Dásamlega Regína!
Meður því að:
a) Regína þýðir drottining
b) þú ert flestum betur máli farin
c) þú ert svo yfirmáta fögur
ber ég, nýkrýndur konungur Baggalútíu, hér með upp við þig bónorð. Jeg hef þegar gerst svo djarfur að fá leyfi forseta til að bera upp bónorðið þar eð þú gegnir þegar embætti varaforseta. Hann hefur fyrir sitt leyti fallist á ráðahaginn.
Að svo mæltu fell ég á kné mér fellur á kné sér og bið um hönd þína biður um hönd þína.
Þinn einlægur vonbiðill,
Hlebbi kóngur.
Úhhh en rómó! Fær unaðshroll Þessu má maður ekki missa af... Sest út í horn og bíður eftir Regínu
Bíður tilbúin með hrísgrjón og annað lauslegt til að henda yfir bráðum-vonandi-nýtrúlofaða parið
Bíður spennt eftir Regínu
Roðnar óstjórnlega og borar annarri stórutánni ofan í gólfið
Nú verður mér svara vant.
Ræskir sig eftir langa umhugsun.
Háttvirtur nýkrýndur (hvar fór sú krýning annars fram?) settur konungur hins konunglega keisaralýðveldis Baggalútíu.
a) Ég hafði enga rænu á að velja mér nafn með tilliti til embættis er ég steig hér inn forðum, heldur hafði ég allt annað í huga. Það að nafn mitt þýði drottning ber því ekki með sér nokkra valdagræðgi, enda varð ég södd af slíku í teningahöllinni forðum.
b) og c) er satt og rétt, en það á við um margar aðrar, og vil ég nú minna á bleika ostaskerann sem hefur afar fagurt litarraft og þverrifu sem bítur vel ef þunnt skal skera, og Wayne nokkurn sem hefur alla kosti sem drottningu kunna að prýða nema kannski virðuleikann, og hafa þau tvö hafa þegar sýnt embætti þessu áhuga. Einnig get ég bent á Dulu sem er vön drottning (eins og ég) úr teningahöllinni og Sölku úr sömu höll sem hefur þann frábæra kost að vera á Indlandi þannig að þér gætuð gert af þér allar hugsanlegar skammir þangað til hún kemur, eða þér sækið hana, sem gæti verið mjög skemmtilegt (fyrir yður, ekki fyrir þegnana). (Eg meina sko að við myndum svo sannarlega sakna yðar á meðan þér væruð í burtu, ég er ekki að meina að Salka yðri slæm drottning Roðnar óstjórnlega etc etc
Einnig þætti mér slæmt að þér gengjuð framhjá krossgötu sem er bæði vel máli farin og fögur (eins og ég), og margar aðrar koma til greina af ýmsum ástæðum eins og Nornin og Ísdrottningin og Frelsishetjan og Villimey og Tigra og Jarmi og ..... (hér skalt þú setja nafn þitt sem myndir móðgast við að vera sleppt úr þessari upptalningu) ... og Álfelgur og krumpa að ógleymdri Hexiu de Trix!
Hvað felst annars í þessu embætti annað en heiðurinn?
Því fylgir mikil ábyrgð að vera varaforseti, og er ég óviljug að segja mig lausa frá því á meðan allt er i friði og spekt hér í Baggalútíu. Því get ég aðeins tekið þessu bónorði yðar, háæruverðugi konungur, að öruggt sé að varaforsetaembætti Baggalútíu sé í góðum höndum, helst mínum. Ég yrði hins vegar fullkomlega sátt við að sitja á varafosetastól, hvaða drottning sem yrði fyrir vali þínu. Til dæmis ég.
Einnig vil ég benda á að hægt væri að fara í smiðju ævintýranna og stofna embættið meykóngur. Það er kona sem er kóngur í ríki sínu þar til hún eignast mann að eigin vali, sem tekur þá við að vera kóngur og heldur að hann ráði öllu.
Já, ef Regína verður ekki fyrir valinu þá mæli ég með Jarma drottninguGlottir eins og fífl
Fyrst að það virðist orðin viðurkennd staðreynd að Hlebbi sé kóngur þá lýst mér best á að hann verði meykonungur.Ljómar upp
Hvur fjandinn er þetta?! Hvað er verið að bendla mig við drottningartitil?
Jarmi kóngur!
