Rytjuleg er rýjan sú Volvo er drasl.
Rokk í dans mig togi. Volvoinn virkar best í togi.
Stóðhesturinn stælti nú. Volvo er jafn hastur og stóðhesturinn.
Strætó í Kópavogi. Volvo er algeng gerð af strætisvögnum.
Ég tel best að vera fyrstur með rétta svarið svo ég þurfi ekki aftur að koma vísvitandi með rangt svar þegara allir aðrir eru komnir með rétt svar. Þó getur samt verið að Álfelgan hafi hitt á rétt svar,
Ég sé það núna að Álfelgan var víst með þetta en ég er samt á því að Volvoinn sé líka réttur.
Þú ert nú aldeilis snjallur kallur!
Annars var Offari búin að ráða hana fyrirfram - sjá hér að ofan. Maðurinn hefur greinilega komið höndum yfir tímavél. Ef ég ætti tímavél myndi ég frekar nota hana til að svindla í Kauphöllinni en í Vísnagátunum. Misjafn er mannanna smekkur.
Jæja, en þessa getið þið aldregi!
Þetta kallast þunnur hundur.
Þessi í Breiðholt fer með hraði.
Vélsmiðjan er vestfirkst undur
vont er þetta súkkulaði.
Ég veit ekki með fyrstu línuna, en...
Þristur?
ÞRISTUR! Stekkur hæð sína
Já.is kom mér á sporið:
Vélsmiðjan Þristur ehf. Sindragötu 8, 400 Ísafjörður
Lág spil eru kölluð hundar.
Vagn nr. þrjú fer í Breiðholt.
Þristur á Ísafirði.
Og súkkulaðið Þristur. (Reyndar lygi að það sé vont. Allavega ekki á bragðið!?)
Hvernig datt mér þetta í hug svona algerlega án aðdraganda?
OHHHH! Of lengi að skrifa skýringuna og leita heimilda ... og svarið var komið. Dæsir mæðulega og lítur út um gluggann
Nákominn ættingi býr á vestfjörðum, hvurs sonur fékk sumarvinnu í vélsmiðju. Leið tólf er ekki lengur hraðferð Hlemmur/Fell, en það er ekki um mörg númer að ræða svo sem í hraðferðum í Breiðholt. Mér finnst svo reyndar þetta súkkulaði ágætt öðru hvoru.
Það er þá best að koma strax með svarið við næstu gátu. = Fjarki.Ljómar upp
Fernt í einu í fæstum orðum.
Ferlegt spil (að vissu marki).
Hagar-Sund hann hét víst forðum
hefur uppnafn Finnur Bjarki.
Heyr á endemi. Hann var á undan mér. Þessi með tímavélina.
Það skal nú tekið fram að ég er að fara að sofa og hyggst ekki yrkja gátu um fimmu. Aðrir mega þó spreyta sig.
Góða nótt,elskurnar mínar, og megi góður Guð vaka yfir ykkur. Sjitt.
Í spilum er hann alveg uppi.
Á þér stundum líka uppi.
Í mörgum löndum ennþá uppi.
Með ýktum hreim hann væri „Buppi“.
Roðnar óstjórnlega og borar annarri stórutánni ofan í gólfiðBrestur í óstöðvandi grát
Kóngur skal það vera.
Fyrsta tilraun til gátusmíða og skal virt til vorkunnar. Á að vera skítlétt...
Fara vil ég fljóðs um höndum,
fallin lík í Austurstræti.
Svamlar ár í öðrum löndum,
endurvinnslustöðvar fyllir.
Bjór?
Fara vil ég fljóðs um höndum, = beaver á enskunni
fallin lík í Austurstræti.= sumir 'deyja' í Austurstræti sökum bjórdrykkju ?
Svamlar ár í öðrum löndum, = kykvendið bjór
endurvinnslustöðvar fyllir. = margar bjórdósir og flöskur enda á slíkum stöðvum
Bjór?
Fara vil ég fljóðs um höndum, = beaver á enskunni
fallin lík í Austurstræti.= sumir 'deyja' í Austurstræti sökum bjórdrykkju ?
Svamlar ár í öðrum löndum, = kykvendið bjór
endurvinnslustöðvar fyllir. = margar bjórdósir og flöskur enda á slíkum stöðvum
glæsilegt!
í fyrstu línu var ég nú reyndar bara með hörundið (bjórinn) í huga en þetta er enn skemmtilegra.
var að átta mig á því að rím er þarna í algjöru klúðri; skipti eitthvað um skoðun á síðustu stundu en ekki alla leið... afsakið.
Best að prófa að spreyta sig á einn vísnagátu.
Sést hann oft á súpudisk
sumum heldur glöðum.
Oft hann á við fugl og fisk
og fæst á mörgum stöðum.
Er þetta einhver sérstakur drykkur? Kannski hvítvín?