Í því sem ég var að logga mig út úr Baggalút, datt mér í hug vísnagáta, hendi henni hérna inn...
Göslast yfir gras og lönd
geysist pok’á landi
sprettin taka týnist önd
tek ég upp úr blandi
Hvað á við í öllum línunum?
kíki kannski aftur við fyrir svefninn til að sjá hvort einhver er búinn að svara
Er þetta Nykur??
Gúmmí??
Ok, mér dettur í hug vindur/andi.
Göslast yfir gras og lönd - vindurinn blæs víða
geysist pok’á landi - og feykir litlum pokum
sprettin taka týnist önd - alllur vindur úr manni, nær ekki andanum
tek ég upp úr blandi - vínandi
Jæja, líklega ekki rétt en gaman að giska.
Þetta var ákaflega skemmtileg tilgáta hjá þér Barbie mín, en ekki það sem ég hafði í huga...kannski var þetta alltof almennt hjá mér, á kannski við um margt...
Ein vísbending:, út úr hverri setningu koma mismunandi orð og eru þau öll samsett úr orðinu sem ég er að spyrja um...
Þakka hrósið Skabbi minn. Jæja, ég giska þá á hlaup.
Göslast yfir gras og lönd - árhlaup
geysist pok’á landi - pokahlaup - oh hvað það var skemmtilegt...
sprettin taka týnist önd - hlaupastingur
tek ég upp úr blandi - hlaup...ég er nú meiri súkkulaðikona.
Ég fattaði það um leið og ég var búin að loka þessum glugga. Roðnar og flissar eins og smástelpa
Sá það...glæsilegt, þú ert hugsuður eins og drottningin okkar, sem er oftast fyrst með svörin...
roðnar hressilega, takk Skabbi
þá ætti að vera komið að mér:
Góðum notum garði í,
giska ekki lengur,
langferð leitast oft við því
líst mér á það drengur.
Þessi er lúmsk, datt margt í hug, en gæti þetta verið orðið reka?
Góðum notum garði í, - reka til að moka
giska ekki lengur, - reka á gat
langferð leitast oft við því - reka, eins og rekaviðadrumbur..
líst mér á það drengur. - hmmm
Mjög gott en ekki alveg það sem ég var með í huga. Orðið passar við allar línurnar og þú ert ekki langt frá því, þú ert á réttri braut. Það er ýmist notað sem nafn eða sagnorð.
Vísbending: prófiði að breyta t.d. lið 2 í spurningu. Það gæti leitt ykkur á svarið.