JARMI DROTTNING !
Skellir sér í þann bleika og fær sér asnahalahanastjelskokteil
Það er vel, Regína, að þú játist engum manni umhugsunarlaust, jafnvel ekki konungi. Djarflyndi þitt er kvenskörunga háttur.
Ekki dreg ég í efa að titlatog hafi verið huga þínum fjarri þegar þú valdir þér nafn á sínum tíma. Hitt er sýnu nær að guðleg forsjón hafi þar haft hönd í bagga. Örlögin eru víða að verki og verða illa umflúin. Eigi má sköpum renna.
Alveg er ég hjartanlega sammála því að Bleiki ostaskerinn, Væni-Grétar, Salka og Dula eru öll hinir bestu kvenkostir og hafa allt sem góða drottningu þarf að prýða. Sama má vissulega segja um Ísdrottninguna, Villimey, Álfelgi, Jarma og Krossgötu. Hvað Nornina, Tigru og Hexíu varðar þykist ég vita þær vendilega Gestapó-lofaðar en síst vildi ég gerast hjónadjöfull meðal þegna minna. Nú kann að vera að fleiri séu lofaðar en það hefur þá farið framhjá mér. Ég tek fram að hér á ég eingöngu við um net-ektaskap, ekki brullaup í heimi rauna. Frelli er þó hinn eini af upptöldum kvenkostum sem alls ekki kemur til greina því að hann er svoddan bleyða, greyið.
Hvað felst annars í þessu embætti annað en heiðurinn?
- Þú færð aðgang að ríkisráðinu.
- Þú öðlast völd til að velja fólk í hirðina og stofna þar ný embætti ef með þarf.
- Þú getur beitt drottningartilskipunum ef þú þarft að ná einhverju fram í Baggalútíusamfélaginu.
- Þú færð einkarétt á að setja ofan í við mig ef ég gerist of frekur til fjörsins (sem stundum hefur borið við).
- Þú mátt eiga bangsann minn.
Rétt er að taka fram að fjórði liðurinn er jafnframt kvöð á embættinu.
Ég er þess fullviss að þú fáir að hafa síðasta orðið um það hver taki við hinu mikilvæga varaforsetaembætti. Því fylgir jú lykill að kóbaltvaraforða Baggalútíu og öldungis ótækt að hann komist í aðrar hendur en þeirra sem best verður treyst. Ég er sannfærður um að forsetinn láti ekki slíkt henda. Öruggast væri að þú sætir á báðum embættunum fyrst um sinn en þó er það forsetinn sem hefur alræðisvald um sinn varamann.
Að svo búnu ítreka ég bónorð mitt, þú ert enn fyrst kosta þó að margar vilji meyjarnar eiga mig.
Eðalborna ástarstjarna!
augnafró á Gestapói,
þín ég bið i besta klæði
brúðarhlaup við mig að kaupa.
Dásemd hirðar dýrleg yrðir
drottning mæt í háu sæti
jöfurs stolt - er ber með belti
í brestina á hlewa-gesti.
Mér hugnast miður að drottning mín verði meykóngur því að þá yrði ég ekki annað en pokaprins eins og Breta-Pusi og Dana-Hinrik. Þykir mér þar leiðum að líkjast.
Æ, Regína, nú verðurðu bara að giftast kviki...ég meina Hans Háæruverðugu Tign, Hans Unaðsfögru Náð og Hrífandi Herlegheitum.
Hann bjó til sæta, litla vísu og allt.
Getur einhver stafað fyrir mig þráeltir?
Getur einhver stafað fyrir mig þráeltir?
þonn err á e ell té i err! Ljómar upp Hvað er í verðlaun??? Hoppar upp og niður af spenning
Getur einhver stafað fyrir mig þráeltir?
þonn err á e ell té i err! Ljómar upp Hvað er í verðlaun??? Hoppar upp og niður af spenning
Í verðlaun er vitneskjan um hvað hlewagastiR er gagnvart Regínu. En þú færð þau ekki nema þú berir fram stafina rétt.
Hnussar.
Þorn, err, á, e, eddhl, té, i, err.
Gáfumálaráðherra hefir talað.
Kommon - þetta er borðleggjandi. Hlebbi og Regína eru bæði græn.
Vonandi dregur hún mig ekki lengi á svarinu. Ég sé að Ormlaug á rafmæli.