Mér flaug skyndilega í hug hvort ekki væri rétt að nefna ættjörð vora Baggalúníu, það hljómar svona meira viðeigandi finnst ykkur ekki?

Sammála. Miklu meira réttnefni.

Ég er alveg sammála. Baggalúnía er allavega vel við hæfi nú um stundir miðað við stjórnarfarið, sem við búum við.

Nöldurskjóða.

Drepið nú í þessum bévítans sígarettum ykkar Hakuchi og hr. Austmann áður en þær drepa ykkur.
Verð ég kannski að skvetta yfir ykkur úr vatnsfötu svo þið skiljið alvöru málsins?

‹Býður Haraldi og Hakuchi uppá Chesterfield...›

Tjah, stjórnarfarið segir þú, ég tengdi þetta nú meira við hugarfarið en hvort tveggja á vísast rétt á sér. Auk þess líkar mér betur við orðið Baggalúnía, það er hljómfegurra og auðmæltara en Baggalútía.

Helsti gallinn á þessari annars ágætu tillögu er að þeir sem nefna mætti guðfeður Baggalútíu nefndu vef sinn baggalutur.is en eigi baggaluna.is. Hinsvegar væri Baggalúnía að því leyti við hæfi að Baggalútía hyggst að sjálfsögðu fyrr eða síðar leggja undir sig tunglið.

Já og ég samþykki fyrir mitt leiti, að héðan í frá heiti tunglið Baggalúnía. ‹horfir til hemins og Ljómar upp›

Baggalúna væri þá meira viðeigandi er ekki svo?

Jú það er miklu betra. Síðan þyrfti að breyta öllum þessum textum og kvæðum sem hafa verið rituð með gamla nafnið í huga.

"Baggalúna hátt á himni skín, hrímföl og grá"

"Stóð ég úti í Baggalúnuljósi, stóð ég út við skóg" og

"Baggalúnriver, -Wider than a mile.."

Síðan er nú loks hægt að hnekkja þeirri staðhæfingu bandaríkjamanna að þeir hafi lent á tunglinu á þeirri forsendu að það sé ekki til neitt sem heitir tunglið, það gerir þá alveg snar. Legg til að fyrirhuguðum framkvæmdum Blástakks í þá átt að breyta Hallgrímsskirkju í fyrstu Baggalúnflaug Baggalútíu verði hraðað, áður en aðrar þjóðir sendi mannað far til Baggalúnu til að vera á undan oss. Það ætti að vera pláss í flauginni fyrir alla embættis og ráðamenn Baggalútíu og legg ég til að við fjölmennum á Baggalúnu og Baggalúnum (múnum) óvini vora þaðan.

Já, við erum ekki með svona pempíuáætlanir eins og Bandaríkjamenn. Mínar tillögur miðast við það að um borð í hallgrímskirkju komist að minnsta kosti eitt þúsund manns.

Það yrði aðsóknarmet þar á bæ.

Jah, að minnsta kosti ef við sleppum öllum prestum og biskupum.

Og turn-túristum.

Það væri nú dálítið fyndið að sjá andlitin á þeim þegar við blöstum á loft.

Átti nú við aðsókn að guðsþjónustu.

Ertu að reyna að segja mér það að aðsókn að guðsþjónustu sé ekki negatív.