...um þann er orti á undan þér. Þ.e. sömu reglur og gilda á hinum fræga Segðu eitthvað fallegt-þræði.
Háttur frjáls og engin keðja.
Nú þér eitthvað bjútifúl ber
að bragsetja' um hvern, sem hér er.
Það ætti' ekki að vera
svo erfitt að gera.
Enda eintómir öðlingar hér.
Þó kveði í runni og kvaki í mó
og krummar leiki á píanó
fýsir mig einatt almest þó
aftur að heyra ljóð frá Pó.
Víst er hann hlégestuR konungur klár
sem kemur mér oft til að brosa.
Megi hann ríkja í mörg hundruð ár
og margoft sinn gullkopp hér losa.
Billi er ekki svo bilaður mjög
að blaðra út textum og vísum.
Taumlaust á gítarinn töfrar fram lög
hans tónmenntir lofum og prísum.
Afsakið mig ómögulega í vísnagerð - er að æfa mig!
Ekki slæ mér upp með frösum
Ála.
Skulum samt nú skella glösum
skála!
Andþór minn er oftast stilltur
einlægur og hlýr,
hæfilega hress og villtur,
heiðarlegur fýr.
Gleðimaður, gæðapiltur
- góður við tígrisdýr.
hlewagastiR gáfur ber
góður er hans bragur
Fróðleikskistan full hans er
fimur - orðahagur.
Öðlingur er hann
og af öðrum ber hann,
sem gull ber af grasi - svo mjög.
Er Skabbarinn skrumar
jörð skelfur og þrumar -
um hann gilda himnanna lög.
Um hann Pó ég núna nenni
nýtt að gera sæmdarljóð.
Höfðinglegt og hátt er enni,
haukfrán augun, kinnin rjóð.
Hagyrt, fyndin, fögur, vís,
færust allra penna.
Regína er draumadís;
drottning meðal kvenna.
Bragnum hæst þú hefur lyft
hér á þessu svæði.
Með ótæmandi andagift
yrkir fögur kvæði.
skugga á Hvurslags hvergi ber
hvar finnst betri drengur
hraustur maður eflaust er
öllum drekkur lengur
Einn er sá á okkar landi
allra mestur.
Upprifinn er ómissandi,
enda bestur.
Póinn veit ég virtan mann
vænsta skinn á fróni
efast mun ég ekki um hann
enginn er hann dóni
Upprifinn hér er á stjá,
eins og gengur.
Öðrum betur yrkir sá
öðlingsdrengur.
Í hamingju við heyrum
um hjartagullið Pó
af ánægju út að eyrum
hver einasta kerling hló
Má ég kynna mann af gulli:
maður þessi kallast Sulli.
Held ég því (og hafna bulli)
af hrifningu ég í mig drulli.
Einstakur með öllum hætti
og enginn plebbi.
Hefur tök á málfarsmætti,
hinn mikli Hlebbi.