Eins og glöggir fastagestir Baggalúts taka örugglega eftir, hef ég nú látið setja nýja mynd af mér með nafni mínu. Ég var orðinn hálf leiður á þeirri gömlu, sérstaklega nú síðustu vikurnar þar sem menn voru stöðugt að ruglast á mér og fyrsta ráðherranum. Sumir héldu að ég væri kominn af honum í beinan karllegg, svo sterkur var ættarsvipurinn.
Ég brá mér því á ljósmyndastofu fyrir helgina, lét taka af mér nýja mynd og vona ég að fólki líki þessi nýja ásjóna mín, sem er reyndar ekkert ólík þeirri gömlu ef grannt er skoðað.
Svo þakka ég Enter fyrir aðstoðina við myndaskiptin.

Ætli Teddy og Hannes hafi verið tvíburabræður?

Herbjörn... þú ert fjandi líkur honum Teódór Rosaheim.

Þú ert orðinn ansi bollulegur - er það í tilefni dagsins?

Já, þú ert búinn að skipta út hinum eiturhressa kvennabósa fyrir búlduleitan Amríkana sem helst er frægur fyrir að vinsæl leikföng voru skírð eftir honum.

Vangasvipurinn var einhvern veginn mikilúðlegri og karlmannlegri á gömlu myndinni...en ef þú ert sáttur, þá er það nú fyrir mestu.

Væri ekki Teddi Rósavellir heppilegri þýðing?

Og hann var ekki smá karlmannalegur, hann Teddi, þó nokkuð bangsalegur á seinna árunum. Góð skytta, afbragðs hestamaður og .... noh. Það passar alls ekki illa við nafnið þitt, Herbjörn, að þú skyldir svipa til bangsalegs hermanns.

Vinir mínir kalla mig stöku sinnum bangsa svo þessi samlíking er kannski ekki alslæm enda er ég engin horrengla. Hins vegar hef ég aldrei komið á hestbak og held ég taki varla uppá því úr þessu.
En þið hljótið að skilja að það var erfitt að vera alltaf líkt við þennan Hannes.

Mér hálfbrá nú eiginlega þegar ég rakst á myndina. Þessi athugulu augu sem ekkert fer framhjá. Maður þorir ekki að setjast ógreiddur fyrir framan tölvuna lengur. Hvað þá hversdagslega klæddur.

‹Fer í allt of litlu teinóttu jakkafötin sem hann keypti hjá Hjálpræðishernum. „Þau voru bara svo ódýr“.›

Blessuð vertu rétt þýðing væri Rósaveltir, því Roosevelt þýðir náttúrulega sá sem veltir við rósum. Mig minnir endilega að Teddy þessi hafi verið á Gerpi SE um árið, og hann haft að vanda að taka mtsk. af koppafeiti hvern morgun.

Rósaveltir, Roosevelt hvað? Þetta er bara ég, Herbjörn.

Þetta eru afar virðuleg hornspangargleraugu sem þú ert með.
Jamm, ég er bara nokkuð hrifinn af nýja útlitinu þínu.

‹Brosir breitt›

Þessi nýju gleraugu veita mér betri sýn á spillinguna, sem þrífst innan svokallaðrar ríkisstjórnar Baggalútíu. Og eins og Skammkell segir hér að ofan, fer ekkert framhjá þessum athugulu augum og vona ég að augnaráðið eitt veiti stjórninni nokkurt aðhald.

Það sem meira er, er að ég held að þetta augnaráð dáleiði. Ég finn stjórnarandstæðinginn koma upp í mér.
‹Fer í Che bolinn sinn.›

Gott. Ég vona bara að þeir Mikill Hákon, Hakuchi, Frelsishetjan, Nykur, Vladimir Fuckov og fleiri verði fyrir sömu áhrifum. En ég trúi að Blástakkur verði erfiður.

Aumkunarverð galdratrikk hafa engin áhrif á mig. Þú minnir mig reyndar á feitan Rutger Hauer með bjánaleg gleraugu.

Ekki vera með þessi leiðindi Hakuchi. Fáðu þér heldur ákavítistár hérna hjá mér. Þetta er fín tegund, sem Skabbi benti mér á.

[skenkir í tvö glös]

Skál!

‹Vantrúaður en setur til öryggis upp dökk spegilgleraugu. Einnig hatt og rykfrakka í stíl.›