Það tilkynnist hér með, og gjörist heyrum kunnugt, að vér, Fergesji, munum leika á tónleikum með hljómsveit vorri, Sinfóníuhljómsveit áhugamanna, í Seltjarnarneskirkju klukkan fimm eftir hádegi sunnudaginn tólfta febrúar næstkomandi.
Þar verða á efnisskránni eftirfarandi verk:
Forleikur að Don Giovanni eftir WA Mozart
Trompetconcert í Es eftir JN Hummel
Sinfónía nr. 85 eftir FJ Haydn, einnig þekkt sem Drottningin (La Reine)
Tónleikar hefjast stundvíslega, og eru aðgöngumiðar seldir við innganginn á tvö þúsund krónur stykkið, en eitt þúsund fyrir nema og eldri borgara.
Það er vor von, að vér sjáum sem flezta frá sæti voru næst áhorfendum.
Hljómsveitin hefir nú þegar innan sinna vébanda vuvuzela-leikara, svo þess ætti eigi að gerast þörf.
Afsakaðu, en heitir þetta ekki Sinfóníuhljómsveit áhugalausra?
Eigi vitum vér til þess. Satt er þó, að vér höfum verið latir við auglýsingar að undanförnu.
Ég er áhugamaður um hina ýmsustu hluti. Fæ ég þá að spila í bandinu? Mundar blokkflautuna fagmannlega
Það fer eftir áhuganum.
Ég hef töluverðan áhuga, en kann ekki neitt. Má ég vera með?
Vér sjáum því eigi nokkuð móti.
Hvað viljið þið mikinn áhuga þarna í þessu bandi. Duga 30 kíló?