— GESTAPÓ —
Þessi þráður er fyrir minningarorð
» Gestapó   » Vjer ánetjaðir
 • Svara • Vitna í •  Senda skilaboð Senda póst
hlewagastiR 7/9/08 01:59

Á þessum þræði má rita minningarorð um Gestapóa sem hafa ekki skráð sig inn a.m.k. síðustu tvö árin. Eðlilegt má teljast að innan þess tíma sé litið svo að manna sé saknað, en eftir tvö ár er óhætt að telja þá af má þá rita minningarorð. Dúkki viðkomandi samt upp telst hann úr Helju heimtur. Dúkki hann upp grunsamlega snemma eftir ritun minningarorðanna telst það grunsamlegt.

-------------------------

Elli Von Pervesius lll
Elías persvisni leit fyrst Lútsins ljós í skammdeginu 2003, nánar tiltekið þann 18. desember. Raunar er eina félagsrit hans ritið þann 17. desember 2003, eða degi fyrir fæðingu hans. Það er grunsamlegt og bendir til þess að Elías hafi haft yfir tímavélum að ráða. Því er ekki með öllu útséð um að Elías sé látinn, hann gæti hugsanlega hafa villst með tímavélinni á framandi jarðsöguskeið í grárri forneskju eður litríkri framtíð. Þó er hitt sýnu liklegra að hann hafi tekið sér far með hinstu hraðlestinni til Himnaríkis og stundi þar áhættulausar andans tímaferðir.

Þetta eina félagsrit Ella snerist um áfengis- og kartöflutengdar raunir við undirbúning jólahátíðarinnar 2003. Aldrei lét neinn svo lítið að svara ritinu og kann það að vera skýringin á því að þessi snjalli penni lagði pennann (þ.e.a.s. sjálfan sig) á hilluna og urðu ritin ekki fleiri. Efalaust hefði frekari rit þessa jöfurs orðið okkur skjöldur fyrir skarði en þess í stað er nú skarð fyrir skildi. Á allan hátt.

Elli ritaði tvö innlegg á þræði á fæðingardegi sínum, en aldrei neitt eftir það. Annað innleggið lagði hann á kveðskaparþráð. Auk þess greinir hann frá eðli sínu og fræðasviði í bundnu máli. Samtals eru vísurnar fjórar og lofa þær góðu. Ekki er því að neita að í þeim eru hnökrar á stuðlun og hrynjandi en þeir eru óverulegir og á því leikur ekki nokkur vafi að hefði Elli fengið að þroskast í list sinni hér á Gestapó hefði hann orðið efni í þjóskáld, já jafnvel kraftaskáld. En fyrir algert skeytingarleysi Gestapóa varð svo ekki.

Elli hefur greinilega lengi vonast eftir viðbrögðum því í rúma þrjá mánuði beið hann. Hann var síðast hér á ferli 24. mars 2004 en koma þá, eins og svo oft áður að tómum kofanum. Það hefur verið hnípinn maður sem gekk héðan út og lokaði á eftir sér í hinsta sinn þann dag. Þessi maður, sem valið hafði sér mynd ástsælasta sonar þjóðarinnar, sjálfs Jóns Sigurðssonar frá Hrafnseyri við Arnarfjörð, sem hefði svo hæglega getað orðið sómi Lútsins, sverð og skjöldur, endaði sem það sem enginn sér - og enginn gefur stig. Ekkert er nöturlegra.

Til að heiðra minningu Ellla hef ég nú ritað fyrstu athugasemdina við hið stórgóða en vanmetna félagsrit hans og vona að fleiri fylgi. Helst vildi ég óska þess að með því takist að særa Ella von Pervesius III fram úr gröf sinni - en takist það ekki bið þess að hann megi hvíla í friði, auk þess sem ég samhyggist Ella II og frú innilega, þeirra missir er meiri en tárum taki.

Þetta ritar ósköp úldið, aldið skar. • er falskonungur forðum var.
 • Svara • Vitna í •  Senda skilaboð Senda póst
Wayne Gretzky 21/9/08 22:04

‹Biður Hlebba um að skrifa um Grýtu sem súg saknar svo sárt›

 • Svara • Vitna í •  Senda skilaboð Senda póst
Ívar Sívertsen 21/9/08 22:06

Wayne Gretzky mælti:

‹Biður Hlebba um að skrifa um Grýtu sem súg saknar svo sárt›

Lestu regluna... einhver sem ekki hefur skráð sig inn í a.m.k. 2 ár

Ráðherra drykkjarmála, spillingarmála, ummála og löggiltur oftúlkur, kantor í hverri einustu andskotans messu sem haldin er og spangólari ríkisins. Forseti skásambandsins.
 • Svara • Vitna í •  Senda skilaboð Senda póst
Jarmi 22/9/08 18:39

Leibbi Djassssssssssssss...

Koddu aftur Leibbi!

Jarmi - 110 oktan og helblekaður á því. Dólgur.
 • Svara • Vitna í •  Senda skilaboð Senda póst
Texi Everto 21/10/08 13:16

lúzifer
lúzifer eða Lúsí eins og hún var gjarnan kölluð fæddist um nónbil, þann 21. október 2003, skömmu síðar hvarf hún.
Hún var ekki kona margra orða en þótti skörp, samanber eina innlegg hennar.

lúzifer mælti:

ég svara ekki þar sem þessi tala á ekki við mig.

Hennar helsta fræðasvið var „allskonar vitleysa og dót sem skiftir í raun engu máli“.

Í raun skipti vera hennar ekki miklu máli enda stutt, en samt er við hæfi að heiðra minningu hennar með varðeldi og bökuðum baunum.

‹Hleður varðeld og kveikir í, bakar baunir›

• Þetta innlegg á sér ekki endilega stoð í Gestapóleikanum • Söngmaður sólarlagsins og áhangandi ljósaskiptanna • Fjalldrottning Baggalútíu • Riddaralið • Texi Everto treve ixet • Áttavillingur • Vonbiðill Geitarinnar • Matætan frá Mývatni
» Gestapó   » Vjer ánetjaðir   » Hvað er nýtt?
Innskráning:
Viðurnefni:
Aðgangsorð: