Þýskir fjöllistmenn syngja hástöfum úr hátölurum mínum.

„Ef brunar þú á bíl til Breiðdalsvíkur,
bíða þín víst átján pólskar píkur.
Þar upphefst síðan ástarleikur slíkur,
að aldrei hefur lent í öðru eins.

Í Breiðdal, í Breiðdal, í Breiðdal,
bíða þín blaut ævintýr....“

Það er aðeins að ég dansi við Kalinka Malinka með snillingnum Ivan Rebroff. En þegar ég vill láta líta stórt á mig er það hinir sívinsælu þýsku marsar, Marsch des hannoverschen Kronprinz og Ich Hatt Einen Kameraden sem fá að hljóma í víðómahljómtækjum mínum.
‹Gefur frá sér vellíðunarstunu›

Silly Love Songs með Paul McCartney og Wings. Veitir hugljómunina sem ég þarf til þess að fremja alvarleg illvirki.

Þessa stundina er verið að spila "Hippa" með Fræbbblunum á Skonrokki:

"Þið getið hnýtt ykkur
saman á rasshárum og
slefað svo vel,
hvort upp í annars kjafta..."

Já, það er gaman að fræbbblunum...
"en má ég þá frekar biðja um Þorstein Guðmundsson" eins og segir í laginu.. Steini Spil frá Selfossí! ég hvet alla til að kynna sér hann.

Hlustaði á Pomp and Circumstance, hátíðarmars, eftir Edward Elgar í hádeginu. Þvílík snilli. Maður er bara betri maður á eftir alveg fram að kaffi.

PDQ Bach er bestur á svona dögum!

Ég er að hlusta á Black Magic Woman í frumsaminni útgáfu Peters Green sem var einn af stofnendum Fleetwood Mac. Ég uppgvötaði einungis nýlega að Santana samdi ekki lagið heldur Green og í höndum hans og Fleetwood Mac er lagið púra blús lag. Stórfenglegt alveg, með hrífandi hrynjanda sem minnir á Who's Been Talkin' með Howlin' Wolf (aka. Chester Burnett). Ég sakna þó yndislegs gítarleiks Santana í laginu það toppa fáir slíka frammistöðu.

Ég mundi ráðleggja þér, Hakuchi og ykkur hinum líka sem fílið Blúslænöppið af Fleetwood Mac að tékka á sólóefni Peter Green sem hann hljóðritaði á áttunda áratugnum, þetta eru faldir fjársjóðir og gargandi snilld! Því miður lenti Peter Green á síðari árum í klóm geðveikinnar sem rændi frá honum hæfileikunum.
Ogö ef þið fílið þetta þá ættuð þið næst að tékka á ljósmyndafælna lónernum JJ Cale...

Þetta er góður þráður...maður fær helling að hugmyndum um góða tónlist. Ég er að hlusta á hina látnu hetju Johnny Cash...yndælt

Ég á einn disk með J.J. Cale, Shanghaid. Ekki nógu góður. Hann fær þó ætíð virðingarstig fyrir að hafa samið Cocaine.

En hvað með gömul hlémerki frá Rás 1?

Að sjálfsögðu hinn frábæra disk.Illa farið með góð hnífapör með dægurpönkhljómsveitinni Húfu‹Ljómar upp og setur umræddan disk í spilarann ›

Ó já... það er snilldar diskur. Svo mæli ég líka með dúettinum Hundur í óskilum.

Man einhver eftir hljómsveitinni "Sauðfé á mjög undir högg að sækja í landi Reykjavíkur"??? Samkvæmt könnun Nafnafræðifélagsins þá mun þetta vera lengsta hljómsveitarnafn sem vitað er um hér á landi. Stysta nafnið var á danshljómsveitinni "Ó" sem starfaði á Suðurnesjum á níunda áratugnum.

Já... þessar báðar voru stórmerkar stórsveitir... synd að þeim skuli öllum lokið...

Sammála. Ég held að Óskilahundurinn verði með tónleika á Næsta bar miðvikudaginn í næstu viku. Hvet alla til að mæta.

Ekki gleyma Aimee Mann og Magnolia disknum. Var með hann í bílnum í dag. Auðvelt að sökkva í það í umferðinni. Ekki skemma Supertramp slagararnir í restina.