Þetta er alveg satt, ég heyrði það sjálfur í útvarpinu. ‹fnæsir af andstyggð og fær sér í nefið›
Ákveðnir aðilar tengdir Baggalútíu viðurkenndu að eyjan í Eyjafirði sem ekki er til (blikkar vinstra auganu laumulega) sé til og ætla að senda Tarsan þangað.
- Eigum við að taka þá af lífi fyrir að upplýsa heiminn um ríkisleyndarmál? Öðrum til viðvörunar.
- Eigum við að afneita öllu og halda því fram að þetta séu óábyrgir aðilar haldnir ofskynjunum af of mikilli ákavítis drykkju og langri viðveru í Kóbaltnámum? Síðan getum við sent þá til afplánunar á eyjunni sem er ekki til.
- Eigum við að láta þá lenda í undarlegu óútskýrðu slysi?
‹klórar sér í höfðinu›
Að refsa þessum mönnum? Fyrir hvað? Þessi eyja er ekki til. ‹Blikkar Andskotann› Frekar að "verðlauna" þá og senda þá í skemmtiferð!
Til skemmtigarðsins í Frísey. Hahaha!Hahaha!
HAHAHAHA!!
Vegna þess að umrædd eyja sem opinberlega er eigi til er í reynd til en sem vegna öryggis ríkisins er betra að enginn haldi að sé til þá getur verið árangursríkt að halda óvinum vorum í nagandi ótta og óvissu með því að halda því stöku sinnum fram að eyjan sem opinberlega er eigi til sé í reynd eigi til en að staðreyndin sé sú að hún sé opinberlega til og að einhver sé að reyna að spilla fyrir ríkisstjórn Baggalútíu. Þetta gefur óvinum Baggalútíu stórt og flókið verkefni að ráða fram úr, þ.e. hvað af eftirfarandi sé ósatt, hálfsatt eða satt: (1) Eyjan er til bæði í reynd og opinberlega. (2) Eyjan er í reynd til en er opinberlega eigi til. (3) Eyjan er í reynd eigi til en er opinberlega til. (4) Eyjan er í reynd eigi til og opinberlega er hún heldur eigi til. (5) Eyjan er í reynd stundum til og stundum eigi (getur gerst vegna elipton-prófana) og hið opinbera ástand á hverjum tíma er andstæða þess hvort eyjan er í reynd til eður ei. (6) Eyjan er í reynd stundum til og stundum eigi (getur gerst vegna elipton-prófana) og hið opinbera ástand á hverjum tíma er eins. (7) Eyjan er í reynd stundum til og stundum eigi til og það hvort hún er opinberlega til eður ei ræðst bæði af tíma og því hvort hún er í reynd til á viðkomandi tíma eður ei.
Síðan má bæta við þetta að eyjan getur verið til að hálfu leiti. Þ.e. ef partur af eyjunni væri sprengd í loft upp obinberlega eða í reynd.
Getur þá verið að eyjan sé í raun ekki til en Tarsan hafi í raun verið sendur þangað.
Ber okkur þá að skilja sem svo að sótthreinsunardómurinn yfir Tarsan hafi í raun verið dauðadómur og honum hafi verið drekkt? ‹klappar saman hófunum og dillar halanum í barnslegri gleði yfir útsjónasemi valdhafa í Baggalútíu›
Þar sem herra Fuckov hefur útskýrt fyrir mér plottið í útvarpinu verð ég að biðjast afsökunar á að hafa kallað ráðamenn svikara (og það með norskri samlíkingu).
Vantrú mín er refsiverð og mun ég hýða sjálfann mig stanslaust í tvo daga með hnútasvipu. ‹Stekkur hæð sína og bindur aukahnút á svipuna›
Það er engin þörf á að þér refsið yður þar eð eins og umrætt innlegg vort bar vonandi með sér er sannleikurinn í máli þessu eins og vera ber eigi augljós.
Svona nú, jæja, þá eru tveir dagar liðnir og er ég orðinn helvíti aumur í bakhlutanum. Eins og svipuhögg geta verið lostahvetjandi og æsandi verða þau leiðinleg þegar maður hýðir sig í tvo daga stanslaust.
Þú þarft að æfa þig meira. Sumar munkareglur í Evrópu voru orðnar ansi flinkar í þessu og gátu stundað sjálfshirtingar hér um bil stanslaust á meðan á vökutíma stóð. Þeir hefðu án efa orðið glaðir að fá einhverskonar sjálfvirkt svipuhöggstæki sem gæti látið svipuhöggin dynja nótt sem dag.
þessu verður að kippa í liðinn. Það verður að veita þessum prökkurum smávegis tiltal af fólskumálaráðuneytinu. Helvítis, núna verð ég að hringja í áróðursmálaráðuneytið og þeir þurfa að eyða pening í að sannfæra almenning.