Kæru vinir,
Úlfamaðurinn hefur uppgötvað tilvist frelsisbaráttu sem hefur ekki átt sér stað í lífríkissögu Jarðar svo að vitað sé. Úlfamanninum hefur borist til eyrna sú frétt að suður - amerískir píranafiskar hafi lært af löndum sínum að gera borgaralegar uppreisnir, og sloppið í vötn, ár og læki í Úkraínu. Í Morgunblaðinu í dag, nánar tiltekið Föstudaginn 26 maí 2006, ráku úlfaskilningarvit mín upp stór eyru, og augu, og trínið varð virkt sem aldrei fyrr;
" Pirhanafiskar hrella Úkraínumenn
Kíev. Dpa/ Úkraínumenn eru í miklu uppnámi en nú er komið á daginn, að suður - amerískir píranafiskar hafi sloppið út í náttúruna og finnast nú í æ fleiri vötnum í Úkraínu. Eru þeir mjög árásargjarnir og raunar stórhættulegir. Leitað hefur verið að piranha - fiski í mörgum vötnum en fyrr í vikunni fundu vatnalíffræðingar heila torfu í Kasaíanka - vatni í austurhluta landsins. Eru þessi tíðindi mikið fréttaefni úkraínskra fjölmiðla og að þeirra sögn hefur fiskurinn ráðist á og bitið tvo fiskimenn og drepið fjöldan allan af bísamrottum, nagdýrum, sem lifa í vötnum, fuglum og snákum. Líklegt er, að einhver, sem var með fiskana í búri, hafi losað sig við þá í eitthvert vatn nú í vor. Lífræðingar búast þó ekki við, að fiskurinn verði langlífur í Úkraínu, en öllu kaldara er þar en í Amazon - frumskóginum"
forsíðufréttargrein sem birtist í Mogganum í dag
Já, Úlfamaðurinn og píranafiskurinn eru náskildir ættingjar. Spendýrin eru sögð komin upphaflega af fiskum og fiskarnir af mun frumstæðari dýrategundum, og er allt þetta kennt í líffræðibókum. Hins vegar er úlfamanninum spurn hvernig píranafiskur fer að því að lifa í bísamrottum, og hvort að bísamrottur séu nokkuð íslamstrúar. Þá er úlfamanninum einnig spurn hvort að um sé að ræða einn fisk sem drap fiskimennina og öll hin dýrin, eða marga fiska, en eins og orðrétt segir í Morgunblaðinu, málgagni Sjálfstæðismanna, þá er stundum talað um píranafiskinn í eintölu, og stundum fleirtölu. Þannig að kannski var jafnvel um einn fisk að ræða sem var orðinn kleifhugi á öllu þessu þrælaríi að mega aldrei fá að sjá umheiminn og þurfa alltaf að vera lokaður í búri.
Úlfamaðurinn man eftir því þegar hann horfði á kvikmyndina Piranha í sjónvarpinu, og sá kvikmynd sem hét Piranha; Flying Killers. Síðan þá hafa píranafiskar hingað til nær eingöngu getað fengið sér vinnu sem kvikmyndastjörnur og þá í stuttan tíma í senn enda mjög sagtenntir, og skipulagðari í hugsun heldur en ókindin sjálf. Píranafiskar eru meira að segja skipulagðari heldur en Bandaríkjaher. Þeir geta dvalið í vatni í margar milljónir ára án þess að þurfa að fella einn einasta afghanska skæruliða, og fylgst með öllu sem gerist í grugguga vatninu í leiðinni. Þeir geta valdið meiri ótta og skelfingu en Rockefellerarnir sjálfir og sjálfur Osama Bin Laden óvopnaðir. Þegar píranafiskar gera árás þurfa þeir aldrei að hafa áhyggjur af því að verða settir opinberlega á skrá sem hryðjuverkamenn. En hlutfallslega eru píranafiskarnir í raun saklausir, óbreyttir borgarar ættaðir frá suður - Ameríku í leit að föðurlandinu. Því eru þeir svo taugaveiklaðir sem raun ber vitni. Píranafiskar eru svo taugaveiklaðir að varla má hreifa sig í búri með þeim án þess að þeir geri árás, og þá gerir allur hópurinn árás í einu, og það sem best er við hversu vel skipulagðar árásir píranafiska eru, að þær eru mun skipulagðari heldur en árásir Bandaríkjamanna í Afghanistan og Írak.
Þær eru svo skipulagðar að sá sem upphaflega hóf árásina kemst aldrei á blað og verður aldrei skráður sem hryðjuverkamaður jafnvel þó að honum hafi tekist að fella tvo Úkraínumenn einsamall. Píranafiskarnir í úkraínu eru þannig að vissu leyti mun meiri og áreiðanlegri byltingarsinnar en Fidel Castro. Því styður úlfamaðurinn frelsisbaráttu píranafiska, og hvetur alla píranafiska sem eru í búrum sem eru staðsett nálægt sjónvarpi að fylgjast með, því nú hafa þeir líka lært að uppgötva frelsisbaráttuna á eftir okkur spendýrum og risaeðlum, og úlfamönnum sem aldrei hafa reyndar þurft að standa í neinni sérstakri frelsisbaráttu þar sem flestir okkar hafa verið einfarar að eðlisfari og ekki þurft að hafa mikla hópvinnu í stafni. Píranafiskarnir eru snillingar í að vinna saman í hóp og öfundar úlfamaðurinn þá að þessu leyti enda gat hann aldrei unnið almennilega í hóp í skóla sjálfur.
