Gættu að því að Nettó starfar ekki í skjóli skaparans.

Vertu ekki svo viss, Hafraflón. Framkvæmdastjóri Nettó telur sig vera að vinna á Guðs vegum, alveg eins og þú. Ég sé ekki muninn, annan en að hann gerir eitthvað gagn með því að selja fólki mat.

Þú lifir ekki á brauði einu saman

Rétt hjá þér Klettur.
Ætli sé nú ekki rétt að fara að halla sér og safna kröftum fyir morgundaginn?

Jú, ætli maður fái sér ekki klukkutíma svefn áður en maður fer að aðskilja eitthvað meira.

Hvaða læti eru þetta í ykkur. Nú varstu aðeins of fljótur á þér Ruglubulli minn.

Markmið Ríkisvalds Baggalútíu er að hámarka völd þess. Það er gert undir þeirri hugsjón að upplýstir drottnendur ríkisins (ríkisstjórn og meðfylgjandi skrifræði) viti betur en þegnarnir hvernig eigi að stjórna landinu, enda eru þegnarnir fífl (sjá áhorf á heimskulega sjónvarpsþætti og sölutölur Séð og Heyrt því til sönnunar).

Aðskilnaður ríkis og kirkju er skerðing á alvitru ríkisvaldinu. Þess vegna gengur það ekki.

Ruglubulli minn, ég dáist að seigju þinn og andúð á stjórnarandstæðingnum Herbirni. En hann hefur mildast eilítið og á skilið að koma í alltumlykjandi faðm Baggalútísku elítunnar, þó ekki nema að einhverju leyti. Það sama á við um afgang stjórnarandstöðunnar. Henni er velkomið að verða innlimuð í Baggalútíu, að gefnum skilyrðum að sjálfsögðu. Herbjörn sætti sig við sanngjörn skilyrði er hann tók við biskupsembættinu og fær hann því að halda því, undir Forsjá Baggalútíu.

Gleymdu ekki bænunum þínum væni.

Hakuchi
þetta er orðin gerður hlutur nefnamálaráðherran er búin að stroka kirjuna úr stjórnkerfi Bagalútíu.

Ég er viss um að sértækar latexpyntinganinjusveitir Varnamálaráðuneytisins og sérþjálfaðir "sannfæringarfræðingar" ÖLÍS geti sannfært hvaða nefndarmenn nefndarmálaráðuneytis um það að stofna nýja nefnd og endurríkisvæða kirkjuna á mettíma.

Ég þakka innlegg þitt inn í umræðuna, yðar hátign Hakuchi. Ef þér lesið niðurstöður nefndarinnar sjáið þér hinsvegar að ríkisstjórnin heldur fullu valdi yfir kirkju og öllu því sem fylgir henni. Það sem verður aðskilið og einkavætt verður hinsvegar veraldlegur rekstur kirkjunnar, þ.e. húsnæði, klukkur, messuvín, svall o.s.frv.

Því sjáið þér, að við höldum öllu andlegu kirkjunnar valdi yfir sauðunum sem einnig eru kallaðir þegnar, en nýtum peningana, sem annars hefðu farið t.d. til heimskra presta á raufarhöfn syðri, til okkar eigin fjárútláta.
Þú sérð því að ég hugsaði fyrir þessu.

Ég mun einnig íhuga málið með Hafraflónið. Ætli maður lifi ekki af án þess að að kála því.

‹Hlær smeðjulega í átt til Hakuchi, og horfir svo með djöflaaugum í átt til Hafraflónsin, og hugsar með sér hve heppið það var í þetta skiptið›

Og til að svara þessum punkti, þá er ég sá eini sem hefur yfirvald í því að stofna nefndir. Einnig myndi ég ekki vera að eyða peningum eða tíma í að sannfæra annað nefndarfólk um þetta eða hitt, það vill nefnilega svo til að ég er höfuðið og hugsuðurinn í þeim öllum...

Nú ef við höldum öllu öðru en veraldlegu valdi þá hefur enginn aðskilnaður átt sér stað. Og hvernig dettur þér í hug að aðskilja 10% af tekjum launafólks frá ríkinu? Ertu orðinn spinnegal? Heldur þú ekki að þessi 10% muni ekki skila sér í ríkiskassann þrátt fyrir að hann sé fyrir risnukostnað biskups (sem þarf að halda partý handa fína fólkinu okkar).

Varðandi það að þú sért höfuð og herðar nefndarmanna þá gleður það mig að því leytinu til að auðveldar starf sérsveita og sérfræðinga Varnarmálaráðuneytis og ÖLÍS til muna, ef til þess þarf að koma.

Ég tek undir með hans háæruverðuga hátign Hakuchi að aðskilnaður ríkis og kirkju sé ekki með í myndinni.
Ennfremur þá kemur það mér svo sannarlega á óvart og veldur mér töluverðu hugarangri að biskup Hafralón skuli telja að það sé innan hans valdsviðs að taka slíkar ákvarðanir.
Hvað varðar tíundir þá get ég ekki annað en fallist á slíkt. En þær verða þó að renna óskiptar í ríkiskassann og síðan útdeild þaðan til undirstofnanna kirkjumálaráðuneytisins.
Eins og staðan er í dag þá starfar Geimferðaeftirlit Baggalútíu náið með Kirkjumálaráðuneyti og Fólskumálaráðuneyti við breytingar eða "transformatijónir" á kirkjum ríkisins í tunglflaugar eða Baggalúnferjur, skemmst er frá að segja glæsilegum árangri þeirra við að koma bæði Hallgrímsskirkju og Bústaðakirkju á sporbaug.
Það liggur því í augum uppi að mestur hluti tíðræddar tíundar fari í byggingar og þróunarkostnað þessara flauga. Legg ég til að biskupsembættið fari í aðrar fjáraflanir til að fjármagna messuvínskaup o.þ.h. Þá gætu það staðið fyrir hlutaveltu eða sölu syndaaflausna.

tja........nú er ég bara alveg orðlaus ‹Starir steinþegjandi út í loftið›

Aðskilnaður ríkis og kirkju hefur ætíð verið við lýði í Baggalútíu. Hafralóns er því í rauninni ekki í ríkisstjórn heldur einungis Biskup sem á og hefur ekkert að segja um málefni ríkisstjórnar.
Hinsvegar tel ég að það ætti að vera þannig að allar kirkjur séu sem fyrir tæki, stjórnað af ríkisstjórninni en engir skattpeningar fara í þetta rugl.
Ástæðan fyrir ítökum ríkisins í kirkjunni er sú að það þarf að kveða niður draug stöku sinnum.

Það var mikið að keisarinn (Mikill Hákon) tjáði sig um þessi málefni. Ég sé ekki betur en að við séum að mestu leyti sammála. Ég vil ekkert eiga saman við ríkisstjórnina að sælda og vænti þess vegna ekki neinna fjárframlaga þaðan. (Hvar er annars fjármálaráðherrann?)
En biskupsembættinu þarf að halda gangandi og þess vegna er tíundin til komin.

nei hvur skrattinn, þá þurfa bara þeir sem vilja borga þessa bláskollans tíund að borga hana.

Keisarinn okkar sagði þetta eingöngu í ölæði. Það kemur ekki til greina að ríkið sleppi takinu á kirkjunni. Til sönnunar þess hversu einbeittir og staðfastir við erum í þessu máli má benda á að Kirkjumálaráðuneytið var stofnað á undan kirkjunni. Eina leiðin fyrir þig biskub Hafralón til að starfa án íhlutanar stjórnar í þessu embætti þínu er ef valdsvið þitt og öll önnur umsvif takmarkist við skákborð.