Möppudýrin, mörg hver hýr og megaskýr
vita hver í kassa býr.
Býr hér vær í búri kæru, Bára Ýr.
(Bára Ýr er bara dýr.)
Baradýrin Baraflokkinn bara þrá,
bara, reyndar, barnum á.
Á hann Nonni á sem bitur gras við á
Nei, úbbs, þetta gengur ekki ...
Á hann Nonni á, og lamb sem ánni hjá
unir sér uns fært er frá.
Fránum augum fálkinn kannar freðna grund.
Etur síðan úldinn hund.
Hundur var í hundrað ár í hundingja
þá barn hann gat með bandingja.
Bandingjunum bráðum verður boðið út
svo þeir fái kneift af kút.
Kúturinn við korkinn vildi klæmast smá:
"okkur tengir báran blá".
Blámaður einn býr í skúr við Borgartún.
Konan hans er kakóbrún.
Kakóbrúnakvennaljósin koma til
körlum sem að spá í spil.
Spilverk þjóða þráðir fólk um þessa jörð,
frá Timbúktú í Trostansfjörð.
Trostansfjörður taldist vera torfarinn,
strjálbýll sem og stórskorinn.
Skorsteinninn í skúrnum upp til skýja nær,
-þokan var svo þykk í gær.
Gærdagurinn gæti orðið góður brátt.
Náði þetta nokk'ri átt?
Áttavillt á aflandsskeri er ein frú.
Hver vill frúnni hjálpa nú.
Núþáleg var nálgun þín og nokkuð góð.
Reynd ert þú að rekja slóð.
Slóðalegu slúbbertarnir slæpast um
stofugólf í stígvélum.
Stígvélunum staflað hef í stóran kúf.
Gúmmískórinn stakk í stúf.