Úlfamaðurinn veit líka að það allra besta við stöðu píranafisks sem morðingja og hryðjuverkamanns er að hann þarf aldrei að láta handjárna sig. Það er hægt að koma sjálfri kóbra - kan slöngunni í búr eða kassa eða krukku, en það verður aldrei hægt að handjárna píranafisk og leiða til réttarhalda.
Þetta er ein staðreynd sem Bandaríkin munu aldrei skilja en suður - Ameríka hefur erft sem meginland og siðmenning af guðs náð. Allt í einu er píranan orðin að tákni um baráttuna fyrir frelsi í augum suður - Ameríkumanna sem eru oftast kallaðir ólöglegir innflytjendur þegar þeir vilja ferðast til Bandaríkjanna. En engum dettur að kalla píranafiskana ólöglega innflytjendur þegar þeir stelast í vötn Úkraínu og þurfa ekki einu sinni að biðja um landvistarleyfi, þess í stað eru þessir miklu snillingar kallaðir ´mikið fréttaefni úkraínskra fjölmiðla´enda meistarar í að komast upp með morð og hryðjuverk án þess að þurfa að lenda í fangelsi. Nú langar úlfamanninum að vita hver verði viðbrögð Baggalútarmanna við því að fá frétt á vefsíðu sína sem aldrei hefur verið rædd neins staðar nema hingað til, á Íslandi, Úkraínu og vissum öðrum tímaritum, alla vega ekki sem stendur á Baggalútnum sjálfum. Já, ljúft er að hafa úlfamann sem fréttaritara á vefsíðu því að úlfaskilningarvit mín gera mér kleift að vera fyrstur með fréttirnar í hvert sinn sem eitthvað er sagt, jafnvel þegar um frelsisbaráttu píranafiska er að ræða, sem er eitthvað sem sjálfur Fidel Castro er ekki enn búinn að heyra, hvað þá Che Guievera.
kær kveðja,
Það er verst ef greyin drepast úr kulda .Spurning hvort það ætti ekki að vera partur af þróunaraðstoð Baggalútíu að gefa þessum fiskum hlýja kraftgalla
Nauðsynlegt er að senda friðarsaminganefnd undir forystu Hans Blix til að semja við Píranafiskana. Eflaust verður hægt að finna þeim stað þar sem þeir geta stofnað nýlendu og lifað sínu lífi í friði með nágrönnum.
Hans Blix hvað?
Hver er betur fallinn til þessara viðræðna en Ríkissáttasemjari Baggalútíu,
Ef illa gengur með samningaviðræðurnar get ég samið svo svæsnar klámvísur um aðila málsins að þeir munu að öllum líkindum flýja frá Úkraínu og við (Baggalútiska heimsveldið) getum lagt hana undir okkur án blóðsúthellinga.
fer að undir búa vísu sem inniheldur orðin: svunta, orðin og blíða.
Blíð var orðin undir svuntu
píranæa drottning klár.
Hálfur uppí hennar kuntu
Hubbel sýnist agnar smár.
‹Örlítið höfuðstafasvindl, en hvað er það á kosningadegi!› ‹Glottir›
Já, meira að segja Dordingull kann að meta visku og skipulagsáfu píranafiskanna. Dordingullinn hefur bent úlfamanninum á að píranafiskarnir búi meira að segja yfir getunni til þess að minka Hubble með hugaraflinu einu saman!!
kær kveðja,
Úlfamaðurinn (viðurkennir að hann hafi lengi langað til að hafa píranafiska þegar hann var lítið barn)
Hakuchi og Upprifinn áttu nú grunnhugmyndina.
Var nýbúinn að lesa Hubbel-þráðinn og um leið og ég las síðustu línu þess rifna varð vísan til á 0,7.
Verst ef ég hef stolið glæpnum frá Upprifnum, en hann getur bara komið með aðra vísu.
‹Glottir eins og fífl›
Píranafiskarnir virðast ekki enn vita að njósnað sé um þá og starfsemi þeirra. Hér á Baggalútnum var nefnilega verið að ræða um leyniþjónustu en síðan var þeirri síðu lokað þar sem í ljós kom að yfirskilvitleg skilningarvit okkar Baggalútninga standa starfsemi erlendra njósnastofnana framar, en það er ekki þar með sagt að við njósnum ekki opinberlega um frelsisbaráttu jafnvel píranafiskar, og sérstaklega þegar rætt er um hvort senda eigi sáttarsemjara til Úkraínu til að athuga hvernig píranafiskarnir bregðist við. Úlfamaðurinn varar sáttasemjarann við, það eina sem píranafiskar skilja örugglega, er gott þefnæmi annars vegar, tennurnar í sjálfum sér hins vegar, og blóð, sviti, tár og mikil spenna í þriðja lagi,
Aðgát skal höfð á næstu misserum þegar farið er til Úkraínu, hvur veit, kannski verða píranafiskarnir búnir að koma sér upp eigin ríkisstjórn fyrir vikið, eigin stjórnarskrá, og eigin sjálfstæðisyfirlýsingu,
kær kveðja,
Úlfamaðurinn