Laukrétt. Eftirminnilegt stórvirki í alla staði.

Næst:
Maður stendur fyrir utan hús í mígandi rigningu og heldur á stóru kasettutæki fyrir ofan hausinn og spilar úr því tónlist.

Þarf að sjá þessa mynd aftur, hef ekki séð hana síðan á unglingsárum.

Humm. Er þetta ekki bara Say Anything?

Auðvitað.

Sá hana einmitt fyrir ekki svo löngu, þá í fyrsta sinn frá æskuárum mínum.

Ungur maður stendur á spjalli við konu sem hann og við teljum vera móður hans. Skyndilega byrjar hún að tæla hann, eða svo virðist a.m.k. Stuttu seinna hnígur hann í valinn.

Hver er myndin og hvernig lést maðurinn?

Fjandakornið. Þetta hringir mörgum ryðguðum bjöllum.

Er þetta Lynch mynd?

Nei.

‹Gnístir tönnum›

Þetta er skelfilega kunnuglegt.

451 Fahrenheit?

Gerist myndin í stríði?

Nei og nei.

Myndin tengist reyndar Say Anything í leikaravali.

Er umrædd mynd eldri en frá árinu 1986?

-

Nei, hún er yngri en það - en ekki mikið yngri.

Jæja! Vísbending: John Cusack leikur semsagt aðalhlutverkið. Í öðru aðalhlutverki er dóttir verulega þekkts leikstjóra og í því þriðja eiginkona leikara sem varð leikstjóri á seinni árum...

Skakklappist þið nú til að svara - þetta er auðvelt úr þessu.

Miðnætti í garði góðs og ills?

Nei, þessi er eldri.

Líklega má vel flokka myndina sem film noir en faðir aðalleikkonunnar sem ég nefndi var með þeim fyrstu og frægustu sem nýttu þann stíl. Þá á ræman það sameiginlegt með Midnight... að vera gerð eftir skáldsögu - þó mun minna þekkt sé. Höfundur hennar var samt mjög virtur glæpasagnahöfundur.

Skuggar og þoga?

Þetta hlýtur þá að vera The Grifters.

Rétt!

Þetta er hin ágæta The Grifters með þeim John Cusack, Anjelicu Huston og Annette Bening. Anjelica er auðvitað dóttir John Hustons, leikstjóra Key Largo, Möltufálkans og fleiri klassískra film noir mynda. Bening er eiginkona leikarans og leikstjórans Warren Beatty. Myndin er byggð á sögu Jim Thompsons.

Tina!