Eins og komið hefur fram hjá oss í framhjáhlaupi síðustu vikur í hinum ýmsu þráðum hafa óvinir ríkisins eða útsendarar þeirra stolið tímavjel vorri. Nú kemur þetta eigi fram í framhjáhlaupi heldur sem meginefni þráðar auk þess sem um grafalvarlegt mál er að ræða: Vjer þurfum nauðsynlega að fá tímavjelina STRAX.
Ástæða þessa er sú að nú styttist í árshátíðina og nú er gömul hefð í hættu finnist tímavjelin eigi. Hefð sem er ein hinna eldri á Gestapóinu, hefð er verið hefur við lýði allt frá árinu 2004. Sú hefð er að vjer könnum nokkru fyrir árshátíðina hvernig árshátíðin verði og hvað helst gerist þar. Þetta er að sjálfsögðu gert með hjálp tímavjelar. Tilgangurinn er m.a. að geta staðfest 100% að vjer mætum. Til að það sje hægt þarf að sjálfsögðu að vera ljóst að óvinir ríkisins færi sig eigi upp á skaftið meðan árshátíðin stendur yfir auk þess sem þar þarf að sjálfsögðu að vera gaman.
Förum vjer því formlega fram á að fá allar upplýsingar er þeir/þær/þau er þetta lesa kunna að geta veitt svo tímavjelin finnist.
Mikilvægi þessa ætti af undanfarandi upplýsingum að vera augljóst.
Ég hef tekið eftir miklum skorti á tíma til lesturs innleggja... sérstaklega í kringum Kveðist á... vona að þetta hjálpi eitthvað...
Ég hef tekið eftir minnkandi tíma í próflestur sökum anna á Gestapó.
Ef það hjálpar eitthvað.
Tímavjelin er allavega ekki hjá mér. Ég hefði sko notað hana til að skreppa fram í þarnæstu viku hefði ég haft hana!
Eitthvað að frétta af tímavélinni? Mér sýnist nefnilega Fræið vera fast á árinu 2999 og þar af leiðandi litlar líkur á að það komist á árshátíðina... ef þetta reddast, þá er spurning með að skutlast eftir því.
Ok segið mjer, hve langt aftr fer maðr? Ek vil helst aftr snúa. lemur tímavélina með atgeiri
Ég fór í fortíðina sem er núna og stal vélinni fór með hana í gegnu sjálfa sig til framtíðar, þú getur fundið hana 21.janúar 2010.
Eyjaskjeggur, viltu skila eldavélinni minni!
ÉG er hins vegar með tímavélina. Ég var á árshátíð. Það verður gríðarlegt fjör, Vlad verður kysstur og knúsaður í bak og fyrir, Upprifinn fer hamförum í flutningi sínum á Fjöllin hafa vakað, Skabbi drekkur alla sem þora undir borðið í ákavítisdrykkjukeppni - síðar um kvöldið kemur í ljós að ástæða þess að hann er alltaf með sér flösku fyrir sig er sú að hann er með vatn, Hexia dansar ekki við vask í þetta sinn en hún finnst í faðmlögum við fósturjörðina rétt hjá árshátíðarstaðnum. Henni er dröslað upp í rútu og farið með hana heim. Þar hita ég handa henni SwissMiss til að ná úr henni hrollinum en þá þarf að kalla til sjúkrabíl þar sem hún sturlast við að fá SwissMiss og ég verð fluttur stórslasaður á sjúkrahús. Nú aftur að árshátíð. Ritstjórn rekur inn nefið, tekur lagið og gerir grín, óboðnir gestir líta við sem halda að staðurinn sé opinn en Vlad hendir þeim út. The Shrike dansar uppi á borðum og syngur hæst allra. Sundlaugur sendir aukaleikara sem fer út úr karakter og drekkur óhemju magn af blút og fer að þrasa um pólitík. Fergesji ákveður að hljómsveitin sé leiðinleg og tekur allt draslið úr sambandi og skellir hollenskri pöbbamússík á fóninn - tónlast sem inniheldur mikið af ofsavíbrandi söng og valstakti. Þarfagreinir tekur sig til og gerist fatafella - fáum til ánægju, Tina ákveður að vera edrú.
Þetta er nú það helsta sem ég sá þannig að ég kvíði fáu.
Hljómar áhugavert. Flissar
Já, heyrðu... ég var búinn að gleyma því að þú deleraðir biggtæm. Þegar þú settir lampaskerminn á hausinn og söngst lög eftir Árna Johnsem í klukkutíma.
Það kemur mér svosem ekkert á óvart. Glottir eins og fífl Ég hef semsagt komist í vestmannaeyjafílinginn á árshátíðinni. Klórar sér í höfðinu
Á meðan ég gerði ekkert alvarlegra en það.. þá er þetta fínt. Glottir ennþá meira
Hvað segirðu Ívar, mætti ég?
Ég spái því að ég hafi mætt, verið stilltur og prúður og umfram allt bláedrú allan tímann.
Jú, þú mættir en þú sast bara sofandi úti í horni með remúlaði í hárinu.
...
óboðnir gestir líta við sem halda að staðurinn sé opinn en Vlad hendir honum út.
...
Hrökklast aftur á bak og hrasar við
Var staðurinn inni?
Ef Vlad hendir staðnum út, hvar eigum við þá að vera? Eða .. hvar erum við þá? Klórar sér í höfðinu
...
óboðnir gestir líta við sem halda að staðurinn sé opinn en Vlad hendir honum út.
...
Hrökklast aftur á bak og hrasar við
Var staðurinn inni?
Nú snýrðu út úr... Þetta stendur hvergi í textanum mínum.
Tímavjelin, já. Roðnar Hún bilaði aðeins í minni notkun, en er að mestu komin í lag. sýgur skegg sitt vandræðalega
...
óboðnir gestir líta við sem halda að staðurinn sé opinn en Vlad hendir honum út.
...
Hrökklast aftur á bak og hrasar við
Var staðurinn inni?
Nú snýrðu út úr... Þetta stendur hvergi í textanum mínum.
Ekki lengur, en ég las þetta líka áðan.