Þú hittir naglann beint í skallan, það eru nebblilega töluverðar líkur á því að þetta lið endi sem sálufélagar mínir ef svo heldur fram sem horfir. Og leiðindi hef ég ekki orðið var við hérna, jafnvel þó að stundum ætti ég það skilið fyrir uppvöðslusemi og fíflagang. Ég bíð þig velkominn og skemmtu þér vel. Skál xT

‹Gefur Huxa knús›

Já og sæll Villti Óskar.

Segir hann sem kom hingað í gær og þegar farinn að káfa um götur bæjarins .

Góða kvöldið.

Já sæl veriði.

Mikið er ég nú upp með mér að Andþór velti mér fyrir sér, ég bjóst alt eins við því að verða hundsaður hið ítrasta.

‹
Veltir því fyrir sér hvernig reglur séu um það hvenær megi fara velta hlutum fyrir sér, og þá að sama skapi hvort að það séu mögulega aðrar reglur yfir hvenær megi fara velta öðrum gestum Gestapó fyrir sér›

‹Veltir fyrir sér hvað Óskar átti við› Velkominn. Það er ekki allra að heilla jafnmarga og þú hefur gert í upphafi þínu hér. ‹Réttir Óskari kakóbolla með nafninu hans á› Svo ferðu með þennan á Kaffi Blút og fyllir á ef enginn ógnar þér við að nálgast galdraafleysingakakóholuna hennar Hexíu. ‹Ljómar upp, fer og lætur sig dreyma um nýlagað Hexíukakó á nýjan leik›

Sæll Óskar og velkominn. Ég myndi ekki koma nálægt Kakóholunni, sumir stunda það að nota hana sem hlandskál eftir lokun... annars áttu eftir að hafa það gott hérna...

Vá, þetta er í fyrsta sinn er einhver gefur mér slíka gjöf. Þakka þér fyrir, kærlega.

‹Röltir í átt að kaffi Blút með bros á vör, með nýja bollann í annarri og aukapar af sokkum í hinni. Það er aldrei að vita hvenær aukapar af sokkum getur bjargað lífi fólks›

‹Dillir sér til heiðurs Óskars.›
Öllum er boðið að dilla sér með, vinsamlegast hlustið á þetta lag á meðan.

Annars er ég að sækja um ríkisborgararéttindi eins og þú.

Þetta er nú ekki alveg rétt. Sjaldan er skammað fyrir að yrkja vitlaust, en því oftar fyrir að yrkja rangt. ‹Glottir út í annað›

HVAÐ ER ÞETTA?! EKKI Á ÉG SVONA! ‹Hótar B. Ewing að klippa á strengina ef hann gefur sér ekki miklu stærri og flottari bolla›

Ég sagði þér þetta, sagði ég ekki. Það má ekkert gera rangt eða vitlaust eða eitthvað, þá er maður skammaður. ‹Er ferlega sár›

‹Ullar á Don de VIto› Helduru að ég sé einhver strengjabrúða? Bollinn þinn er búinn að rykfalla í neðstu hillunni á Kaffi Blút í óratíma. ‹Bendir í áttina að Kaffi Blút›

Elsku Huxi, afsakaðu mig,
að ég skyldi særa þig svo illa.
Í fíflagangi fór ég svon’á slig,
og fínu skapi þínu tókst að spilla.

Sem friðargjöf ég færa vil nú þér
feyskið ljóð sem nokkurn veginn stuðlar.
Ef viltu ekki þiggja það af mér,
þá þú blaðið rífur, og svo kuðlar.