Sérstaklega var hér veður
vont um Ásbyrgið i dag
Fok og rigning fáa gleður
For svo heim að semja brag
Brag ég reyni að berja saman
bara til að sýnast klár.
Þegar tekst loks þá er gaman,
þó að ei sé nema pár.
Pára núna ljóðið lítið
langhendunnar gleðispil
Afskaplega er það skrítið
ekkert betra finnst mér til
Tilfinningu tel ég góða
takturinn þá hrífur mig
og ég stúlku upp má bjóða
einstakri sem lætur sig.
Siglingar ég lítið lofa
land vill hafa undir mér
svo ég mettur muni sofa
meðan skipið burtu fer
innskot til að redda þræðinum 8/9/12
fer á barinn brattur mjög
bjór á starir langandi
Bílstjóri sem leikur lög
leggst i vatnið hangandi
Hangand'ifir hálfu glasi,
húki ég á Baggalút.
Velkist um í vísna brasi,
væri nær að fara út.
Takk fyrir reddinguna Obélix minn.
Ég á það til að gleima að þræða.
Úti bíða litlu lömbin
líða fer að slátrum nú
mín svo fyllist mikil vömbin
matinn gefur tíðin sú
Sú var tíð er tók að skyggja
að tappinn valt af flöskunni.
Þjór úr henni þrá- varð -hyggja
uns þegninn lenti í öskunni.
Öskubuska ballið sótti
blíð hún prinsinn tældi nóg
fegurst allra fljóða þótti
fór i skyndi, missti skó
Skórinn fast við flísar nemur,
færist yfir drunginn.
Mér úr rassi kúkur kemur.
Klístrast smá við punginn.
Letta er ekki lögleg langhenda hjá þér Pó. Ég hoppa því yfir.
Skórinn meiðir mig á fæti
meðan ég í honum er.
Allgott væri ef ég gæti
alltaf gengið berfætt hér.
Hérastubbur brauðið bakar
Bangsapabbi lögum ann
Mikki refur marga þjakar
músin Lilli syngja kann
Kanntu brauð að baka góði,
bakstur heillar fljótt um storð.
Strax á eftir ertu slóði
aldrei þrífur vinnuborð.
Vinnuborðið verður, ef að
veltir þú um dallinum,
bólgið, eins og brauðið hefað,
brýr þá síga á kallinum.
Kallinum mér sýnist sama,
samt hann gaf þó leyfi til
að hingað leiti framir frama
fram að næsta hríðarbyl.
Hríðarbyljir hrönnum lyfta,
hlær í björgum öldugnýr.
Ladsins vættir öxslum ypta,
aftur kemur dagur nýr.
Nýr brátt kemur inn á okkar
eðla þingið mannskapur.
Þangað vilja flykkjast flokkar,
fer minn þangað ódapur.
Ódapur ég arka vegi
alla lífsins gönguna.
Um það hér ég ekki þegi
eins þótt snúi á rönguna.