Hér mun fara fram kjör Hagyrðings ársins 2008 á Kveðist á.
Óskað er eftir tilnefningum og atkvæðum. Tilnefningar skal rökstyðja með a.m.k. einni vísu eftir hinn tilnefnda hagyrðing.
Niðurstöður ættu að liggja fyrir snemma á næsta ári geri það að tillögu minni að frestur til að skila inn tilnefningum/atkvæðum renni út á þrettándakvöldi 2009.
Einn hagyrðingur: eitt atkvæði (óháð búsetu).
Verði kjörsókn góð má hugsa sér að skáld það sem titlinum mun hampa að lokum megi nýta sér vegtylluna með einhverjum hætti, sjálfu sér til framdráttar á framabrautinni.
Ég óska þess eindregið að vera ekki með í þessari keppni þvi að mér þykir kveðskapnum engin sómi gerr með svona metingi. Þeim sem vilja nánari rökstuðning fyrir þessari afstöðu minni bendi ég á horfa edduverðlaunahroðbjóðinn. Ég biðst því lengstra orða undan því að vera tilnefndur í þessum leik.
Fyrst hlewagastiR tekur þessu svona, þá er bezt að kjósa Gimlé fyrir mínimalisma árið 2008.
Mitt atkvæði lendir á loka fyrir eftirfarandi vísu á Háttatalslestinum:
Færleiks nær ei fjötrað hvöt
for og torfært hauður,
grundin undir gnötrar flöt
er greiður skeiðar Rauður.
Hlewagastir, fyrir flestar vísur sínar sem eru alltaf skondnar eins og t.d
Blá inn kom en brún út gekk
úr bekkjum ljósa
á endanum fór yndi drósa
að ósa.
Og svo :
Drag er list með hýrri há
sem hommar stunda
Gaman væri að góna á
gaurana og..... púa á þá.
Mitt atkvæði fær Z. Natan Ó. Jónatanz
Sérstaklega fyrir þetta kvæði sitt.
TIL LÍFS
Hvar ertu, sem ég eltist við að finna,
mitt eðla ljós sem tæpast kviknað hefur,
en lifir þó – & læviblandið sefur
í leyndum kimum hugaróra minna ?
Þér bregður fyrir bakvið fánýtt hjómið
á björtum degi, tælandi mitt hjarta...
en þegar húmið svífur yfir, svarta,
þú svarar engu – hverfur útí tómið.
Allar þær nætur angistar & kífs
um eilífð virðast ríkja í sálu minni,
& framundan er feigðarinnar ós.
Vonandi má það verða mér til lífs
á vatnsins botni að þig loks ég finni,
mín huldumær, mín hamingjunnar rós.
Mikið er þetta dauf kosning. Mitt atkvæði fær Z.Natan, tilnefndur af Lokku.
Z.
Já er það ekki bara... Kýs herra Z
Mér finnst þetta svolítið snubbótt kosning.
hagyrðingur ársins.
hvernig væri að velja sætasta hagyrðing ársins, skemmtilegasta hagyrðing ársins, vandræðalegasta hagyrðing ársins, frumlegasta hagyrðing ársins, lélegasta hagyrðing ársins og svo mætti sossum velja besta hagyrðing ársins ef einhverjum líður betur með það.
Ekki má gleyma upprifnasta hagyrðingi ársins, bilaðasta hagyrðingi ársins og skrumaðasta hagyrðingi ársins. Já, og þeim handklæðahausaðasta.
já akkúrat.
Pantekkiverann!
Lappi á annars skilið að fá tilnefningu sem duglegasti hagyrðingurinn.
Ég skal vera latasti lélegi hagyrðingurinn.
Ég skal vera verst stafsetti hagyrðingurinn!!
Nei ég.
Z Natan Jónatans. Fær mitt athvæði sem besti hagyrðingur lútsins.
Annars eru margir sem eru góðir . Þar á meðal eru ,Skabbi , Billi
Og Upprifinn. Svona mætti lengi telja.
Gleðilegt ár !
Þakka líðnu árin
Kveðja! Lappi.