nú er dagur lífs og leti
ligg ég bara og dorma
kannski rís úr kósí fletti
og klæði út mína orma
Grasekkillinn gleðst hér á
Gestapói núna.
Vísnagátu vil ég sjá
verulega snúna.
Í tilefni af óþolandi bílaauglýsingu sem er mikið spiluð í útvarpinu þessa dagana:
Núna er mér ekki’um sel,
en í lúxuskerrum,
er krullujárn og kaffivél,
og klósett handa perrum.
Nóvember er næstum búinn,
nú má fara’að hugsa’um jólin.
Gjafakaupin, gjarnan snúin,
gremju valda eldhústólin.
(Pabbi komst þó upp með það að gefa "praktískar" gjafir, enda gömlu hjónin hagsýn.)
Magnað fékkstu móðurborð,
svo mynda getir notið.
Nú skal velja aðgangsorð
sem enginn getur brotið.
Ég sá einhverja fyrirsögn um að einhver ráðherra væri alls ekki viss um að nokkuð hefði verið hlerað. En hvað sumir eru bláeygðir.
Þó ráðherrann nú mæli af mekt
og mæni oní kverið,
ég held að það sé hugsanlegt
að hlerað hafi verið.
Það var óvenju kalt í vinnunni í dag og ég fór að hugsa um súkkulaðið góða sem ég bjó til í gær...
Úr nístingskulda nötra
og norpa eins og rolla,
hve sæl ég vildi sötra
súkkulaði úr bolla.
Desember er dottinn á,
dregst hann oft á langinn.
Við undirbúning er ég þá
oftast nokkuð banginn.
Dagur langur desember
dregur senn að jólum.
Ofsakátur feiminn fer
í frakka, upp að Hólum.
Ég náði loks að horfa á "Gamlárspartý" myndbandið áðan.
Ljómar upp
Myndbandið er mjög svo gott,
magnað einnig lagið.
Eftir það fer aulaglott,
um mig annað slagið.
Ég var að skipta yfir á nagladekkin, og fór með lítið notuð dekk til að athuga hvort hægt væri að taka þau upp í.
Einskis virði eru’í dag,
orðnir gamlir hlutir.
Eitt sinn þótti efla hag,
einhverju að koma’í lag.
Enga vísu á ég frú,
inni’í mínum haus.
Þessa krísu þarf ég nú
að þreyja vínalaus.
Mýkjublöndur mixa fús
úr melónum og peru,
banana og beljudjús,
búrbonskoti' og vodkalús.
Tvöþúsund innleggin á ég að baki.
Mér óar það nokkuð er lít ég um öxl.
Því er það von að nú vísunum hraki,
með vananum kemur á reglurnar slaki.
Lánardrottnar læðast að
með ljótan svip í framan.
Gjaldfellingin gerir það
að grúppa þeir sig saman.
Tónaraðir, textabrot,
töluvert af bíti.
Banameinið byssuskot.
Bítil enn ég sýti.
Þrútinn böll ég þarf að fá
þrír væru sko æði
Daglangt mér svo djöflist á
drukkna vil í sæði.
lífið er helvítis darraðadans
dauðinn mun toga i kauðann.
Á þessu byggist sá metnaður manns
að mála fyrst bæinn vel rauðan.