysingi og EIGI krútt • Óafvitandi aðili ósamhverfra vensla
 • LOKAР•  Senda skilaboð Senda póst
Skabbi skrumari 13/11/03 21:26

Jæja, þá vitum við allavega tveir af þessum þræði.... erum við ekki of laumupúkalegir svona tveir, eru ekki fleiri sem vilja kíkja inn...ég býð í glas...með eina maltviskíflösku hérna.... skál

 • LOKAР•  Senda skilaboð Senda póst
Skabbi skrumari 13/11/03 23:38

Gjössovel, yddislett maltviskí frá skottlandi...skál

 • LOKAР•  Senda skilaboð
Von Klinkerhofen 14/11/03 00:09

Lagavulin??'

‹Dregur djúpt andann›

 • LOKAР•  Senda skilaboð Senda póst
Órækja 15/11/03 01:19

Neinei, breytum laumupúkum ekki í ruglupúka!

Skrifandi undir síðan 2004
 • LOKAР•  Senda skilaboð Senda póst
Herbjörn Hafralóns 15/11/03 22:14

Sem upphafsmaður þessa þráðar, krefst ég þess að fá að vera með ef gestir hér ætla að fara að lyfta glösum. Skál!

LOKAÐ
     1, 2  
» Gestapó   » Almennt spjall   » Hvað er nýtt?
Innskráning:
Viðurnefni:
Aðgangsorð: