Já, hann ráðherrabústaðurinn. Reistur af bændum til forna ef ég man rétt.
Það er nokkuð til í að aaarrrrghh! Djöfulsins klukkudrusla, hún er að verða 17:00. Bölvað úrið mitt er stopp á klukkan 14:30. Ég sem hélt að ég væri í svo góðum málum hvað varðar tíma.
Bændahöllin, lauguð blóði hins íslenska sauðfjárbónda. Veggir hennar skreyttir iðrum þeirra og um pípurnar vellur blanda svita og tára.
Þar er gott að kúra sig til svefns, á löngum göngum hennar, falinn bakvið blóm úr plastík og gervisilki...
Hvað afþreyingu áhrærir, þá mæli ég með gönguferðír í kringum mislæg gatnamót sem eru nokkur t.d. við smáíbúðahverfið og við bæjarmörk Kópavogs...
Þú gætir líka fengið prýðis árbít þar á bæ, en í hádeginu skaltu snæða á Holtinu (NB ekki Skólavörðuholtinu).
Getur hann brúkað ávísanahefti frá Samvinnubankanum eða getur hann fengið vöruúttektir út á kaupfélagsreikninginn sinn?
Vertu velkominn í bæinn Austmann.
Hvenær ertu væntanlegur? Ég mæli með Baggalútískri móttöku. Er ekki rétt að einhver nefndin taki að sér skipulagninguna?
Varðandi Samvinnubankaheftið og kaupfélagsreikninginn mæli ég með því að þú takir þetta með þér. Ekki geturðu nú farið beint í verslanir og greitt með þessu, en til þess að fá skotsilfur getur þú gert annað tveggja:
Farið á Þjóðminjasafnið eða einhverja fornbókaverslun. Ég er nokkuð viss um að á öðrum hvorum staðnum, eða báðum, geturðu skipt þessu fyrir svokallaða peninga, sem síðan er hægt að greiða með í verslunum.
Sjáumst.
Þinn félagi,
Skeli
Vertu nú ekki að leggja leið þína í sollinn þarna fyrir sunnan.
Þetta eru nú ekki merkilegir kónar sem þar húka á horriminni.
Væri nú ekki nær að bregða sér á Kirkjubæjarklaustur.
En ef þú þarft að fara þar sem margmenni er þá er tilvalið að fara til Tókýóar, þar eru almenningur lágvaxinn svo þú sérð betur hvert þú ert að fara.
Ég hef komið á Kirkjubæjarklaustur og undi mér bara vel. Sérstaklega kunni ég vel við skeggjaða karlinn í sjoppunni og ég klifraði meira að segja blindfullur upp á Systrastapa.
Jú, ég verð að fara til Reykjavíkur á háleynilega upplýsingatækniráðstefnu því ég er svo illa upplýstur.
Hvern þarf að upplýsa? Ég er með sérstakt ljós sem hægt er að koma fyrir á haganlegan hátt bakvið augun. Það truflar sjónina þónokkuð en maður venst þessu fljótt.
Ég kem sífellt á óvart.
Ég kem sífellt á óvart.
Ja, þú komst alla vega óvart í heiminn ;)
Ég veit ekki alveg fullkomlega hvað þú meinar með því Ívar. Ég get þó fullvissað þig um það að ef þetta á að vera einhver móðgun þá er ég reiðubúinn til að ganga ansi hreint langt í því að móðga þig á móti.
fnæss, móðganir og móðganir til baka eru frekar leiðinleg fyrirbæri.
Mun betri eru manndráp. Kæri Blástakkur í stað þess að móðga til baka skaltu drepa, það er yfirleitt endanleg lausn og losnum við hin við að lesa áframhaldandi móðgunarbardaga næstu daga.
Nú ef sá sem drepinn er á marga vini eða ættingja getum við hin átt von á að geta fylgst með hjaðningavígum á víxl að gömlum sið. Það er mun skemtilegra en kjánalegar ritdeilur.
Ég veit ekki alveg fullkomlega hvað þú meinar með því Ívar. Ég get þó fullvissað þig um það að ef þetta á að vera einhver móðgun þá er ég reiðubúinn til að ganga ansi hreint langt í því að móðga þig á móti.
já, það gæti verið skemmtilegur leikur...
Það er farið að hitna í kolunum. Ég held ég komi mér bara í burtu á meðan tíminn gefst.